完整藏文原文 · 德格版页 当前仅加载第 59 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་ཤེས་རིག་དང་སོ་སོ་ཡང་དག་རིག །འདི་དག་ཐམས་ཅད་མཁྱེན་པའི་སེམས་ལས་བྱུང་། །སྟོབས་བཅུ་སངས་རྒྱས་ཁ་དོག་བསམ་ཡས་དང་། །གང་དག་དེ་བཞིན་གཤེགས་པའི་མི་འཇིགས་དང་། །གང་དག་སངས་རྒྱས་ཆོས་ཡངས་དཔག་
D169.059.0278a01.01མེད་པ། །དེ་ཀུན་རྣམ་དག་སེམས་ལས་ངེས་པར་བྱུང་། །གང་ཞིག་ཞིང་རྣམས་བྱེ་བ་བསྐྱོད་པ་དང་། །ཐམས་ཅད་དབྱངས་ཀྱིས་གོ་བར་བྱེད་པ་དང་། །འོད་དང་བཀོད་པས་དྲི་མེད་རྒྱས་འདོད་པ། །མཁས་པ་དེས་ནི་བྱང་ཆུབ་སེམས་བསྐྱེད་ཅིག །མཁས་པ་གང་
D169.059.0278a02.01ཞིག་བྱང་ཆུབ་སེམས་བསྐྱེད་པ། །ཕྱོགས་རྣམས་ཀུན་དུ་མཆོད་པའི་འོས་སུ་འགྱུར། །དེ་བཞིན་གཤེགས་པ་རྣམས་ཀྱིས་བསྔགས་པར་འགྱུར། །གསོལ་བ་མ་བཏབ་འགྲོ་བའི་བཤེས་སུ་འགྱུར། །གལ་ཏེ་སངས་རྒྱས་ཐམས་ཅད་གཟིགས་པ་ཡིས། །
D169.059.0278a03.01བསྐལ་པ་མང་པོར་བསྔགས་པ་བརྗོད་ཀྱང་ངོ་། །བྱང་ཆུབ་སེམས་ལས་བསོད་ནམས་གང་བྱུང་བ། །བརྗོད་པས་ཟད་པར་འགྱུར་བ་མ་ཡིན་ནོ། །རྒྱལ་པོ་བསོད་ནམས་ཀྱི་རྣམ་པར་སྨིན་པ་ཡོངས་སུ་དག་པས་ཚིགས་སུ་བཅད་པ་དེ་དག་སྨྲས་མ་ཐག་ཏུ་དེ་ནས་
D169.059.0278a04.01སྲོག་ཆགས་ཁྲག་ཁྲིག་ཕྲག་དགུ་བཅུ་རྩ་གཉིས་པོ་དེ་དག་དང་། རྒྱལ་པོའི་བཙུན་མོའི་འཁོར་དེ་དང་། བུ་ཁྲི་པོ་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཡང་རྣམ་པ་དྲུག་ཏུ་རབ་
D169.059.0278a05.01ཏུ་གཡོས་སོ། །ལྷ་བྱེ་བ་ཕྲག་བཞི་བཅུས་ཀྱང་རྗེས་སུ་ཡི་རང་ངོ་ཞེས་སྒྲ་ཕྱུང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་ལོས་སྒྱུར་བའི་རྒྱལ་པོ་དེས་ཕྱིས་ཀྱང་ལོ་བྱེ་བ་ཕྲག་བཅུར་དེ་བཞིན་གཤེགས་པ་རྣམ་པར་གཟིགས་དེ་ལ་བདེ་བར་སྦྱར་བ་
D169.059.0278a06.01ཐམས་ཅད་ཀྱིས་བསྟི་སྟང་དུ་བྱས་སོ། །བླ་མར་བྱས་སོ། །རི་མོར་བྱས་སོ། །མཆོད་དོ། །ཚངས་པར་སྤྱད་པའི་བསླབ་པའི་གནས་ལྔ་ཡོངས་སུ་བླངས་སོ། །རྟག་ཏུ་རྒྱུན་མི་ཆད་པར་དེ་བཞིན་གཤེགས་པ་དེ་ལ་ཆོས་ཉན་པའི་ཕྱིར་གཡོག་དང་བཅས་ཏེ་དོང་ནས་ཆོས་ཉན་ཏོ། །
D169.059.0278a07.01