完整藏文原文 · 德格版页 当前仅加载第 59 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཉིད་དུ་ཁོང་དུ་ཆུད་པས་ཤེས་རབ་མི་འཁྲུགས་པ་དང་། ཆོས་སྨྲ་ཞིང་ཉེས་པར་སྨྲ་བ་མེད་པས་གཏམ་རྒྱུན་ཆགས་པ་དང་། མི་དགེ་བའི་ཆོས་ཐམས་ཅད་མ་ལུས་པ་སྤངས་པས་བག་ཆགས་ཐམས་ཅད་ཡང་དག་པར་བཅོམ་པ་དང་། སངས་རྒྱས་ཀྱི་ཆོས་རང་བྱུང་
D169.059.0297a01.01བས་སློབ་དཔོན་མེད་པ་དང་། སངས་རྒྱས་ཀྱི་ཆོས་མ་ལུས་པར་ཁོང་དུ་ཆུད་པས་རྣམ་པ་ཐམས་ཅད་ཤེས་པ་སྟེ། སངས་རྒྱས་ཀྱི་ཆོས་མ་འདྲེས་པ་འདི་དག་ཐམས་ཅད་རབ་ཏུ་འཐོབ་བོ།། །།བམ་པོ་བཞི་པ་སྟེ་ཐ་མ། དེ་ནས་བཅོམ་ལྡན་འདས་ལ་བུ་མོ་རིན་ཆེན་གྱིས་འདི་སྐད་
D169.059.0297a02.01ཅེས་གསོལ་ཏོ། །བཅོམ་ལྡན་འདས་གང་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་འདི་དག་སྔོན་དགེ་བའི་རྩ་བའི་ཚོགས་གང་དག་ལ་ཞུགས་ནས་དེ་བཞིན་གཤེགས་པའི་སྐུ་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མངོན་པར་གྲུབ། དེ་སྐད་ཅེས་གསོལ་
D169.059.0297a03.01པ་དང་། བཅོམ་ལྡན་འདས་ཀྱིས་བུ་མོ་རིན་ཆེན་ལ་འདི་སྐད་ཅེས་བཀའ་སྩལ་ཏོ། །བུ་མོ་སྔོན་དགེ་བའི་རྩ་བའི་ཚོགས་ཚད་མེད་གྲངས་མེད་པ་དག་ལ་ཞུགས་པས་དེ་བཞིན་གཤེགས་པའི་སྐུ་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མངོན་པར་གྲུབ་སྟེ། དེ་དག་ལས་{ཆུང་ཟད་,ཅུང་ཟད་}ཙམ་ཞིག་
D169.059.0297a04.01བསྟན་པར་བྱའོ། །དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཞབས་ཤིན་ཏུ་གནས་པ་འདི་ནི་སྔོན་དམ་བཅས་པ་ལ་བརྟན་པས་མངོན་པར་གྲུབ་བོ། །དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཞབས་ཀྱི་མཐིལ་འཁོར་ལོའི་མཚན་དང་ལྡན་པ་འདི་ནི་སྔོན་སྦྱིན་པ་སྣ་ཚོགས་
D169.059.0297a05.01བསགས་པས་མངོན་པར་གྲུབ་བོ། །ཞབས་ཀྱི་རྟིང་པ་ཡངས་ཤིང་ཞབས་བྱིན་གྱིས་མཐོ་བ་ནི་སྔོན་སེམས་ཅན་གཞན་དག་ཁྱད་དུ་མ་བསད་པས་གྲུབ་བོ། །སོར་མོ་རིང་བ་ནི་སྔོན་སེམས་ཅན་རྣམས་ཆོས་ཀྱིས་བསྲུངས་ཤིང་བསྐྱབས་ཏེ་སྦས་པ་བྱས་པས་གྲུབ་བོ། །ཕྱག་དང་ཞབས་
D169.059.0297a06.01དྲ་བར་འབྲེལ་བ་ནི་སྔོན་གཞན་གྱི་གཡོག་འཁོར་མ་ཕྱེ་བས་གྲུབ་བོ། །ཕྱག་དང་ཞབས་གཞོན་ཞིང་འཇམ་པ་ནི་སྔོན་བགོ་བ་སྣ་ཚོགས་བྱིན་པས་གྲུབ་བོ། །བདུན་མཐོ་བ་ནི་སྔོན་བཟའ་བ་དང་བཏུང་བ་རྒྱ་ཆེན་པོ་བྱིན་པས་གྲུབ་བོ། །བྱིན་པ་{རི་དགས་,རི་དྭགས་}ཨེ་ནེ་ཡའི་བྱིན་པ་ལྟ་བུ་ནི་སྔོན་སངས་
D169.059.0297a07.01