完整藏文原文 · 德格版页 当前仅加载第 59 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཉིད་ཀྱིས་མཉམ། །དེ་ལྟར་སྐྱེ་མཆེད་ཐམས་ཅད་ཀྱང་། །རྟག་ཏུ་སྟོང་སྟེ་བྱང་ཆུབ་མཉམ། །ཚུལ་འདི་རབ་ཏུ་ཤེས་པ་དག །ཕྱག་རྒྱ་དེ་ཡིས་བཏབ་པ་ཡིན། །སེམས་ཅན་རྣམས་ནི་ཀུན་གྱི་སེམས། །སེམས་གཅིག་གིས་ནི་རབ་ཤེས་པ། །དེ་ནི་རྫོགས་
D169.059.0302a01.01པའི་བྱང་ཆུབ་ལས། །ཕྱིར་མི་ལྡོག་པར་ཐེ་ཚོམ་མེད། །སེམས་ཅན་ཀུན་གྱི་དབང་པོ་ནི། །རབ་དང་འབྲིང་དང་ཐ་མ་ཡི། །ཕ་རོལ་ཕྱིན་པ་གང་ཡིན་པ། །དེ་དག་ཕྱིར་མི་ལྡོག་པ་ཡིན། །ཐོགས་པ་མེད་པའི་སྤོབས་པ་ཡིན། །རྒྱུན་མི་ཆད་པར་རྒྱུན་དུ་ཡང་། །བསྐལ་པ་བྱེ་
D169.059.0302a02.01བར་བརྗོད་ཀྱང་གོ། །དེ་ཡི་བསྔགས་པ་དེ་མི་ཟད། །ནམ་མཁའི་ཁམས་ནི་ཟད་འགྱུར་ལ། །རླུང་ནི་ཞགས་པས་གཟུང་འགྱུར་སྲིད། །དེ་ཡི་སྤོབས་པ་འཇིག་རྟེན་གྱི། །ཟད་པར་བྱ་བར་ཡོང་མི་ནུས། །གང་གིས་སེམས་ནི་མི་རྨོངས་ཤིང་། །ཐོས་པའང་ཆུད་ཟར་མི་འགྱུར་
D169.059.0302a03.01ལ། །ཆོས་རྣམས་ཐམས་ཅད་འཛིན་པ་ཡི། །གཟུངས་ནི་དེ་དག་སྤྱོད་ཡུལ་ཡིན། །ཕྱོགས་བཅུ་ཀུན་གྱི་འདྲེན་པ་ཡི། །དམ་པའི་ཆོས་ནི་གང་བཤད་པ། །གཟུངས་ཐོབ་པས་ནི་དེ་ཐམས་ཅད། །དྲན་པ་དང་ནི་ཤེས་པས་འཛིན། །གཟུངས་ནི་ཤིན་ཏུ་བསླབས་པས་ན། །སྔོན་གྱི་
D169.059.0302a04.01བསྐལ་པ་བྱེ་བར་ནི། །སྐྱོབ་པ་རྣམས་ཀྱི་ཆོས་ཐོས་པ། །དེ་དག་དྲིས་ནས་སྟོན་པར་འགྱུར། །ཕྱིར་མི་ལྡོག་པ་གང་ཡིན་པ། །དེ་དག་གཟུངས་ནི་འདི་འདྲ་སྟེ། །སྤོབས་པ་དག་ཀྱང་འདི་འདྲ་ཞིང་། །དེ་དག་ཡེ་ཤེས་འདི་འདྲའོ། །ཆོས་རྣམས་ཕྱག་རྒྱ་སྟོང་པ་ཉིད། །རྣམ་སྨིན་
D169.059.0302a05.01མེད་ཅིང་བསལ་མེད་པ། །སྟོང་པའི་ཕྱག་རྒྱས་གང་བཏབ་པ། །དེ་དག་ཕྱིར་མི་ལྡོག་པར་བསྟན། །ནམ་མཁའི་ཕྱག་རྒྱས་བཏབ་པའི་ཆོས། །རང་བཞིན་གྱིས་ནི་འབྱུང་མེད་པར། །མཐའ་ནི་ཁོང་དུ་རབ་ཆུད་ལ། །ཕྱག་རྒྱས་བཏབ་པ་ཕྱིར་མི་ལྡོག །ཆོས་ནི་རྟེན་ནས་འབྱུང་བ་སྟེ། །
D169.059.0302a06.01རྒྱུ་མེད་པ་ཡི་ཆོས་མེད་དོ། །ཆོས་གང་རྒྱུ་ལས་བྱུང་བ་དག །དེ་ཡི་མཚན་ཉིད་འགོག་པའོ། །ཆོས་རྣམས་ཀུན་གྱི་མཚན་ཉིད་ནི། །ནམ་མཁའ་མཉམ་པའི་མཚན་ཉིད་དེ། །མཚན་ཉིད་ཕྱག་རྒྱ་དེ་འདྲ་བའི། །ཕྱག་རྒྱས་གང་བཏབ་ཕྱིར་མི་ལྡོག །ཕྱིར་མི་ལྡོག་པ་གང་ཡིན་པ། །སེམས་ཅན་
D169.059.0302a07.01