完整藏文原文 · 德格版页 当前仅加载第 59 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ཟ་ཞིང་སེམས་ཅན་ཐམས་ཅད་ལ་སྣང་བར་གྱུར་པ་ཡིན་ནོ། །དེ་སྣང་བའི་སྟོབས་འདི་དང་ལྡན་པས་བྱང་ཆུབ་ཐོབ་པ་ན་ལྷའི་མིག་གི་ཤེས་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་དེ་བཞིན་གཤེགས་པའི་སྟོབས་དགུ་པའོ། །བུ་མོ་གཞན་ཡང་བྱང་ཆུབ་སེམས་དཔའ་
D169.059.0281b01.01བྱང་ཆུབ་སེམས་དཔའི་སྤྱད་པ་སྤྱོད་པ་ན། སེམས་ཅན་གང་གི་ཟག་པ་འཕེལ་བའི་ཕྱིར་ཡང་གནས་པ་མ་ཡིན་གྱིས་ཟག་པ་ཟད་པར་བྱ་བའི་ཕྱིར་སེམས་ཅན་རྣམས་ལ་ཆོས་སྟོན་ཏེ། ཟག་པ་འཕེལ་བར་བྱ་བའི་ཕྱིར་མ་ཡིན་གྱི་ཟག་པ་མེད་པའི་ལམ་གྱིས་སེམས་ཅན་རྣམས་ལ་ལམ་ཉེ་བར་སྟོན་ཏོ། །
D169.059.0281b02.01དེ་མོས་པ་ཟག་པ་མེད་པའི་སྟོབས་འདི་དང་ལྡན་པས་བྱང་ཆུབ་ཐོབ་པ་ནི་ཟག་པ་ཐམས་ཅད་ཟད་པ་མཁྱེན་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་དེ་བཞིན་གཤེགས་པའི་སྟོབས་བཅུ་པའོ། །བུ་མོ་དེ་དག་ནི་དེ་བཞིན་གཤེགས་པའི་སྟོབས་བཅུ་སྟེ། བྱང་ཆུབ་སེམས་
D169.059.0281b03.01དཔའ་དེ་དག་རྫོགས་པར་བྱས་ནས་སྟོབས་བཅུ་དང་ལྡན་པའི་དེ་བཞིན་གཤེགས་པར་འགྱུར་རོ། །བུ་མོ་དེ་ལྟ་བས་ན་བྱང་ཆུབ་སེམས་དཔས་དེ་བཞིན་གཤེགས་པའི་སྟོབས་བཅུ་རབ་ཏུ་དབྱེ་བ་འདི་དག་ཐོས་ནས་དེ་བཞིན་གཤེགས་པའི་སྟོབས་བཅུ་པོ་འདི་དག་ཡོངས་སུ་རྫོགས་པར་
D169.059.0281b04.01བྱ་བའི་ཕྱིར་ཅི་ནས་ཀྱང་དགེ་བའི་རྩ་བ་རྣམས་ལ་འཇུག་པར་བྱའོ། །བཅོམ་ལྡན་འདས་ལ་བུ་མོ་རིན་ཆེན་གྱིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་གང་མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་པོ་འདི་དག་དང་ཇི་ལྟར་ལྡན་ན་བྱང་ཆུབ་
D169.059.0281b05.01སེམས་དཔའ་མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་རབ་ཏུ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བུ་མོ་འདི་ལ་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན་གཞན་གྱིས་ཤེས་པར་མི་བྱའོ་སྙམ་ནས་སློབ་དཔོན་ནམ་
D169.059.0281b06.01ཡང་ཆོས་འཆབ་པར་མི་བྱེད་དེ། སེམས་ཅན་ཐམས་ཅད་ལ་སེམས་སྙོམས་པ་ཡིན། བདོག་པ་ཐམས་ཅད་ཡོངས་སུ་གཏོང་ཞིང་ཆོས་མཉམ་པ་ཉིད་དུ་མཐོང་བ་ཡིན། ཐ་དད་པའི་འདུ་ཤེས་དང་བྲལ་བ་ཡིན་ཏེ། དེ་བྱང་ཆུབ་ཐོབ་པ་ན་སེང་གེའི་སྒྲ་ཡང་དག་པར་སྒྲོག་སྟེ། ང་ཡང་དག་པར་
D169.059.0281b07.01