完整藏文原文 · 德格版页 当前仅加载第 59 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་ཉེ་བར་ཞི་བའི་མཚན་ཉིད་ཀྱི་དོན་ནི་དོན་ཏོ། །ཕྱི་རོལ་དུ་རྒྱུ་བ་མེད་པའི་མཚན་ཉིད་ཀྱི་དོན་ནི་དོན་ཏོ། །སྦྱིན་པ་དང་། དུལ་བ་དང་། ཉེ་བར་ཞི་བའི་མཚན་ཉིད་ཀྱི་དོན་ནི་དོན་ཏོ། །བདེན་པ་ཡང་དག་པ་སླུ་བ་མེད་པའི་མཚན་ཉིད་ཀྱི་དོན་ནི་དོན་ཏོ། །ཉོན་མོངས་པ་ཐམས་ཅད་ཅི་
D169.059.0271a01.01ཡང་མ་ཡིན་པའི་དོན་ནི་དོན་ཏོ། །རྡོ་རྗེ་ལྟར་སྲ་བ་མི་ཕྱེད་པའི་མཚན་ཉིད་ཀྱི་དོན་ནི་དོན་ཏོ། །འཇིག་རྟེན་ཐམས་ཅད་དང་མི་འགལ་བའི་མཚན་ཉིད་ཀྱི་དོན་ནི་དོན་ཏོ། །ལེགས་པར་བྱས་པ་ཤིན་ཏུ་མཐར་གཏུགས་པའི་མཚན་ཉིད་ཀྱི་དོན་ནི་དོན་ཏོ། །ཐམས་ཅད་ཀྱི་རྗེས་སུ་སོང་བ་ཁོང་དུ་ཆུད་
D169.059.0271a02.01པའི་མཚན་ཉིད་ཀྱི་དོན་ནི་དོན་ཏོ། །རྣམ་པར་ཐར་པའི་སྒྲིབ་པ་མེད་པའི་མཚན་ཉིད་ཀྱི་དོན་ནི་དོན་ཏོ། །འགྲོ་བ་ཐམས་ཅད་དུ་ཡང་དག་པར་ཞུགས་ཤིང་སངས་རྒྱས་ཀྱི་ཆོས་ཐམས་ཅད་ཀྱི་རྗེས་སུ་འཇུག་པའི་མཚན་ཉིད་ཀྱི་དོན་ནི་དོན་ཏོ། །མཉམ་པ་དང་མི་མཉམ་པ་ཉིད་དུ་ཡང་དག་པར་སྟོན་
D169.059.0271a03.01པའི་མཚན་ཉིད་ཀྱི་དོན་ནི་དོན་ཏོ། །ཏིང་ངེ་འཛིན་དང་ཤེས་རབ་ལས་ངེས་པར་བྱུང་བའི་མཚན་ཉིད་ཀྱི་དོན་ནི་དོན་ཏོ། །ངེས་པའི་ཚིག་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་མཚན་ཉིད་ཀྱི་དོན་ནི་དོན་ཏོ། །ཡེ་ཤེས་ཀྱི་རྒྱུ་འཐུན་པའི་མཚན་ཉིད་ཀྱི་དོན་ནི་དོན་
D169.059.0271a04.01ཏོ། །བརྟགས་པ་རྣམ་པར་རིག་པའི་མཚན་ཉིད་ཀྱི་དོན་ནི་དོན་ཏོ། །ཡང་དག་པའི་ཤེས་པས་ལན་འདེབས་པའི་མཚན་ཉིད་ཀྱི་དོན་ནི་དོན་ཏོ། །དོན་ཐམས་ཅད་ཡང་དག་པར་འདུ་བའི་མཚན་ཉིད་ཀྱི་དོན་ནི་དོན་ཏོ། །བྱང་ཆུབ་སེམས་དཔའ་གང་དོན་འདི་ལྟ་བུ་དང་ལྡན་པས་དོན་གང་
D169.059.0271a05.01བསྟན་པ་དེ་དག་ཐམས་ཅད་ནི་དོན་བསྟན་པ་སྟེ་དེའི་ཕྱིར་དོན་སྨྲ་བ་ཞེས་བྱའོ། །བུ་མོ་དེ་ལ་ཇི་ལྟར་ན་བྱང་ཆུབ་སེམས་དཔའ་འདུལ་བ་སྨྲ་བ་ཡིན་ཞེ་ན། འདུལ་བ་ནི་དེ་བཞིན་གཤེགས་པས་གཉིས་སུ་གསུངས་ཏེ་གཉིས་གང་ཞེ་ན། ལྟུང་བ་འདུལ་བ་དང་། ཉོན་མོངས་པ་འདུལ་བའོ། །
D169.059.0271a06.01དེ་ལ་ལྟུང་བ་ནི་གང་། ལྟུང་བ་འདུལ་བ་ནི་གང་ཞེ་ན། ལྟུང་བ་ཞེས་བྱ་བ་ནི་ཡོངས་སུ་རྟོག་པའི་རྩ་བ་ལས་བྱུང་བ། ཚུལ་བཞིན་མ་ཡིན་པའི་རྩ་བ་ལས་བྱུང་བ། མ་རིག་པའི་རྩ་བ་ལས་བྱུང་བ། ཕྱིན་ཅི་ལོག་གི་རྩ་བ་ལས་བྱུང་བ། ཡང་དག་པ་མ་ཡིན་པའི་རྩ་བ་ལས་བྱུང་བ།
D169.059.0271a07.01