完整藏文原文 · 德格版页 当前仅加载第 59 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
གླིང་འདིར་བུ་མོ་གཞོན་ནུ་དགུ་ཁྲི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །དེ་ནས་བུ་མོ་རིན་ཆེན་གྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤ་ར་དྭ་ཏིའི་བུ་བུད་མེད་ཀྱི་ལུས་ཀྱིས་སེམས་ཅན་རྣམས་
D169.059.0279a01.01ལ་ཆོས་སྟོན་སྤྱད་པ་མི་སྤྱོད་དམ། ཤ་ར་དྭ་ཏིའི་བུས་སྨྲས་པ། བུ་མོ་བདག་ནི་སྐྱེས་པའི་ལུས་འདི་ཉིད་ཀྱང་མི་འདོད་ན་བུད་མེད་ཀྱི་ལུས་ཡོངས་སུ་གཟུང་བ་ལྟ་ཅི་སྨོས། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་ལུས་ལ་སྨོད་དམ། སྨྲས་པ་བུ་མོ་སྨོད་དོ། །སྨྲས་པ། དེ་བས་ན་
D169.059.0279a02.01བཙུན་པ་ཤ་ར་དྭ་ཏིའི་བུ་བྱང་ཆུབ་སེམས་དཔའ་ནི་སེམས་ཅན་ཐམས་ཅད་ལས་ཁྱད་པར་དུ་འཕགས་སོ། །དེ་ཅིའི་ཕྱིར་ཞེ་ན། འདི་ལྟར་གང་ཉན་ཐོས་ཀྱིས་སྨད་པ་དེ་ལ་ནི་བྱང་ཆུབ་སེམས་དཔའ་མི་སྨོད་དོ། །ཉན་ཐོས་ཀྱིས་སྨད་ཀྱི་བྱང་ཆུབ་སེམས་དཔས་མ་ཡིན་པ་གང་ཞེ་
D169.059.0279a03.01ན། ཕུང་པོ་དང་། ཁམས་དང་། སྐྱེ་མཆེད་ལ་ཉན་ཐོས་སྨོད་ཀྱི་བྱང་ཆུབ་སེམས་དཔའ་ནི་མ་ཡིན་ནོ། །ལུས་ཡོངས་སུ་གཟུང་བ་ལ་ཉན་ཐོས་སྨོད་ཀྱི་བྱང་ཆུབ་སེམས་དཔའ་ནི་མ་ཡིན་ནོ། །འཁོར་བ་ཡོངས་སུ་གཟུང་བ་ལ་ཉན་ཐོས་སྨོད་ཀྱི། བྱང་ཆུབ་སེམས་དཔའ་ནི་མ་ཡིན་ནོ། །
D169.059.0279a04.01སྐྱེ་བའི་གནས་པ་ལ་ཉན་ཐོས་སྨོད་ཀྱི། བསམས་བཞིན་དུ་སྐྱེ་བ་ཡོངས་སུ་གཟུང་བ་ལ་བྱང་ཆུབ་སེམས་དཔའ་ནི་མ་ཡིན་ནོ། །བསོད་ནམས་མངོན་པར་འདུ་བྱ་བ་ལ་ཉན་ཐོས་སྨོད་ཀྱི། བསོད་ནམས་ཀྱི་ཚོགས་སོགས་པས་མི་ངོམས་པ་ལ་བྱང་ཆུབ་སེམས་དཔའ་ནི་མ་ཡིན་ནོ། །
D169.059.0279a05.01སེམས་ཅན་དང་འདྲེ་བ་ལ་ཉན་ཐོས་སྨོད་ཀྱི། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་འདུ་འཛི་ལ་བྱང་ཆུབ་སེམས་དཔའ་ནི་མ་ཡིན་ནོ། །གྲོང་དང་གྲོང་ཁྱེར་དུ་འཇུག་པ་ལ་ཉན་ཐོས་སྨོད་ཀྱི། གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། ཕོ་བྲང་
D169.059.0279a06.01འཁོར་དུ་འཇུག་པ་ལ་བྱང་ཆུབ་སེམས་དཔའ་ནི་མ་ཡིན་ནོ། །རང་གི་ཉོན་མོངས་པ་ལ་ཉན་ཐོས་སྨོད་ཀྱི། སེམས་ཅན་ཐམས་ཅད་ཀྱི་ཉོན་མོངས་པ་ལ་བྱང་ཆུབ་སེམས་དཔའ་ནི་མ་ཡིན་ཏེ། བཙུན་པ་ཤ་ར་དྭ་ཏིའི་བུ་དེ་ལྟར་ན་གང་དང་གང་ལ་ཉན་ཐོས་སྨོད་པ་དེ་དང་དེ་ལ་བྱང་ཆུབ་སེམས་
D169.059.0279a07.01