完整藏文原文 · 德格版页 当前仅加载第 59 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཅན་རྣམས་ལ་འདུ་ཤེས་ཕྱིན་ཅི་ལོག་སྤོང་བར་སྟོན་ཀྱང་ཆེ་བ་དང་ཐ་དད་པའི་འདུ་ཤེས་དང་བྲལ་བ་ཡིན། མཐར་ལྟ་བ་ཐམས་ཅད་རྣམ་པར་སྤངས་ཏེ་དབུ་མའི་ལམ་ལ་ཞུགས་པ་ཡིན། ཆོས་མཉམ་པ་ཉིད་མཐོང་བ་ཡིན་ནོ། །དེ་ཆོས་ཡང་དག་པར་བླངས་པ་འདི་དང་ལྡན་
D169.059.0284b01.01པས་བྱང་ཆུབ་ཐོབ་པ་ན་དེ་བཞིན་གཤེགས་པ་ལ་ཐ་དད་པའི་འདུ་ཤེས་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །མཚན་མ་མེད་པའི་ཏིང་ངེ་འཛིན་ཤིན་ཏུ་བསྒོམས་པ་དང་། མི་ཟད་པའི་ཟ་མ་ཏོག་གི་གཟུངས་ལ་མཁས་པས་དེ་བཞིན་གཤེགས་པ་མཚན་མ་མེད་པའི་གནས་ལ་གནས་
D169.059.0284b02.01ཀྱང་མཚན་མ་ཐམས་ཅད་ལ་འདུ་ཤེས་ཀྱིས་འཛིན་པ་དང་། རྣམ་པར་རྟོག་པ་ལ་སྤྱོད་པའི་སེམས་ཅན་རྣམས་ལ་སྙིང་རྗེ་ཆེན་པོ་མི་ལྡོག་སྟེ། སེམས་ཅན་འདུལ་བའི་དུས་ལ་ཡང་རུབ་ཅིང་ཆོས་སྟོན་པའི་རྒྱུན་ཡང་མི་གཅོད་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་
D169.059.0284b03.01པ་ལྔ་པའོ།། །།བམ་པོ་གསུམ་པ། བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན་རྟག་ཏུ་རྒྱུན་མི་འཆད་པར་བཏང་སྙོམས་པ་ཡིན་ཏེ། འཁོར་བ་ན་སྤྱོད་པའི་ཉོན་མོངས་ཤིང་སྡུག་བསྔལ་བའི་ཆོས་ཐམས་ཅད་ལ་དེ་བཏང་སྙོམས་པས་བདེ་བ་
D169.059.0284b04.01དང་། ཡིད་བདེ་བ་ཐམས་ཅད་ཀྱི་གནས་ཀྱི་ཆོས་ལ་རྗེས་སུ་ཆགས་པ་ཡང་མེད། སྡུག་བསྔལ་བ་དང་། ཡིད་མི་བདེ་བའི་གནས་ཀྱི་ཆོས་ཐམས་ཅད་ལ་ཁོང་ཁྲོ་བ་ཡང་མེད་དོ། །དེ་རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བས་དོན་ཐམས་ཅད་རྙེད་ཅིང་འབྱོར་ཀྱང་ཁེངས་པར་མི་
D169.059.0284b05.01འགྱུར་དོན་ཐམས་ཅད་ཡོངས་སུ་ཉམས་ཀྱང་དུད་པར་མི་འགྱུར་གྱི་འདུ་བྱེད་ཐམས་ཅད་ལ་མི་རྟག་པ་དང་། སྡུག་བསྔལ་བར་སོ་སོར་རྟོག་ཅིང་བདག་མེད་པ་དང་། མྱ་ངན་ལས་འདས་པ་ནི་ཞི་བའོ་ཞེས་མོས་ཏེ་བཏང་སྙོམས་པ་ཡིན་ནོ། །སེམས་ཅན་གཞན་ཡང་བཏང་སྙོམས་ཀྱི་ཆོས་
D169.059.0284b06.01ཉིད་དེ་ལྟ་བུ་ཡང་དག་པར་འཛིན་དུ་འཇུག་གོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ནི་དེ་བཞིན་གཤེགས་པ་ལ་སོ་སོར་མ་བརྟགས་པའི་བཏང་སྙོམས་མེད་པ་ཞེས་བྱ་སྟེ། དེ་ལ་བཏང་སྙོམས་དེ་མེད་པ་ཡིན་ནོ། །གཉིས་ལ་ཆགས་པ་ལས་རྣམ་པར་གྲོལ་བའི་
D169.059.0284b07.01