完整藏文原文 · 德格版页 当前仅加载第 59 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཉམ་ཆུང་བ་དེ་ནི་བཟོད་པའི་སྟོབས་དང་ལྡན་པའོ། །གང་ལེ་ལོ་ཉམ་ཆུང་བ་དེ་ནི་བརྩོན་འགྲུས་ཀྱི་སྟོབས་དང་ལྡན་པའོ། །གང་གཡེང་བ་ཉམ་ཆུང་བ་དེ་ནི་བསམ་གཏན་གྱི་སྟོབས་དང་ལྡན་པའོ། །གང་འཆལ་པའི་ཤེས་རབ་ཉམ་ཆུང་བ་དེ་ནི་ཤེས་རབ་ཀྱི་སྟོབས་དང་ལྡན་
D169.059.0280a01.01པའོ། །དེ་བཞིན་དུ་ཆོས་ཐམས་ཅད་དེ་གང་དང་གང་ལས་བྱང་ཆུབ་སེམས་དཔའ་མི་དགེ་བ་ཉམ་ཆུང་བ་དེ་དང་དེ་ལས་དེ་དགེ་བའི་སྟོབས་དང་ལྡན་པའོ། །དེ་ནས་བཅོམ་ལྡན་འདས་ཀྱིས་བུ་མོ་རིན་ཆེན་ལ་ལེགས་སོ་ཞེས་བྱ་བ་གནང་སྟེ། བུ་མོ་ལེགས་སོ། །ལེགས་སོ། །ཇི་སྟེ་བསྟན་
D169.059.0280a02.01པ་ལྟ་ན་དེ་ལྟར་བསྟན་པར་བྱའོ། །བསྟན་པ་འདི་བཤད་པ་ན་བྱང་ཆུབ་སེམས་དཔའ་ལྔ་བརྒྱ་བཟོད་པ་སྐྱེས་སོ། །དེ་ནས་བཅོམ་ལྡན་འདས་ལ་བུ་མོ་རིན་ཆེན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་དེ་བཞིན་གཤེགས་པའི་སྟོབས་བཅུ་པོ་དེ་དག་དགེ་བའི་རྩ་བ་
D169.059.0280a03.01གང་གིས་དེ་བཞིན་གཤེགས་པའི་སྟོབས་བཅུ་དང་ལྡན་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བུ་མོ་རིན་ཆེན་ལ་འདི་སྐད་ཅེས་བཀའ་སྩལ་ཏོ། །བུ་མོ་བྱང་ཆུབ་སེམས་དཔའ་གང་གི་ཕྱིར་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཐེག་པ་དམན་པ་འདོད་
D169.059.0280a04.01ཅིང་བྱ་བ་མ་ཡིན་པ་བྱེད་པར་འགྱུར་བ་འདི་ནི་གནས་མ་ཡིན་ཏེ་སྐབས་མེད་དོ། །དེ་ཡི་དམ་ལ་བརྟན་པའི་སྟོབས་འདི་དང་ལྡན་པས་བྱང་ཆུབ་ཀྱི་སྙིང་པོ་མཆོག་དམ་པར་སོང་ནས་གནས་དང་གནས་མ་ཡིན་པ་མཁྱེན་པའི་སྟོབས་ཐོབ་སྟེ། གནས་ལ་ཡང་གནས་དང་གནས་མ་ཡིན་པ་ལ་ཡང་
D169.059.0280a05.01གནས་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་དེ་བཞིན་གཤེགས་པའི་སྟོབས་དང་པོ་སྟེ། སྟོབས་དེ་ཐོབ་པས་དེ་བཞིན་གཤེགས་པ་འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་སྟེ། ཁྱུ་མཆོག་གི་གནས་སུ་དམ་འཆའ་ཞིང་། དགེ་སྦྱོང་ངམ། བྲམ་ཟེའམ། ལྷའམ། བདུད་
D169.059.0280a06.01དམ། ཚངས་པའམ། གང་གིས་ཀྱང་འཇིག་རྟེན་དུ་ཆོས་དང་འཐུན་པར་མ་བསྐོར་བའི་ཚངས་པའི་འཁོར་ལོ་རབ་ཏུ་བསྐོར་ཏོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རང་གི་ལས་ལས་གྱུར་པ། ལས་ཀྱི་རྣམ་པར་སྨིན་པ་ལ་རྟོན་པ་ཡིན་ཏེ། དེ་ལས་ཀྱི་རྣམ་པར་སྨིན་
D169.059.0280a07.01