完整藏文原文 · 德格版页 当前仅加载第 59 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཆེན་པོ་བཞིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱེ་མའོ་ཇི་ཙམ་དུ་ཆོས་ཀྱི་རྣམ་གྲངས་དོན་མང་པོ་དང་ལྡན་པ། སྒྲིབ་པའི་ཉོན་མོངས་པ་ཞི་བར་བགྱིད་པ། ངེས་པའི་དོན་དང་ལྡན་པ། བདུད་དང་ཕྱིར་རྒོལ་བ་བཅོམ་པ། ཕས་ཀྱི་རྒོལ་བ་ཐམས་ཅད་རབ་ཏུ་
D169.059.0306b01.01འདུལ་བ། སངས་རྒྱས་ཀྱི་ཆོས་ཐམས་ཅད་ཀུན་དུ་འཛིན་པ། ཤིན་ཏུ་གདོན་མི་འཚལ་བ། ཟབ་མོ་ངེས་པའི་ཚིག་བསྟན་པ་འདི་བསྟན་པ་ངོ་མཚར་ཏོ། །བཅོམ་ལྡན་འདས་བདག་ཅག་གིས་ཀྱང་ཆོས་ཀྱི་རྣམ་གྲངས་འདི་བླང་བར་བགྱི། གཟུང་བར་བགྱིའོ། །ཆོས་ཀྱི་རྣམ་གྲངས་
D169.059.0306b02.01འདི་ཆོས་སྨྲ་བ་གང་གི་སུག་པར་མཆིས་པ་དང་། མཛོད་དུ་ཚུད་པ་དང་། གླེགས་བམ་དུ་མཆིས་པར་འགྱུར་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་གང་དག་ཆོས་ཀྱི་རྣམ་གྲངས་འདི་ལ་མོས་པ་དང་། འཛིན་པར་འགྱུར་བ་དེ་དག་ཡོངས་སུ་གཟུང་བའི་སུག་ལས་བགྱིའོ། །
D169.059.0306b03.01གང་སེམས་སྡང་བས་སྐབས་ཚོལ་བ་དེ་དག་ཅི་ནས་ཀྱང་ཆོས་སྨྲ་བ་དེ་དག་ཅི་ལྟ་བུར་མི་འགྱུར་བར་ཤིན་ཏུ་ཚར་དགུམ་པར་བགྱིའོ། །དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། འཇིག་རྟེན་སྐྱོང་བ་བཞི་ལ་ལེགས་སོ་ཞེས་བྱ་བ་གནང་
D169.059.0306b04.01སྟེ་གྲོགས་པོ་དག་ཆོས་སྨྲ་བ་ཡོངས་སུ་གཟུང་བའི་ཕྱིར་དམ་བཅས་པར་གྱུར་པ་ནི་ལེགས་སོ་ལེགས་སོ། །གྲོགས་པོ་དག་ཆོས་སྨྲ་བ་ཡོངས་སུ་གཟུང་བས། དམ་པའི་ཆོས་ཡོངས་སུ་གཟུང་བ་ཡིན་ནོ། །དམ་པའི་ཆོས་ཡོངས་སུ་གཟུང་བས་སེམས་ཅན་ཐམས་ཅད་ཡོངས་སུ་
D169.059.0306b05.01གཟུང་བ་བྱས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་བུ་མོ་རིན་ཆེན་གྱིས་དམ་པའི་ཆོས་ཡོངས་སུ་དྲིས་པའི་ཆོས་ཀྱི་རྣམ་གྲངས་འདི་ཟུང་ཤིག །ཆོངས་ཤིག །ལྷོགས་ཤིག །གཞན་ལ་ཡང་རྒྱ་
D169.059.0306b06.01ཆེར་རབ་ཏུ་སྟོན་ཅིག །ཀུན་དགའ་བོ་བྱང་ཆུབ་སེམས་དཔའ་སྦྱིན་པ་ལ་མོས་པ། དམིགས་པ་ལ་གནས་པའི་བཟོད་པས་བསྐལ་པ་བརྒྱ་སྟོང་དུ་སྦྱིན་པ་བྱིན་པ་བས་གང་ཡང་བྱང་ཆུབ་སེམས་དཔའ་གཞན་ཞིག་ཆོས་ཀྱི་རྣམ་གྲངས་འདི་ལ་ཞུགས་ཏེ། གཞན་དག་ལ་ཡང་རབ་ཏུ་སྟོན་ཅིང་།
D169.059.0306b07.01