完整藏文原文 · 德格版页 当前仅加载第 59 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱུད་པ་དང་། ཉན་ཐོས་འདུས་པ་དང་། བྱང་ཆུབ་སེམས་དཔའི་སྤྱོད་པ་ལུང་བསྟན་པ་གཅིག་ནས་གཅིག་ཏུ་བརྒྱུད་པ་དང་། ཕ་མ་དང་། ཉེ་དུ་དང་། སྣག་གི་གཉེན་མཚམས་གཅིག་ནས་གཅིག་ཏུ་བརྒྱུད་པ་བསྟན་པ་ལ་དྲན་པའི་དབང་པོ་ཐོགས་པ་མེད་ཅིང་རྨོངས་པ་མེད་པ་
D169.059.0287a01.01ཡིན་ཏེ། ཐམས་ཅད་དུ་ཕྱད་པར་ལུང་སྟོན་པ་འདི་ནི་བུ་མོ་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་དགུ་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་ཤེས་རབ་སྤྱོད་པ་ཡིན་ཏེ། ཤེས་རབ་ཀྱི་འོད་དང་།
D169.059.0287a02.01ཤེས་རབ་ཀྱི་སྣང་བ་དང་། ཤེས་རབ་ཀྱི་དཔྱོད་པ་དང་། ཤེས་རབ་ཀྱི་དབང་པོ་དང་། རྣོ་བའི་ཤེས་རབ་དང་། ཟབ་པའི་ཤེས་རབ་དང་། ངེས་པར་རྟོག་པའི་ཤེས་རབ་དང་། མི་ཐུལ་བའི་ཤེས་རབ་དང་། ཟིལ་གྱིས་མི་ནོན་པའི་ཤེས་རབ་དང་། ཉན་ཐོས་དང་། རང་སངས་རྒྱས་ཐམས་
D169.059.0287a03.01ཅད་ཀྱིས་གཏིང་དཔག་དཀའ་བའི་ཤེས་རབ་དང་། ཡངས་ཤིང་རྒྱ་ཆེ་ལ་སེམས་སྙོམས་པའི་ཤེས་རབ་དང་། ལྷག་པའི་ཤེས་རབ་དང་། བདག་ཚུལ་བཞིན་ཡིད་ལ་བྱེད་ཀྱི་ལུང་མནོས་པ་མེད་པའི་ཤེས་རབ་དང་། ཐོས་པ་ཚོལ་བས་ངོམས་མི་མྱོང་བའི་ཤེས་རབ་ཅན་ཏེ། ཐོས་
D169.059.0287a04.01ནས་ཀྱང་ཤེས་རབ་ཀྱིས་ཁོང་དུ་ཆུད་ཅིང་རྟོགས་ཏེ། མགོའི་ཐོད་ལ་མེ་འབར་བ་བཞིན་དུ་བསྟི་སྟང་བྱེད་ཅིང་ཐོས་པ་ཚོལ་ལ་ཐོས་པ་སྙིང་པོར་བྱེད་པ་ཡིན། ཐོས་པ་བསགས་པ་ཡིན། ཆོས་འདོད་ཅིང་ཆོས་ཀྱི་ཀུན་དགའ་བས་དགའ་བ་མོས་པ་ཡིན། དམ་པའི་ཆོས་ཡོངས་སུ་ཚོལ་བ་ལ་
D169.059.0287a05.01བརྩོན་པ་ཡིན་ཏེ། དེ་ཆོས་འདོད་པ་དེས་ཕྱི་ནང་གི་དངོས་པོ་གང་ཡང་ཡོངས་སུ་མི་གཏོང་བ་མེད་དོ། །དེ་བླ་མ་ལ་རིམ་གྲོ་བྱ་བ་མི་བྱེད་པ་གང་ཡང་མེད་དོ། །དེ་སྡུག་བསྔལ་གྱི་ཕུང་པོ་མི་བཟོད་པ་གང་ཡང་མེད་དོ། །དེ་བདེ་བའི་ཡོ་བྱད་མི་འདོད་པ་གང་ཡང་མེད་དོ། །དེ་ཆོས་འདོད་
D169.059.0287a06.01པ་དེས་ཚིག་བཞི་པའི་ཚིགས་སུ་བཅད་པ་གཅིག་ཉན་པ་ལ་ཤིན་ཏུ་དགའ་བ་ཡིན་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེས་ཡོངས་སུ་བཀང་བ་ལ་ནི་མ་ཡིན་ནོ། །ཆོས་ཀྱི་ཚིག་གཅིག་ལ་ཤིན་ཏུ་དགའ་བ་ཡིན་ཏེ། འཁོར་ལོས་སྒྱུར་བའི་རྒྱལ་པོ་ཐོབ་
D169.059.0287a07.01