完整藏文原文 · 德格版页 当前仅加载第 59 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ཏེ། སྨོན་པ་མེད་པའི་རྣམ་པར་ཡིད་ལ་བྱེད་ཅིང་སྦྱོར་རོ། །ལུས་ལ་ཞུགས་པའི་དྲན་པ་ཉེ་བར་གཞག་པ་སྒོམ་སྟེ། མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། མི་སྡུག་པའི་རྣམ་པར་ཡིད་ལ་བྱེད་ཅིང་སྦྱོར་རོ། །ཡང་དེ་བཞིན་གཤེགས་པའི་སྐུ་ཡོངས་
D169.059.0286b01.01སུ་བསྒྲུབས་པའི་ཕྱིར་ལུས་ཀྱི་ལས་ལེགས་པར་སྦྱོར་བའི་རྒྱུན་ཀྱང་མི་གཅོད་དོ། །ཚོར་བ་ལ་ཞུགས་པའི་དྲན་པ་ཉེ་བར་གཞག་པ་སྒོམ་སྟེ། སྟོང་པའི་རྣམ་པར་ཡིད་ལ་བྱེད་ཅིང་སྦྱོར་ཡང་ངན་སོང་ཐམས་ཅད་དུ་སྐྱེས་པའི་སེམས་ཅན་རྣམས་ལ་ལྟ་བས་སྡུག་བསྔལ་གྱི་ཚོར་བ་ཐམས་ཅད་
D169.059.0286b02.01རྒྱུན་གཅད་པའི་ཕྱིར་སེམས་ཅན་དེ་དག་ལ་སྙིང་རྗེ་ཆེན་པོའི་རྒྱུན་ཀྱང་མི་གཅོད་དོ། །སེམས་ལ་ཞུགས་པའི་དྲན་པ་ཉེ་བར་གཞག་པ་སྒོམ་སྟེ། མཚན་མ་མེད་པའི་རྣམ་པར་ཡིད་ལ་བྱེད་ཅིང་སྦྱོར་ཡང་བྱང་ཆུབ་ཀྱི་སེམས་ཀྱང་མི་བརྗེད་ལ་ཐེག་པ་ཆེན་པོའི་ཚོགས་ཡང་དག་པར་སྒྲུབ་པའི་
D169.059.0286b03.01རྒྱུན་ཀྱང་མི་གཅོད་དོ། །ཆོས་ལ་ཞུགས་པའི་དྲན་པ་ཉེ་བར་གཞག་པ་སྒོམ་སྟེ། སྨོན་པ་མེད་པའི་རྣམ་པར་ཡིད་ལ་བྱེད་ཅིང་སྦྱོར་ཡང་འདོད་ཆགས་དང་བྲལ་བའི་ཆོས་ཉིད་ཀྱང་མངོན་སུམ་དུ་མི་བྱེད་ལ། སངས་རྒྱས་ཀྱི་ཆོས་དང་ཡང་འཚམ་པ་ཡིན་ཏེ། ཆོས་ཀྱི་དབྱིངས་མཐའ་དང་དབུས་མེད་
D169.059.0286b04.01པ་ལ་ཡང་དག་པར་འཇུག་གོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་ལ་དྲན་པ་ཉམས་པ་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །སྤོང་བའི་འདུ་བྱེད་དང་ལྡན་པའི་ཏིང་ངེ་འཛིན་ཤིན་ཏུ་བསྒོམས་པས་དེ་བཞིན་གཤེགས་པ་ཀུན་བསྟན་
D169.059.0286b05.01པའི་ཆོ་འཕྲུལ་གྱིས་སེམས་ཅན་ཐམས་ཅད་ཀྱི་སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བའི་སེམས་གཅིག་ནས་གཅིག་ཏུ་བརྒྱུད་པ་དང་། དབང་པོ་དང་། ཁམས་དང་། མོས་པ་གཅིག་ནས་གཅིག་ཏུ་བརྒྱུད་པ་དང་། ཉོན་མོངས་པ་སྤྱོད་པའི་བག་ཆགས་དང་།
D169.059.0286b06.01བསམ་པ་དང་། བག་ལ་ཉལ་བ་དང་། ཀུན་ནས་དཀྲིས་པ་དང་། དགེ་བ་དང་། མི་དགེ་བའི་ལས་ཀྱི་རྣམ་པར་སྨིན་པ་གཅིག་ནས་གཅིག་ཏུ་བརྒྱུད་པ་དང་། ཚེ་དང་། འཆི་འཕོ་དང་། སྐྱེ་བ་གཅིག་ནས་གཅིག་ཏུ་བརྒྱུད་པ་དང་། བསྐལ་པ་དང་། ཞིང་དུ་སངས་རྒྱས་གཅིག་ནས་གཅིག་ཏུ་
D169.059.0286b07.01