完整藏文原文 · 德格版页 当前仅加载第 59 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པར་སངས་རྒྱས་སོ་ཞེས་དམ་བཅས་པ་ལ་ཆོས་འདི་ལྟ་བུ་ཞིག་མངོན་པར་རྫོགས་པར་སངས་མ་རྒྱས་སོ་ཞེས་འདིར་ང་ལ་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ་སུ་ཡང་རུང་སྟེ། འཇིག་རྟེན་ན་ཆོས་དང་འཐུན་པས་རྒོལ་བར་འགྱུར་བའི་མཚན་
D169.059.0282a01.01མ་ཡང་དག་པར་རྗེས་སུ་མི་མཐོང་ངོ་། །མཚན་མ་དེ་ཡང་དག་པར་རྗེས་སུ་མ་མཐོང་བས་དེ་བཞིན་གཤེགས་པ་བདེ་བ་བརྙེས་པ་དང་། འཇིགས་པ་མེད་པ་བརྙེས་པ་དང་། མི་འཇིགས་པ་བརྙེས་པ་ཡིན་ཏེ། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་ཅིང་། ཁྱུ་མཆོག་གི་
D169.059.0282a02.01གནས་སུ་དམ་འཆའ་སྟེ། དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། གང་གིས་ཀྱང་འཇིག་རྟེན་དུ་ཆོས་དང་འཐུན་པར་མ་བསྐོར་བའི་ཚངས་པའི་འཁོར་ལོ་རབ་ཏུ་བསྐོར་བ་འདི་ནི་བུ་མོ་དེ་བཞིན་གཤེགས་པའི་མི་འཇིགས་པ་དང་པོའོ། །བུ་མོ་གཞན་ཡང་
D169.059.0282a03.01བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། བར་དུ་གཅོད་པ་ལ་བར་དུ་གཅོད་པའི་ཆོས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། དེ་བར་དུ་གཅོད་པའི་ཆོས་ལ་མི་སྟོན་ཏོ། །མི་འཇུག་གོ། །མི་སྤྱོད་དོ། །གཞན་དག་ལ་ཡང་མི་འཆད་དོ། །མི་སྟོན་ཏོ། །
D169.059.0282a04.01བར་དུ་གཅོད་པའི་ཆོས་སུ་ཤེས་ནས་སྤོང་ངོ་། །དེ་བྱང་ཆུབ་ཐོབ་པ་ན་སེང་གེའི་སྒྲ་སྒྲོག་སྟེ། གང་ངས་བར་དུ་གཅོད་པའི་ཆོས་སུ་གསུངས་པ་དེ་དག་ལ་སྟེན་པ་ལ་ནི་བར་དུ་གཅོད་པ་མ་ཡིན་ནོ། །ཞེས་བྱ་བའི་གནས་མེད་དེ། འདིར་ང་ལ་གང་ཡང་རྒོལ་བར་འགྱུར་བ་
D169.059.0282a05.01ཞེས་བྱ་བ་ནི་སྔ་མ་བཞིན་ཏེ། འདི་ནི་མི་འཇིགས་པ་གཉིས་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་འཆད་པར་དཀར་པོའི་ཆོས་ལ་མོས་པ་ཡིན་ཏེ། རྣམ་པར་བྱང་བའི་ལམ་དུ་ཞུགས་ཤིང་སེམས་ཅན་ཐམས་ཅད་ལ་རྣམ་
D169.059.0282a06.01པར་དག་པའི་ཆོས་སྟོན་ཏེ། ཡོན་ཏན་གྱི་ཆོས་ཉིད་མངོན་སུམ་དུ་གྱུར་པ་ཡིན་ནོ། །ཡན་ལག་གི་ཚོགས་གང་དག་གིས་རྣམ་པར་བྱང་བར་རྣམ་པར་དག་པའི་ལམ་གནོན་པར་འགྱུར་བའི་ཡན་ལག་གི་ཚོགས་དེ་དག་ལ་བདག་ཀྱང་སྤྱོད། སེམས་ཅན་གཞན་ལ་ཡང་སྟོན་ཏོ། །དེ་བྱང་ཆུབ་
D169.059.0282a07.01