完整藏文原文 · 德格版页 当前仅加载第 59 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པ་མ་ཡིན་པའི་རྩ་བ་ལས་བྱུང་བ། འཇིག་ཚོགས་ཀྱི་རྩ་བ་ལས་བྱུང་བ། སེམས་ཅན་དུ་མངོན་པར་ཞེན་པའི་རྩ་བ་ལས་བྱུང་བ། འགྱོད་པའི་རྩ་བ་ལས་བྱུང་བ། འབྱུང་བ་མ་ཡིན་པའི་རྩ་བ་ལས་བྱུང་བ། ཐེ་ཚོམ་གྱི་རྩ་བ་ལས་བྱུང་བ། ཞེན་ཅིང་རྨོངས་པའི་རྩ་བ་ལས་བྱུང་
D169.059.0271b01.01བ། ཤེས་རབ་ཉམ་ཆུང་བའི་རྩ་བ་ལས་བྱུང་བ་སྟེ། འདི་ནི་ལྟུང་བ་ཞེས་བྱའོ། །དེ་ལ་ལྟུང་བ་འདུལ་བ་གང་ཞེ་ན། ཐེ་ཚོམ་མེད་པ་ལ་རབ་ཏུ་གནས་པའི་འབྱུང་བ་སྟེ། ལྟུང་བ་ནི་ཡུལ་ན་མི་གནས་པ། ཕྱོགས་ན་མི་གནས་པ། ཕུང་པོར་མ་གྱུར་པ། གཟུང་བ་མེད་པ་སྣང་བ་
D169.059.0271b02.01མེད་པའོ། །སེམས་གང་གིས་ལྟུང་བར་གྱུར་པ་དེ་ཡང་ཟད་པ་དང་བྲལ་བ། རྣམ་པར་གྱུར་པ། ཡུལ་ན་མི་གནས་པ། ཕྱོགས་ན་མི་གནས་པ། ཕུང་པོར་མ་གྱུར་པ། གཟུང་བ་མེད་པ། སྣང་བ་མེད་པའོ། །སེམས་ཇི་ལྟ་བར་ལྟུང་བ་ཡང་དེ་བཞིན་ནོ། །ལྟུང་བ་ཇི་ལྟ་བར་ཆོས་
D169.059.0271b03.01ཐམས་ཅད་ཀྱང་དེ་བཞིན་ཏེ། རྩ་བ་མེད་དོ། །མི་གནས་པའོ། །གང་སེམས་སོམ་ཉི་མེད་པ་དང་། རྙོག་པ་མེད་པ་དང་། ཡང་བ་དང་། ཞི་བ་དང་། ཡོངས་སུ་གདུང་བ་མེད་པ་དང་། གསལ་བ་དང་། ཤིན་ཏུ་བྱང་བ་དང་། བླ་མའི་ཚིག་ལ་མོས་པ་དང་། གཅིག་ཏུ་ངེས་པར་ཐེ་
D169.059.0271b04.01ཚོམ་མེད་ཅིང་གཅིག་ཏུ་ཡིད་ཆེས་པ་འདི་ནི་ལྟུང་བ་འདུལ་བ་ཞེས་བྱའོ། །དེ་ལ་ཉོན་མོངས་པ་ནི་གང་ཉོན་མོངས་པ་འདུལ་བ་ནི་གང་ཞེ་ན། ཉོན་མོངས་པ་ཞེས་བྱ་བ་ནི་འདོད་ཆགས་དང་། ཞེ་སྡང་དང་། གཏི་མུག་དང་། མ་རིག་པ་དང་། སྲེད་པ་དང་། ལེན་པ་དང་། སྲིད་པའི་ཡན་
D169.059.0271b05.01ལག་བཅུ་གཉིས་དང་། གང་དག་ལ་འདུས་བྱས་འཇུག་པ་འདི་ནི་ཉོན་མོངས་པ་ཞེས་བྱའོ། །དེ་ལ་ཉོན་མོངས་པ་འདུལ་བ་གང་ཞེ་ན། འདི་ལྟ་སྟེ། ཆོས་ཐམས་ཅད་ནི་ཤིན་ཏུ་དུལ་བའོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་སྟོང་པ་ཉིད་ཀྱིས་དུལ་བ་སྟེ། དེ་ལ་འདོད་
D169.059.0271b06.01ཆགས་ཀུན་དུ་རྒྱུ་བ་མེད་དོ། །ཞེ་སྡང་མེད་དོ། །གཏི་མུག་མེད་དོ། །ཆོས་ཐམས་ཅད་ནི་མཚན་མ་མེད་པས་དུལ་བ་སྟེ། དེ་ལ་ཉོན་མོངས་པ་ཐམས་ཅད་ཀུན་དུ་རྒྱུ་བ་མེད་དོ། །ཆོས་ཐམས་ཅད་ནི་སྨོན་པ་མེད་པས་དུལ་བ་སྟེ། དེ་ལ་ཀུན་དུ་རྒྱུ་བ་ཐམས་ཅད་ཀུན་དུ་རྒྱུ་བ་མེད་དོ། །
D169.059.0271b07.01