完整藏文原文 · 德格版页 当前仅加载第 59 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཕྱི་ཞིག་ན་བུ་ཐུ་བོ་རྒྱལ་པོར་བཅུག་ནས་སྐྲ་དང་། བ་སྤུ་བྲེགས་ཏེ་གོས་ངུར་སྨྲིག་བགོས་ནས་ཡང་དག་པར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་དེ་ལྟར་རབ་ཏུ་བྱུང་ནས་འདི་ལྟ་སྟེ་བདེན་པའི་ཚིག་དང་། ཆོས་ཀྱི་ཚིག་དང་། དོན་གྱི་ཚིག་དང་།
D169.059.0278b01.01འདུལ་བའི་ཚིག་དང་། ཚིག་མི་ཟད་པ་བཞི་པོ་འདི་དག་གི་ཡི་གེའི་མཚམས་སྦྱར་བ་ལས་ཡོངས་སུ་འཇལ་ལོ། །དེ་ལོ་བྱེ་བ་ཚངས་པར་སྤྱོད་པ་ལ་མཁས་པའི་རྗེས་སུ་སོང་ངོ་། །རྒྱལ་པོ་རབ་ཏུ་བྱུང་བ་དེས་རྗེས་སུ་བསླབས་ནས། དེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D169.059.0278b02.01ཁམས་ཀྱི་སེམས་ཅན་བགྲང་བ་ལས་ཤིན་ཏུ་འདས་པ་དག་དེ་བཞིན་གཤེགས་པ་རྣམ་པར་གཟིགས་དེའི་གསུང་རབ་ལ་རབ་ཏུ་བྱུང་ངོ་། །ཤ་ར་དྭ་ཏིའི་བུ་དེའི་ཚེ་དེའི་དུས་ན་རྒྱལ་པོ་བསོད་ནམས་ཀྱི་རྣམ་པར་སྨིན་པ་ཡོངས་སུ་དག་པ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་
D169.059.0278b03.01སེམས་ན་དེ་ལྟར་མི་བལྟ་སྟེ། བུ་མོ་རིན་ཆེན་འདི་ཉིད་དོ། །དེ་ནས་དེ་བཞིན་གཤེགས་པ་རྣམ་པར་གཟིགས་དེ་ལས་བུ་མོ་རིན་ཆེན་འདིས་བྱང་ཆུབ་ཏུ་སེམས་བསྐྱེད་དོ། །ཤ་ར་དྭ་ཏིའི་བུས་གསོལ་པ། བཅོམ་ལྡན་འདས་ལས་ཀྱི་སྒྲིབ་པ་ཇི་ལྟ་བུ་ཞིག་གིས་བུ་མོ་འདིས་བུད་
D169.059.0278b04.01མེད་ཀྱི་དངོས་པོ་ཡོངས་སུ་བཟུང་། བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་བྱང་ཆུབ་སེམས་དཔའ་དག་ནི་ལས་ཀྱི་སྒྲིབ་པས་བུད་མེད་ཀྱི་དངོས་པོ་ཡོངས་སུ་མི་འཛིན་ཏོ། །དེ་ཅིའི་ཕྱིར་ཞེ་ན། ཤ་ར་དྭ་ཏིའི་བུ་བྱང་ཆུབ་སེམས་དཔའ་དག་ནི་སེམས་ཅན་ཡོངས་སུ་
D169.059.0278b05.01སྨིན་པར་བྱ་བའི་ཕྱིར་མངོན་པར་ཤེས་པ་དང་། རིག་པ་དང་། ཡེ་ཤེས་དང་ཐབས་དང་ཤེས་རབ་ཀྱི་སྟོབས་ཀྱིས་བུད་མེད་ཀྱི་དངོས་པོ་ཡོངས་སུ་འཛིན་ཏོ། །ཤ་ར་དྭ་ཏིའི་བུ་འདི་ལ་ཇི་སྙམ་དུ་སེམས། བུ་མོ་རིན་ཆེན་འདི་བུད་མེད་དོ་སྙམ་ན་ཡང་དེ་ལྟར་མི་བལྟའི། ཤ་ར་དྭ་ཏིའི་
D169.059.0278b06.01བུ་འདི་ནི་མངོན་པར་ཤེས་པའི་སྟོབས་ཅན་གྱི་བྱང་ཆུབ་སེམས་དཔར་བལྟ་སྟེ་དེ་ལ་ནི་བུད་མེད་ཀྱི་ཆོས་དང་། སྐྱེས་པའི་ཆོས་མེད་དོ། །བུ་མོ་འདི་ནི་དགེ་བའི་ཆོས་ཐམས་ཅད་དང་ལྡན་ནོ། །འོང་བ་མེད་དོ། །འགྲོ་བ་མེད་དོ། །ཤ་ར་དྭ་ཏིའི་བུ་བུ་མོ་རིན་ཆེན་འདིས་ནི་འཛམ་བུའི་
D169.059.0278b07.01