完整藏文原文 · 德格版页 当前仅加载第 59 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
པའང་སྟོན་མོད་ཀྱི། །མི་ལྡོག་ཕྱག་རྒྱ་གང་ཡིན་པ། །ཕྱག་རྒྱ་དེ་ནི་འདོར་མ་ཡིན། །ནམ་མཁས་ཅི་ཙམ་ཁྱབ་པ་དག །དེ་སྲིད་ཡེ་ཤེས་ཁྱབ་པར་བྱེད། །ཕྱག་རྒྱ་ལས་ནི་མི་ལྡོག་པ། །སངས་རྒྱས་ཀྱིས་ནི་དེ་དག་མཁྱེན། །ཕྱིར་མི་ལྡོག་པའི་ཕྱག་རྒྱ་འདི་བཤད་པ་ན་སྟོང་གསུམ་གྱི་སྟོང་ཆེན་པོའི་
D169.059.0303a01.01འཇིག་རྟེན་གྱི་ཁམས་འདི་རབ་ཏུ་གཡོས་སོ། །བྱང་ཆུབ་སེམས་དཔའ་ལྔ་སྟོང་ནི་ཕྱིར་མི་ལྡོག་པའི་ཕྱག་རྒྱས་ལུང་བསྟན་པར་གྱུར་ཏོ། །བཅོམ་ལྡན་འདས་ཀྱིས་ཀྱང་བུ་མོ་རིན་ཆེན་ལ་ལེགས་སོ་ཞེས་བྱ་བ་གནང་སྟེ། བུ་མོ་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་ཕྱིར་མི་ལྡོག་པར་
D169.059.0303a02.01བསྟན་པ་འདི་ལེགས་པར་སྨྲས་པ་ནི་ལེགས་སོ། །ལེགས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བུ་མོ་རིན་ཆེན་གྱི་སྤོབས་པ་འདི་འདྲ་བ་ལས་ན་དེ་ཕྱིར་མི་ལྡོག་པའི་ཕྱག་རྒྱས་བཏབ་པ་ལགས་ཏེ། ཐེ་ཚོམ་མ་མཆིས་སོ། །
D169.059.0303a03.01བཅོམ་ལྡན་འདས་ཆོས་འདི་མངོན་སུམ་དུ་མ་གྱུར་པ་འདི་འདྲ་བའི་བསྟན་པ་སྟོན་པར་ནུས་པ་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བུ་མོ་རིན་ཆེན་གྱིས་ནི་ཕྱིར་མི་ལྡོག་པའི་ཕྱག་རྒྱས་བཏབ་པ། བཟོད་པ་རབ་ཏུ་ཐོབ་པ།
D169.059.0303a04.01ཐེག་པ་ཆེན་པོའི་གཏིང་ཐོབ་པའོ། །དེ་ནས་བཅོམ་ལྡན་འདས་ལ་བུ་མོ་རིན་ཆེན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཐེག་པ་ཆེན་པོ་ཐེག་པ་ཆེན་པོ་ཞེས་བགྱི་བ་ཅིའི་སླད་དུ་ཐེག་པ་ཆེན་པོ་ཞེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བུ་མོ་རིན་ཆེན་ལ་འདི་སྐད་
D169.059.0303a05.01ཅེས་བཀའ་སྩལ་ཏོ། །བུ་མོ་ཐེག་པ་ཆེན་པོ་དེ་ནི་སེམས་ཅན་ཐམས་ཅད་ལ་སྐབས་འབྱེད་པས་རྒྱ་ཆེ་བའོ། །དགེ་བའི་རྩ་བ་ཐམས་ཅད་ཀུན་དུ་སྟོན་པས་ཐེག་པ་དེ་ནི་སྒྲིབ་པ་མེད་པའོ། །ཉོན་མོངས་པའི་མུན་པ་མུན་ནག་དང་བྲལ་བས་ཐེག་པ་དེ་ནི་དྲི་མ་མེད་པའོ། །ཐམས་ཅད་དུ་རྣམ་པར་
D169.059.0303a06.01གྲོལ་བའི་སྒོའི་མཚན་ཉིད་ཡིན་པས་ཐེག་པ་དེ་ནི་ཀུན་དུ་སྣང་བའོ། །གདོད་མ་ནས་ཀུན་ནས་ཉོན་མོངས་པ་ཅན་མ་ཡིན་པས་ཐེག་པ་དེ་ནི་འོད་གསལ་བའོ། །བག་ཆགས་དང་བྲལ་བའི་ཕྱིར་ཐེག་པ་དེ་ནི་ཡོངས་སུ་དཀར་བའོ། །ཚུལ་ཁྲིམས་ཀྱི་ཕུང་པོ་ཤིན་ཏུ་བསྲུངས་པའི་ཕྱིར་ཐེག་པ་དེ་ནི་ཡོངས་
D169.059.0303a07.01