完整藏文原文 · 德格版页 当前仅加载第 59 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
མི་མཉམ་པར་ལེན་པ་མི་རྩོམ་མོ། །ནོར་བདུན་མ་རུང་བར་མི་བྱེད་དོ། །ཤ་ཟ་བ་མ་ཡིན་ནོ། །ཕའི་རིགས་གཅོད་པ་མ་ཡིན་ནོ། །གཞན་གྱི་ཡོན་ཏན་མ་རུང་བར་མི་བྱེད་དོ། །བདག་གི་ཡོན་ཏན་བརྗོད་པ་མ་ཡིན་ནོ། །སངས་རྒྱས་ཀྱི་ཆོས་ཚད་ཡོད་པར་སྟོན་པ་མ་
D169.059.0269a01.01ཡིན་ནོ། །ང་ཆོས་སྨྲ་བ་ནི་ཐེག་པ་ཆེན་པོའི་བསྔགས་པ་བརྗོད་པས་མི་ངོམས་ཏེ། དེའི་ཕྱིར་ན་ཆོས་སྨྲ་བ་ཞེས་བྱའོ། །བུ་མོ་དེ་ལ་ཇི་ལྟར་ན་བྱང་ཆུབ་སེམས་དཔའ་དོན་སྨྲ་བ་ཡིན་ཞེ་ན། དོན་ཞེས་བྱ་བ་ནི་བསམ་པས་བཅོས་མ་མ་ཡིན་པ་ནི་དོན་ཏོ། །སྦྱོར་བས་དགེ་བའི་རྩ་བ་
D169.059.0269a02.01ཐམས་ཅད་ཡང་དག་པར་སྒྲུབ་པ་ནི་དོན་ཏོ། །ལྷག་པའི་བསམ་པའི་ཁྱད་པར་ནི་དོན་ཏོ། །གཞན་བྱང་ཆུབ་ཀྱི་སེམས་ཡང་དག་པར་འཛིན་དུ་འཇུག་པ་ནི་དོན་ཏོ། །སྦྱིན་པས་རྣམ་པར་སྨིན་པ་ལ་མི་རེ་བ་ནི་དོན་ཏོ། །སེམས་ཅན་རྣམས་བདེ་བ་མྱོང་བར་བྱེད་པ་ནི་དོན་ཏོ། །ཚུལ་
D169.059.0269a03.01ཁྲིམས་ལས་ཉམས་པ་མེད་པ་ནི་དོན་ཏོ། །བཟོད་པས་མ་རྨས་པ་ནི་དོན་ཏོ། །བརྩོན་འགྲུས་ཀྱིས་དགོས་པ་ཐམས་ཅད་མཐར་འབྱིན་པ་ནི་དོན་ཏོ། །བསམ་གཏན་གྱིས་ཉེ་བར་ཞི་བ་ནི་དོན་ཏོ། །ཤེས་རབ་ཀྱིས་ཐེ་ཙོམ་མེད་པ་ནི་དོན་ཏོ། །བྱམས་པས་སེམས་ཅན་ཐམས་ཅད་ལ་
D169.059.0269a04.01སེམས་སྙོམས་པ་ནི་དོན་ཏོ། །སྙིང་རྗེས་སེམས་ཅན་ཐམས་ཅད་ཀྱི་ཅི་བྱ་བ་བྱེད་པ་ནི་དོན་ཏོ། །དགའ་བས་ཆོས་ལ་དགའ་ཞིང་མོས་པ་ནི་དོན་ཏོ། །བཏང་སྙོམས་ཀྱིས་བདེ་བ་དང་སྡུག་བསྔལ་ཐམས་ཅད་མི་འབྱེད་པ་ནི་དོན་ཏོ། །སྦྱིན་པས་འགྱོད་པ་མེད་པ་ནི་དོན་ཏོ། །སྙན་པར་
D169.059.0269a05.01སྨྲ་བས་ཁོང་ཁྲོ་བ་མེད་པ་ནི་དོན་ཏོ། །དོན་བྱེད་པས་ཆོས་དང་ལྡན་པའི་བསམ་པ་ཡོངས་སུ་རྫོགས་པར་བྱེད་པ་ནི་དོན་ཏོ། །དོན་འཐུན་པས་སེམས་ཅན་རྣམས་ཐེག་པ་ཆེན་པོ་ཡང་དག་པར་འཛིན་དུ་འཇུག་པ་ནི་དོན་ཏོ། །བསྡུ་བའི་དངོས་པོ་རྣམས་ཀྱིས་སེམས་ཅན་ཡོངས་སུ་སྨིན་
D169.059.0269a06.01པར་བྱེད་པ་ནི་དོན་ཏོ། །འདུ་བྱེད་ཐམས་ཅད་མི་རྟག་པ་དང་སྡུག་བསྔལ་བ་ནི་དོན་ཏོ། །ཆོས་ཐམས་ཅད་བདག་མེད་པ་ནི་དོན་ཏོ། །ཉོན་མོངས་པ་ཐམས་ཅད་ཞི་བ་ནི་དོན་ཏོ། །ཚིག་འབྲུ་ལས་དོན་ལ་རྟོན་པ་ནི་དོན་ཏོ། །རྣམ་པར་ཤེས་པ་ལས་ཡེ་ཤེས་ལ་རྟོན་པ་ནི་དོན་ཏོ། །
D169.059.0269a07.01