完整藏文原文 · 德格版页 当前仅加载第 89 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱང་ནི་འཕང་བར་འགྱུར། །གཉེན་སྡུག་ཀུན་ཀྱང་སྡང་བ་དང་། །བུ་སྨད་འཁོར་དང་བྲལ་བ་དང་། །ཕན་ཚུན་དུ་ནི་མི་འཕྲོད་ཅིང་། །ནོར་སྟོར་བས་ནི་རབ་གཙེས་ཏེ། །གཟའ་དང་སྐར་མས་གནོད་བྱས་ཤིང་། །བྱད་སྟེམས་མི་བཟད་ཟིན་པ་དང་། །མྱ་
D555.089.0023a01.01ངན་ཉོན་མོངས་ལས་རྣམས་ཀྱིས། །ཤིན་ཏུ་མི་བཟད་གཟིར་བ་དང་། །རྨི་ལམ་ལྟས་སྡིག་མཐོང་བ་ལས། །མྱ་ངན་རབ་ཏུ་འཁྲུག་པ་རྣམས། །གཙང་མར་ལུས་ཀྱིས་ཁྲུས་གྱིས་ལ། །གོས་གཙང་སར་པ་དེ་བགོས་ནས། །མདོ་སྡེ་དམ་པའི་རྒྱལ་པོ་འདི། །སངས་རྒྱས་
D555.089.0023a02.01ཟབ་མོའི་སྤྱོད་ཡུལ་ཏེ། །ཀློག་འདོན་རབ་ཏུ་འཛིན་པ་ལ། །གུས་པའི་སེམས་ཀྱིས་ཉོན་ཅིག་དང་། །མདོ་སྡེ་འདི་ཡི་བྱིན་བརླབས་ཀྱིས། །རྨི་ངན་ལྟས་སྡིག་འཇོམས་པ་དང་། །སྡུག་བསྔལ་ཐམས་ཅད་བཟློག་པས་ནི། །ཡོངས་སུ་མ་ལུས་ཟད་པར་འགྱུར། །འཇིག་རྟེན་
D555.089.0023a03.01སྐྱོང་བའི་རྒྱལ་པོ་བཞི། །བློན་པོ་དང་ནི་འཁོར་བཅས་དང་། །གནོད་སྦྱིན་བྱེ་བ་མང་པོ་རྣམས། །ཤིན་ཏུ་གུས་པས་རིམ་གྲོ་བསྐྱེད། །སྤོབས་པའི་ལྷ་མོ་ཆེན་མོ་དང་། །ནཻ་ར་ཉྫ་ན་ར་གནས་པའི་ལྷ། །དེ་བཞིན་འཕྲོག་མ་འབྱུང་པོའི་མ། །སྲ་བ་ས་ཡི་ལྷ་མོ་དང་། །ཚངས་
D555.089.0023a04.01པའི་དབང་པོ་བརྒྱ་བྱིན་དང་། །ཀླུ་ཡི་རྒྱལ་པོ་མིའམ་ཅི། །ནམ་མཁའ་ལྡིང་གི་རྒྱལ་པོ་དང་། །ལྷ་མ་ཡིན་གྱི་འཁོར་རྣམས་བཅས། །དེ་ལྟར་མཐུ་ཆེན་དེ་དག་ཀུན། །རང་གི་འཁོར་རྣམས་ཁྲིད་ནས་ནི། །ཉིན་མཚན་རྟག་ཏུ་མི་འབྲལ་བར། །གང་ཟག་དེ་ལ་སྲུང་བར་བྱེད། །
D555.089.0023a05.01ཟབ་མོ་སངས་རྒྱས་སྤྱོད་ཡུལ་དང་། །སངས་རྒྱས་དགོངས་ཏེ་གསུངས་པའི་བཀའ། །མདོ་སྡེ་གང་ཡིན་ངས་བཤད་པ། །བསྐལ་པ་བྱེ་བར་ཕྲད་དཀའ་བས། །གང་གིས་མདོ་སྡེ་འདི་ཐོས་ནས། །གཞན་ལ་རྒྱ་ཆེར་སྟོན་པ་དང་། །གལ་ཏེ་སེམས་ཀྱིས་ཡི་རངས་དང་། །མཆོད་
D555.089.0023a06.01པ་བཤམས་ནས་མཆོད་བྱེད་ན། །དེ་འདྲའི་གང་ཟག་དེ་དག་ནི། །བསྐལ་པ་ཚད་མེད་སྙེད་དུ་ཡང་། །རྟག་པར་ལྷ་དང་མི་རྣམས་དང་། །ཀླུ་ལ་སོགས་པས་མཆོད་བཀུར་འགྱུར། །འདི་ཡི་བསོད་ནམས་ཚད་མེད་པས། །གང་གཱའི་བྱེ་སྙེད་གྲངས་ལས་འདས། །མདོ་སྡེ་འདི་ནི་གང་
D555.089.0023a07.01