完整藏文原文 · 德格版页 当前仅加载第 89 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཡང་རུང་སྟེ་མདོ་སྡེའི་རྒྱལ་པོ་འདི་སྤེལ་བར་བགྱིད་ན། བཅོམ་ལྡན་འདས་བདག་དེར་མཆིས་ནས་མཆོད་པ་དང་། བཀུར་སྟི་དང་ཡོངས་སུ་བསྲུང་བ་དང་། ཡོངས་སུ་བསྐྱབ་པ་བགྱིས་ཏེ་རྒྱ་ཆེར་སྤེལ་བར་བགྱིད་དོ། །ས་ཕྱོགས་གང་ཡང་རུང་བ་དག་ཏུ་ཆོས་སྨྲ་བའི་མཁན་
D555.089.0114b01.01པོའི་ཆེད་དུ་ཁྲི་མཐོན་པོ་བཙུགས་ཏེ་མདོ་སྡེ་འདི་འཆད་པར་བགྱིད་ན། བདག་རྫུ་འཕྲུལ་གྱི་མཐུས་ལུས་མི་གདའ་བར་བགྱིས་ནས་དེར་མཆིས་ཏེ། དེའི་རྐང་པ་ནས་སྤྱི་བོས་འདེགས་པར་བགྱིད་དོ། །བདག་ཆོས་ཐོས་པར་གྱུར་ནས་ཀྱང་ཤིན་ཏུ་དང་བའི་བསམ་པས་རབ་ཏུ་
D555.089.0114b02.01དགའ་བར་བགྱིད་དོ། །ཆོས་ཀྱི་རོ་ཐོབ་པའི་དབང་གིས་གཟི་བྱིན་འཕེལ་བར་འགྱུར་བས་མགུ་བ་ཚད་མ་མཆིས་པ་ཐོབ་པར་འགྱུར་ཏེ། བདག་ཉིད་དེ་ལྟ་བུའི་ཕན་ཡོན་ཐོབ་པ་ཉིད་ཀྱིས་ས་ཆེན་པོ་འདི་ཡང་དཔག་ཚད་སྟོང་ཕྲག་བརྒྱད་ཅུ་རྡོ་རྗེའི་དཀྱིལ་འཁོར་ལ་ཐུག་པ་ཚུན་ཆད་སའི་
D555.089.0114b03.01བཅུད་ཐམས་ཅད་རབ་ཏུ་འཕེལ་བར་བགྱིད་དོ། །རྒྱ་མཚོ་བཞི་ཚུན་ཆད་ཀྱིས་ཆེན་པོ་ཇི་སྙེད་པ་དེ་དག་སའི་བཅུད་རྒྱས་ཤིང་རབ་ཏུ་གཤིན་པས་སྔོན་བས་ཀྱང་ལྷག་པ་དང་། ཆེས་ཁྱད་པར་དུ་འཕགས་པར་བགྱིད་དོ། །འཛམ་བུའི་གླིང་འདི་ན་ཆུ་བོ་དང་། རྫིང་དང་། རྫིང་བུ་དང་།
D555.089.0114b04.01ལྗོན་ཤིང་དང་། སྨན་དང་། ནགས་ཚལ་དང་། མེ་ཏོག་དང་། འབྲས་བུ་དང་། རྩ་བ་དང་། སྡོང་བུ་དང་། ཡལ་ག་དང་། ལོ་མ་དང་། འབྲུ་རྣམ་པ་སྣ་ཚོགས་ཅི་མཆིས་པ་དེ་དག་ཀྱང་དབྱིབས་མཛེས་ཤིང་ཡིད་དུ་མཆི་བ་དང་། མང་པོ་ཀུན་གྱིས་བལྟ་བར་མོས་པ་དང་། ཁ་
D555.089.0114b05.01དོག་དང་། དྲི་ཕུན་སུམ་ཚོགས་པ་དང་ལོངས་སྤྱོད་དུ་རུང་བར་བགྱིད་དོ། །སེམས་ཅན་གང་གིས་བཟའ་བ་དང་། བཏུང་བ་མཆོག་དེ་ལྟ་བུ་དག་ལ་ལོངས་སྤྱོད་པ་རྣམས་ཀྱང་ཚེ་རིང་ཞིང་ཁ་དོག་དང་སྟོབས་དང་ལྡན་པ་དང་། དབང་པོ་རྣམས་བདེ་ཞིང་གཟི་བྱིན་འཕེལ་བ་དང་། བྲོ་
D555.089.0114b06.01ནད་རྣམས་མ་མཆིས་པ་དང་། སེམས་ཀྱི་ཤེས་རབ་དཔའ་ཞིང་ཅི་ཡང་རྩོལ་རྔོ་ཐོགས་པར་འགྱུར་ལགས་སོ། །གཞན་ཡང་ས་ཆེན་པོ་འདི་ལས་ཇི་ཙམ་དུ་ཡོངས་སུ་སྤྱད་པར་བགྱི་བའི་དངོས་པོ་བརྒྱ་སྟོང་ཇི་སྙེད་པ་ཐམས་ཅད་ཀྱང་ཕུན་སུམ་ཚོགས་པར་བགྱིད་ལགས་སོ། །བཅོམ་
D555.089.0114b07.01