完整藏文原文 · 德格版页 当前仅加载第 89 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་སོ་ལེགས་སོ། །བདག་ཅག་རྣམས་ཀྱང་རྗེས་སུ་ཡི་རང་ངོ་ཞེས་གསོལ་ཅིག །དེ་ནས་ཞབས་འབྲིང་བ་དེ་དག་སོ་སོ་ནས་བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་དོང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས། ཕྱོགས་
D555.089.0027a01.01གཅིག་ཏུ་འཁོད་དེ། ཅིག་ཅར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལྷ་དང་མིའི་སྟོན་པ་དེ་དག་ཚད་མ་མཆིས་པའི་གསུང་གིས་ཅུང་ཟད་མི་བསྙུང་ངམ། ཅུང་ཟད་མི་གདུང་ངམ། བཞེངས་ཤིང་བཞུགས་པ་ཡང་ངམ། སྤྱོད་ལམ་ཐམས་ཅད་དུ་བདེ་བར་སྤྱོད་དམ།
D555.089.0027a02.01ཞེས་སྙུན་གསོལ་ལགས་སོ། །གཞན་ཡང་འདི་སྐད་དུ་དེ་བཞིན་གཤེགས་པ་ཤཱཀྱ་ཐུབ་པས་སེམས་ཅན་ཐམས་ཅད་ལ་ཕན་གདགས་ཤིང་མུ་གེའི་བགེགས་ཡོངས་སུ་བསལ་ནས་བདེ་བ་ལ་འགོད་པར་བཞེད་པའི་ཕྱིར་དེང་གསེར་འོད་དམ་པའི་མདོ་སྡེ་ཤིན་ཏུ་ཟབ་པའི་ཆོས་
D555.089.0027a03.01ཀྱི་དོན་བསྟན་པ་ལེགས་སོ་ལེགས་སོ་ཞེས་གསུངས་སོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་ཞབས་འབྲིང་བའི་བྱང་ཆུབ་སེམས་དཔའ་དེ་དག་ལ་འདི་སྐད་ཅེས་བཀའ་སྩལ་ཏོ། །དེ་བཞིན་གཤེགས་
D555.089.0027a04.01པ་བཞི་པོ་དེ་དག་གིས་སེམས་ཅན་ཐམས་ཅད་ལ་ཕན་པ་དང་བདེ་བར་བཞེད་པའི་ཕྱིར་ང་ལ་ཡང་དག་པའི་ཆོས་བསྟན་པར་བསྐུལ་བ་ལེགས་སོ་ལེགས་སོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། ང་ནི་རྟག་པར་བྱ་རྒོད་རི་གནས་ནས། །
D555.089.0027a05.01མདོ་སྡེ་རིན་ཆེན་འདི་ནི་འཆད་པར་མཛད། །སེམས་ཅན་ཡོངས་སུ་སྨིན་པར་མཛད་པའི་ཕྱིར། །ཡོངས་སུ་མྱ་ངན་ལས་འདའ་བསྟན་པ་ཡིན། །སོ་སོའི་སྐྱེ་བོ་ལོག་ལྟ་བསྐྱེད་ནས་ནི། །ངས་བསྟན་དག་ལ་མངོན་པར་ཡིད་མི་ཆེས། །དེ་དག་ཡོངས་སུ་སྨིན་པར་བྱ་བའི་ཕྱིར། །
D555.089.0027a06.01ཡོངས་སུ་མྱ་ངན་འདའ་བར་བསྟན་པ་ཡིན། །དེ་ནས་འཁོར་འདུས་པ་ཆེན་པོ་དེ་ཉིད་དུ་བྲམ་ཟེ་ཀཽཎྜི་ནྱས་ཆོས་ཀྱི་སློབ་དཔོན་གྱིས་ལུང་བསྟན་པ་ཞེས་བྱ་བ་ཞིག་ཡོད་པ་དེ་བྲམ་ཟེའི་འཁོར་བརྒྱ་སྟོང་ཚད་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ལ་མཆོད་པ་བྱས་ནས། བཅོམ་ལྡན་
D555.089.0027a07.01