完整藏文原文 · 德格版页 当前仅加载第 89 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་། །ནན་ཏན་བྱང་ཆུབ་ལམ་བསྒོམས་ནས། །སྐྱེ་དགུ་རྒྱ་ཆེར་ཕན་བཏགས་ཏེ། །བསམ་པ་མྱུར་དུ་གྲུབ་པར་སྨོན། །བདག་གིས་བདེན་ཚིག་སྨྲས་པ་དང་། །བདག་གིས་བསླུ་མེད་སྨྲས་པ་ཡིས། །ལྷ་མོའི་སྤོབས་པ་གང་ཡིན་པ། །བདག་ལ་
D555.089.0110a01.01གྲུབ་པར་མཛད་དུ་གསོལ། །ལྷ་མོ་ཁྱོད་ནི་འདིར་གཤེགས་ཏེ། །ཚིག་ཐོགས་མ་མཆིས་བགྱི་སླད་དུ། །བདག་ལུས་ཁར་ནི་མྱུར་ཞུགས་ནས། །ཡིད་མྱུར་སྤོབས་དང་ལྡན་པར་མཛོད། །བདག་གི་ལྕེ་ཡི་དབང་པོ་ཡིས། །དེ་བཞིན་གཤེགས་པའི་སྤོབས་ཐོབ་ནས། །
D555.089.0110a02.01ཚིག་དེའི་མཐུ་སྟོབས་དབང་གིས་ནི། །སེམས་ཅན་རྣམས་ནི་འདུལ་བར་ཤོག །བདག་ནི་ཚིག་དག་སྨྲས་པའི་ཚེ། །དོན་ནི་ཇི་བཞིན་གྲུབ་གྱུར་ཅིག །ཐོས་པ་དག་ནི་གུས་བསྐྱེད་ནས། །བྱས་པ་ཆུད་གསོན་མ་གྱུར་ཅིག །བདག་གིས་སྤོབས་པ་གཉེར་བ་ཡི། །
D555.089.0110a03.01དངོས་པོ་གལ་ཏེ་མ་གྲུབ་ན། །ལྷ་མོའི་བདེན་ཚིག་གང་ཡིན་པ། །ཐམས་ཅད་{བརྫུན་,རྫུན་}པ་ཉིད་དུ་འགྱུར། །གང་གིས་མཚམས་མེད་སྡིག་བྱས་པ། །སངས་རྒྱས་གསུང་གིས་འདུལ་བར་འགྱུར། །དེ་བཞིན་དགྲ་བཅོམ་གང་ཡིན་དང་། །དྲིན་གཟོའི་ཚིག་ནི་ཇི་སྙེད་དང་། །
D555.089.0110a04.01ཤཱ་རིའི་བུ་དང་མཽད་གལ་བུ། །བཅོམ་ལྡན་འཁོར་མང་མཆོག་གྱུར་པ། །འདི་ལ་སོགས་པའི་བདེན་ཚིག་རྣམས། །ཐམས་ཅད་བདག་ལ་གྲུབ་པར་མཛོད། །དེང་བདག་སངས་རྒྱས་ཉན་ཐོས་འཁོར། །ཐམས་ཅད་འདིར་ནི་སྤྱན་འདྲེན་ན། །ཐམས་ཅད་མྱུར་དུ་འདིར་
D555.089.0110a05.01གཤེགས་ཏེ། །བདག་གི་སྨོན་པ་རྫོགས་མཛད་སྨོན། །ཡང་དག་བདེན་ཚིག་གང་གཉེར་བ། །ཐམས་ཅད་བསླུ་བ་མ་མཆིས་སྨོན། །གོང་དུ་འོག་མིན་ལྷ་མན་ཆད། །གནས་གཙང་རིས་ཀྱི་ལྷ་དག་དང་། །ཚངས་ཆེན་ཚངས་ལྷ་ཉེ་ཕན་དང་། །ཚངས་པའི་རྒྱལ་པོའི་འཁོར་
D555.089.0110a06.01རྣམས་དང་། །སྟོང་གསུམ་འཇིག་རྟེན་ཀུན་ཁྱབ་དང་། །མི་མཇེད་འཇིག་རྟེན་བདག་པོ་དང་། །འཁོར་ནི་མང་པོ་ཐམས་ཅད་ཀུན། །དེང་བདག་ཐམས་ཅད་སྤྱན་འདྲེན་ན། །བྱམས་དང་ཐུགས་རྗེ་རབ་བསྐྱེད་དེ། །ཐམས་ཅད་བརྩེ་བས་གཟུང་དུ་གསོལ། །གཞན་འཕྲུལ་
D555.089.0110a07.01