完整藏文原文 · 德格版页 当前仅加载第 89 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པའི་འབྲས་བུ་ཡོངས་སུ་གཉེར་བར་འདོད་ན་ཡང་འགྱོད་ཚངས་བྱས་ནས་ལས་ཀྱི་སྒྲིབ་པ་ཡོངས་སུ་སྦྱང་བར་བྱའོ། །གལ་ཏེ་རིག་པ་
D555.089.0051a01.01གསུམ་དང་། མངོན་པར་ཤེས་པ་དྲུག་དང་། ཉན་ཐོས་དང་། རང་སངས་རྒྱས་ཀྱི་རང་དབང་ཐོབ་པའི་བྱང་ཆུབ་ཡོངས་སུ་གཉེར་བ་དང་། མཐར་ཐུག་པའི་སར་ཕྱིན་ནས་ཐམས་ཅད་མཁྱེན་པའི་ཡེ་ཤེས་དང་། ཡོངས་སུ་དག་པའི་ཡེ་ཤེས་དང་། བསམ་གྱིས་མི་ཁྱབ་པའི་
D555.089.0051a02.01ཡེ་ཤེས་དང་། མི་གཡོ་བའི་ཡེ་ཤེས་དང་། ཡང་དག་པར་རྫོགས་པའི་བྱང་ཆུབ་ཐམས་ཅད་མཁྱེན་པ་ཡོངས་སུ་གཉེར་བར་འདོད་ན་ཡང་འགྱོད་ཚངས་བྱས་ནས་ལས་ཀྱི་སྒྲིབ་པ་ཡོངས་སུ་སྦྱང་བར་བྱའོ། །དེ་ཅིའི་ཕྱིར་ཞེ་ན། རིགས་ཀྱི་བུ་ཆོས་ཐམས་ཅད་ནི་རྒྱུ་དང་རྐྱེན་ལས་
D555.089.0051a03.01སྐྱེ་བས་དེ་བཞིན་གཤེགས་པས་ཀྱང་ཐ་དད་པའི་མཚན་ཉིད་འགག་པར་འགྱུར་རོ། །ཞེས་གསུངས་ཏེ། རྒྱུ་རྐྱེན་ཐ་དད་པའི་ཕྱིར་འདི་ལྟར་འདས་པའི་ཆོས་རྣམས་འགག་ཅིང་ཟད་པར་འགྱུར་བས་ལས་ཀྱི་སྒྲིབ་པ་ཇི་སྙེད་པ་མ་ལུས་པར་འགྱུར་བ་ཡང་འདུ་བྱེད་ཀྱི་ཆོས་རྣམས་
D555.089.0051a04.01མངོན་དུ་མ་སྐྱེས་པ་གང་ཡིན་པ་དེ་དག་དེང་གདོད་སྐྱེ་བར་འགྱུར་བས་མ་འོངས་པའི་ལས་ཀྱི་སྒྲིབ་པ་ཡང་ལྡང་བར་མི་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་ཆོས་ཐམས་ཅད་སྟོང་ཞིང་དེ་བཞིན་གཤེགས་པས་ཀྱང་བདག་དང་། གང་ཟག་དང་། སེམས་ཅན་དང་། སྲོག་
D555.089.0051a05.01མེད་པ་དང་། སྐྱེ་བ་དང་། འགག་པ་མེད་པ་དང་། འདུ་བྱེད་ཀྱི་ཆོས་ཀྱང་མེད་དོ་ཞེས་གསུངས་པས་སོ། །རིགས་ཀྱི་བུ་ཆོས་ཐམས་ཅད་ནི་ངོ་བོ་ཉིད་ཀྱི་གཞི་ལ་བརྟེན་པས་བརྗོད་དུ་ཡང་མེད་དོ། །དེ་ཅིའི་ཕྱིར་ཞེ་ན། མཚན་མ་ཐམས་ཅད་ལས་ཡང་དག་པར་འདས་
D555.089.0051a06.01པའི་ཕྱིར་རོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་འདི་ལྟར་ཡང་དག་པའི་དོན་ཤིན་ཏུ་གྱ་ནོམ་པ་ལ་ཞུགས་ནས་མངོན་པར་ཡིད་ཆེས་པས་གུས་པའི་སེམས་སྐྱེས་པར་གྱུར་པ་གང་ཡིན་པ་དེ་ནི་སེམས་ཅན་མེད་ཅིང་ངོ་བོ་ཉིད་ཀྱི་གཞི་ཡོད་པ་ཞེས་བྱ་སྟེ། དོན་དེའི་ཕྱིར་
D555.089.0051a07.01