完整藏文原文 · 德格版页 当前仅加载第 89 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་དང་མངོན་དུ་བྱེད་པ་དང་། མངོན་དུ་བྱ་བ་མཉམ་པར་གྱུར་པའི་ཕྱིར་ཏེ། འོན་ཀྱང་ཆོས་རྣམས་ཤེས་པར་བྱ་བ་མེད་པ་ནི་མ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་དེ་ལྟར་ཤེས་པར་བྱ་བ་གང་ཡིན་པ་དེ་ནི་ཆོས་རྣམས་མངོན་པར་
D555.089.0061b01.01རྟོགས་པ་དང་། བྱང་ཆུབ་དང་བྱང་ཆུབ་ཀྱི་སེམས་ལེགས་པར་བཤད་པ་ཞེས་བྱའོ། །བྱང་ཆུབ་ཀྱི་སེམས་གང་ཡིན་པ་དེ་ནི་འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། སེམས་ཀྱང་དེ་བཞིན་ནོ། །སེམས་ཅན་ཡང་དེ་བཞིན་ཏེ།
D555.089.0061b02.01འདི་ལ་མཚན་ཉིད་གཉིས་ཡང་དག་པར་དམིགས་སུ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ལ་སྐྱེ་བ་མེད་པའི་ཕྱིར་རོ། །བྱང་ཆུབ་ཀྱང་དམིགས་སུ་མེད། བྱང་ཆུབ་ཀྱི་མིང་ཡང་དམིགས་སུ་མེད། སེམས་ཅན་དང་སེམས་ཅན་གྱི་མིང་ཡང་དམིགས་སུ་མེད།
D555.089.0061b03.01ཉན་ཐོས་དང་ཉན་ཐོས་ཀྱི་མིང་ཡང་དམིགས་སུ་མེད། རང་སངས་རྒྱས་དང་རང་སངས་རྒྱས་ཀྱི་མིང་ཡང་དམིགས་སུ་མེད། བྱང་ཆུབ་སེམས་དཔའ་དང་བྱང་ཆུབ་སེམས་དཔའི་མིང་ཡང་དམིགས་སུ་མེད། སངས་རྒྱས་དང་སངས་རྒྱས་ཀྱི་མཚན་ཡང་དམིགས་སུ་མེད།
D555.089.0061b04.01སྤྱོད་པ་དང་སྤྱོད་པ་མ་ཡིན་པ་ཡང་དམིགས་སུ་མེད། སྤྱོད་པ་དང་སྤྱོད་པ་མ་ཡིན་པའི་མིང་ཡང་དམིགས་སུ་མེད་དེ། འདི་ལྟར་དམིགས་སུ་མེད་པའི་ཕྱིར་རབ་ཏུ་དབེན་པའི་ཆོས་ཐམས་ཅད་ལ་རབ་ཏུ་གནས་པ་ཡིན་ཏེ། འདི་ཡང་བསོད་ནམས་ཀྱི་དགེ་བའི་རྩ་བ་ལ་བརྟེན་
D555.089.0061b05.01ནས་སྐྱེ་བར་འགྱུར་བ་ཡིན་ནོ། རིགས་ཀྱི་བུ་འདི་ལྟ་སྟེ་དཔེར་ན། རིན་པོ་ཆེའི་རིའི་རྒྱལ་པོ་རི་རབ་ཐམས་ཅད་ལ་ཕན་འདོགས་པར་བྱེད་པ་དེ་བཞིན་དུ་བྱང་ཆུབ་ཀྱི་སེམས་འདི་ཡང་སེམས་ཅན་ལ་ཕན་འདོགས་པའི་ཕྱིར་འདི་ནི་དང་པོ་སྦྱིན་པའི་ཕ་རོལ་ཏུ་ཕྱིན་པའི་རྒྱུ་ཞེས་བྱའོ། །
D555.089.0061b06.01རིགས་ཀྱི་བུ་འདི་ལྟ་སྟེ་དཔེར་ན། ས་ཆེན་པོ་བཞིན་དུ་དངོས་པོ་མང་པོ་ཡོངས་སུ་འཛིན་པར་བྱེད་པའི་ཕྱིར་འདི་ནི་གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་རྒྱུ་ཞེས་བྱའོ། །འདི་ལྟ་སྟེ་དཔེར་ན། སེང་གེ་གཟི་བྱིན་ཆེན་པོའི་མཐུ་དང་ལྡན་པ་གཅིག་པུ་འགྲོ་བ་ལ་འཇིགས་
D555.089.0061b07.01