完整藏文原文 · 德格版页 当前仅加载第 89 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལྷའི་འཁོར་གཞན་རྣམས་དང་། གནོད་སྦྱིན་རྣམས་དང་། ལྷ་མ་ཡིན་དང་འཐབ་པའི་ཚེ་རྟག་ཏུ་རྒྱལ་བའི་ཕན་ཡོན་འཐོབ་པར་འགྱུར་རོ། །ཁྱེད་ཅག་མདོ་སྡེ་འདི་ཡོངས་སུ་བསྲུང་ཞིང་ཡོངས་སུ་འཛིན་པར་བྱེད་ན་མདོ་སྡེ་འདིའི་མཐུས་སྡུག་བསྔལ་མང་པོ་
D555.089.0086a01.01དང་། ཕྱིར་རྒོལ་བའི་དགྲ་དང་། མུ་གེ་དང་། ནད་དང་། རིམས་ནད་ཐམས་ཅད་རབ་ཏུ་ཞི་ཞིང་ཡོངས་སུ་སེལ་བར་བྱེད་པས་དེའི་ཕྱིར་ཁྱེད་ཀྱིས་གལ་ཏེ་འཁོར་བཞི་པོ་དག་མདོ་སྡེའི་རྒྱལ་པོ་འདི་ལེན་པ་དང་། འཛིན་པ་དང་། ཀློག་པ་དང་། ཁ་ཏོན་དུ་འདོན་པ་མཐོང་བར་གྱུར་ན་རབ་ཏུ་
D555.089.0086a02.01བརྩོན་པའི་སེམས་ཀྱིས་ཡོངས་སུ་བསྲུངས་ནས་གནོད་པ་བསལ་ཏེ་བདེ་བ་སྦྱིན་པར་བྱའོ། །དེ་ནས་རྒྱལ་པོ་ཆེན་པོ་བཞི་སྟན་ལས་ལངས་ཏེ་བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། གུས་པས་ཐལ་མོ་སྦྱར་ནས་བཅོམ་ལྡན་འདས་ལ་འདི་
D555.089.0086a03.01སྐད་ཅེས་གསོལ་ཏོ། །བཅོམ་ལྡན་འདས་གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་འདི་སླད་མའི་དུས་ཀྱི་ཚེ་ཡུལ་ལམ། གྲོང་ངམ། གྲོང་ཁྱེར་རམ། རིའམ། ནགས་ཚལ་ལམ། འབྲོག་དགོན་པའི་གནས་གང་ཡང་རུང་བ་དག་ཏུ་ཡོངས་སུ་སྤེལ་ཞིང་
D555.089.0086a04.01གནས་པར་གྱུར་པ་ན། ཡུལ་དེའི་རྒྱལ་པོས་མདོ་སྡེ་འདི་སེམས་རྩེ་གཅིག་ཏུ་མཉན་ནས་ཡོངས་སུ་བཟུང་སྟེ་བསྔགས་པ་བརྗོད་ནས་མཆོད་པར་བགྱིད་པ་དང་། མདོ་སྡེ་འདི་འཛིན་པའི་འཁོར་བཞི་པོ་དག་ལ་ཡོ་བྱད་སྦྱར་ཏེ་མཆོད་པ་བགྱིས་ནས་ཤིན་ཏུ་དང་བའི་སེམས་ཀྱིས་ཡོངས་སུ་
D555.089.0086a05.01བསྲུངས་ཏེ་གནོད་ཅིང་མི་བདེ་བ་དག་ཡོངས་སུ་སྤོང་བར་བགྱིད་ན། རྒྱུ་དང་རྐྱེན་དེས་བདག་ཅག་རྒྱལ་པོ་དེ་དང་མི་མང་པོ་རྣམས་ཡོངས་སུ་བསྲུངས་ནས་བདེ་བ་ལ་བཀོད་དེ། མྱ་ངན་དང་། སྡུག་བསྔལ་རྣམས་ཐག་རིང་དུ་སྤངས་ནས་ཚེ་འཕེལ་བ་དང་། གཟི་བྱིན་ཕུན་སུམ་ཚོགས་པར་
D555.089.0086a06.01བགྱིད་དོ། །བཅོམ་ལྡན་འདས་ཡུལ་གྱི་རྒྱལ་པོ་དེས་འཁོར་བཞི་པོ་དག་མདོ་སྡེ་འདི་ཡོངས་སུ་འཛིན་པ་མཐོང་ནས་གུས་པས་ཡོངས་སུ་བསྲུངས་ཏེ་ཕ་མ་བཞིན་དུ་ཅི་འཚལ་བ་ཐམས་ཅད་སྦྱར་ཏེ་མཆོད་པར་བགྱིད་ན། བདག་ཅག་རྒྱལ་པོ་ཆེན་པོ་བཞིས་རྟག་པར་ཡོངས་སུ་བསྲུངས་
D555.089.0086a07.01