完整藏文原文 · 德格版页 当前仅加载第 89 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས། །ཁྱེད་ཅག་རྒྱལ་པོ་བཞི་ཡིས་རབ་བསྲུངས་ལ། །རབ་དགའ་ནུར་བ་མེད་པའི་སེམས་སྐྱེད་ཅིག །མདོ་སྡེའི་རིན་ཆེན་གྱ་ནོམ་ཟབ་མོ་འདི། །སེམས་ཅན་ཐམས་ཅད་བདེ་བ་སྦྱིན་པར་བྱེད། །སེམས་ཅན་དེ་དག་བདེ་བར་གྱུར་པའི་ཕྱིར། །རྟག་ཏུ་
D555.089.0098a01.01འཛམ་གླིང་རབ་ཏུ་སྤེལ་བར་འགྱུར། །སྟོང་ཆེན་འཇིག་རྟེན་ཁམས་ནི་འདི་དག་ཏུ། །སེམས་ཅན་རྣམ་པ་ཐམས་ཅད་ཇི་སྙེད་པ། །{ཡི་དགས་,ཡི་དྭགས་}དུད་འགྲོ་སེམས་ཅན་དམྱལ་བ་ཡི། །སྡུག་བསྔལ་འགྲོ་བ་དེ་ཀུན་སེལ་བར་བྱེད། །འཛམ་གླིང་འདི་ན་གནས་པའི་རྒྱལ་པོ་དང་། །གཞན་
D555.089.0098a02.01ཡང་སེམས་ཅན་རྣམ་པ་ཐམས་ཅད་ཀུན། །མདོ་སྡེའི་མཐུ་ཡིས་རྟག་ཏུ་རབ་དགའ་ཞིང་། །ནད་མང་སྡུག་བསྔལ་བསལ་བས་ཆོམ་རྐུན་མེད། །ཡུལ་དེར་མདོ་སྡེ་རྒྱ་ཆེར་སྤེལ་བའི་ཕྱིར། །རབ་བདེ་ལོ་ལེགས་མི་མཐུན་གནོད་པ་མེད། །གང་ཞིག་མདོ་སྡེའི་རྒྱལ་པོ་འདི་མཉན་
D555.089.0098a03.01ནས། །ཆོ་རིགས་བཙུན་ཞིང་དོན་ནི་གཉེར་བ་དང་། །ཡུལ་ན་ལོ་ལེགས་རྩོད་པ་མེད་འདོད་ན། །སེམས་ལ་བསམས་བཞིན་ཐམས་ཅད་འགྲུབ་པར་འགྱུར། །ཕ་རོལ་དགྲ་རྣམས་ཕྱིར་ནི་ཟློག་བྱེད་ཅིང་། །རང་གི་ཡུལ་ཁམས་རྟག་ཏུ་བདེ་བར་འགྱུར། །མདོ་སྡེའི་རྒྱལ་པོ་
D555.089.0098a04.01དམ་པ་འདི་ཡི་མཐུས། །སྡུག་བསྔལ་མང་སྤོང་མྱ་ངན་འཇིགས་པ་མེད། །རིན་ཆེན་ཤིང་རྒྱལ་ཁྱིམ་ན་གང་གནས་པ། །བདེ་བའི་ཡོ་བྱད་ཐམས་ཅད་སྐྱེད་པ་ལྟར། །མདོ་སྡེའི་རྒྱལ་པོ་དམ་པའང་དེ་བཞིན་ཏེ། །མི་རྒྱལ་དག་ལ་ཡོན་ཏན་མཆོག་སྦྱིན་བྱེད། །དཔེར་ན་རབ་
D555.089.0098a05.01དང་ཆུ་ནི་གྲང་མོ་ཡིས། །སྐོམ་པའི་གདུང་བ་རྣམས་ནི་སེལ་བ་ལྟར། །མདོ་སྡེའི་རྒྱལ་པོ་དམ་པའང་དེ་བཞིན་ཏེ། །བསོད་ནམས་མོས་པའི་སེམས་ནི་ཡོངས་རྫོགས་བྱེད། །མི་ཞིག་གྱ་ནོམ་རིན་ཆེན་གཟེབ་བདོག་ན། ལོངས་སྤྱོད་སེམས་ལ་བསམས་བཞིན་འབྱོར་པ་ལྟར། །
D555.089.0098a06.01མདོ་སྡེའི་རྒྱལ་པོ་དམ་པའང་དེ་བཞིན་ཏེ། །བསོད་ནམས་བསམས་བཞིན་འགྲུབ་པས་རྒུད་པ་མེད། །ལྷ་ཡི་བདག་པོ་ཁྱེད་དང་ལྷ་ཚོགས་ཀྱིས། །མདོ་སྡེའི་རྒྱལ་པོ་འདི་ལ་མཆོད་པ་གྱིས། །གལ་ཏེ་བསྟན་བཞིན་མདོ་སྡེ་འཛིན་བྱེད་ན། །ཤེས་རབ་གཟི་བྱིན་ཐམས་ཅད་ཕུན་ཚོགས་
D555.089.0098a07.01