完整藏文原文 · 德格版页 当前仅加载第 89 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོས་བཀས་བཤད་ནས་ཡང་འཁོར་མང་པོ་རྣམས་ལ་བཀའ་སྩལ་པ། ཁྱེད་ལ་སོགས་པ་ལེགས་པར་ཉོན་ཅིག་དང་། ངས་དེང་ཁྱོད་ལ་སྔོན་ཆོས་ཡང་དག་པར་སྤྱོད་པའི་རྒྱུ་དང་རྐྱེན་བཤད་པར་བྱའོ། །དེ་ནས་དེའི་ཚེ་ཚིགས་སུ་བཅད་དེ་བཀའ་
D555.089.0123a01.01སྩལ་པ། ངས་སྔོན་འཁོར་ལོས་སྒྱུར་རྒྱལ་བྱས་པ་ན། །ས་ཆེན་འདི་དང་རྒྱ་མཚོར་བཅས་པ་བཏང་། །གླིང་བཞི་རིན་ཆེན་གྱིས་ནི་རབ་བཀང་བ། །ཐམས་ཅད་དེ་བཞིན་གཤེགས་པ་རྣམས་ལ་མཆོད། །ངས་སྔོན་བསྐལ་པ་དག་ནི་ཚད་མེད་སྙེད། །རྣམ་དག་ཡང་དག་ཆོས་སྐུ་
D555.089.0123a02.01གཉེར་བའི་ཕྱིར། །ཕངས་པའི་ནོར་དང་རང་གི་ལུས་སྲོག་ཀྱང་། །སེར་སྣ་མེད་པའི་སེམས་ཀྱིས་ཡོངས་སུ་བཏང་། །གཞན་ཡང་འདས་པའི་བསྐལ་པ་བསམ་དཀའ་ན། །ཡང་དག་མཁྱེན་པ་རིན་ཆེན་གཙུག་ཕུད་བྱུང་། །དེ་བཞིན་གཤེགས་དེ་མྱ་ངན་འདས་པའི་འོག །
D555.089.0123a03.01རྒྱལ་པོ་ལེགས་སྐྱེས་ཞེས་བྱ་འཇིག་རྟེན་བྱུང་། །འཁོར་ལོས་སྒྱུར་རྒྱལ་བྱས་ནས་གླིང་བཞི་བཏུལ། །རྒྱ་མཚོའི་མཐར་ཐུག་ཚུན་ཆད་སྐྱབས་སུ་དོང་། །གྲོང་ཁྱེར་མིང་ནི་གྱ་ནོམ་སྒྲ་ཞེས་བྱ། །དེ་ཚེ་འཁོར་ལོས་སྒྱུར་རྒྱལ་དེ་ན་གནས། །རྨི་ལམ་སངས་རྒྱས་བསོད་ནམས་
D555.089.0123a04.01ཡེ་ཤེས་ཐོས། །ཆོས་སྨྲ་རིན་ཆེན་བརྩེགས་པ་ཞེས་བྱ་བ། །ཉི་མའི་དཀྱིལ་འཁོར་ལྟར་མཛེས་སྟན་འདུག་ནས། །གསེར་འོད་དམ་པའི་མདོ་སྡེ་འཆད་པའང་མཐོང་། །དེ་ཚེ་རྒྱལ་དེ་རྨི་ལམ་སད་པ་དང་། །རབ་ཏུ་དགའ་བ་སྐྱེས་ནས་ལུས་ཀུན་ཁྱབ། །ནམ་ལངས་
D555.089.0123a05.01རྒྱལ་པོའི་ཕོ་བྲང་ཕྱིར་བྱུང་ནས། །དགེ་སློང་དགེ་འདུན་རྣམས་ཀྱི་ཐད་དུ་སོང་། །འཕགས་པའི་ཚོགས་ལ་གུས་པས་རབ་མཆོད་ནས། །ཚོགས་ཆེན་མང་པོ་དེ་ལ་འདི་སྐད་དྲིས། །ཆོས་སྨྲ་རིན་ཆེན་བརྩེགས་པ་ཞེས་བགྱི་བ། །ཡོན་ཏན་ཕུན་ཚོགས་སེམས་ཅན་
D555.089.0123a06.01འདུལ་མཆིས་སམ། །དེ་ཚེ་ཆོས་སྨྲ་ཆེན་པོ་རིན་ཆེན་བརྩེགས། །གནས་ཁང་གཅིག་པུར་ཡང་དག་གནས་ནས་ནི། །དྲན་པ་ཉེར་གཞག་མདོ་སྡེ་འདི་བཏོན་པས། །དྲང་འདུག་མི་གཡོ་ལུས་དང་སེམས་ཀྱང་བདེ། །དེ་ཚེ་དགེ་སློང་ཞིག་གིས་རྒྱལ་ཁྲིད་ནས། །རིན་
D555.089.0123a07.01