完整藏文原文 · 德格版页 当前仅加载第 89 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
དང་གུས་པས་བླ་མར་བགྱིས་པས་ཡུལ་གྱི་རྒྱལ་པོ་གཞན་རྣམས་ཀྱིས་ཀྱང་བསྔགས་པ་བརྗོད་པར་འགྱུར་རོ། །འཁོར་མང་པོ་རྣམས་དེ་སྐད་ཅེས་ཐོས་པ་དང་རབ་ཏུ་དགའ་བས་ཡོངས་སུ་འཛིན་པར་གྱུར་ཏོ། །གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས་
D555.089.0085b01.01རྒྱལ་པོ་ཆེན་པོ་བཞིས་ལྷ་དང་མི་རྣམས་ལ་བལྟ་ཞིང་བརྟག་པའི་ལེའུ་སྟེ་བཅུ་གཅིག་པའོ།། །།གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ། བམ་པོ་དྲུག་པ། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་པོ་དག་གིས་གསེར་འོད་དམ་
D555.089.0085b02.01པ་མཆོག་ཏུ་རྣམ་པར་རྒྱལ་བའི་མདོ་སྡེ་ལ་བཀུར་སྟི་དང་། མཆོད་པ་བྱས་པ་དང་། མདོ་སྡེ་འཛིན་པ་དག་ལ་ཡོངས་སུ་སྐྱོབ་པ་དང་། ཡོངས་སུ་སྲུང་བར་བྱེད་པ་གསན་པ་དང་། ལེགས་སོ་ལེགས་སོ། །ཞེས་བསྔགས་པ་བརྗོད་ནས་རྒྱལ་པོ་ཆེན་པོ་བཞི་པོ་ཁྱེད་ཅག་ནི་འདས་
D555.089.0085b03.01པའི་སངས་རྒྱས་འབུམ་ཕྲག་བརྒྱ་སྟོང་ཚད་མེད་པ་སྙེད་ལ་བཀུར་སྟི་དང་། རིམ་གྲོ་དང་། མཆོད་པ་དང་། བླ་མར་བྱས་ནས་བསྔགས་པ་བརྗོད་དེ་དགེ་བའི་རྩ་བ་བསྐྱེད་པ་དང་། ཡང་དག་པའི་ཆོས་མངོན་པར་བསྒྲུབས་ནས་རྟག་པར་ཡང་དག་པའི་ཆོས་བསྟན་ཏེ། འདི་
D555.089.0085b04.01ལྟར་ཆོས་ཀྱིས་འཇིག་རྟེན་འདུལ་བ་ཡིན་པས་ཁྱེད་ཅག་ཡུན་རིང་པོ་ནས་སེམས་ཅན་རྣམས་ལ་རྟག་པར་ཕན་འདོགས་ཤིང་བྱམས་པ་ཆེན་པོའི་སེམས་བསྐྱེད་ནས་བདེ་བ་སྦྱིན་པར་སྨོན་པའི་རྒྱུ་དང་རྐྱེན་དེས་ན་ཁྱེད་ཅག་ད་ལྟར་རྣམ་པར་སྨིན་པ་མཆོག་ལ་ལོངས་སྤྱོད་པ་ཡིན་ནོ། །
D555.089.0085b05.01མིའི་རྒྱལ་པོ་གང་ལ་ལ་ཞིག་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་སྡེ་འདི་ལ་བཀུར་སྟི་བྱས་ནས་མཆོད་པ་བྱེད་པ་ཞིག་ཡོད་ན་ཁྱེད་ཀྱིས་ནན་ཏན་བསྐྱེད་དེ་ཡོངས་སུ་བསྲུངས་ནས་བདེ་བ་འཐོབ་པར་བྱའོ། །ཁྱེད་ཅག་རྒྱལ་པོ་ཆེན་པོ་བཞི་དང་། འཁོར་གཞན་
D555.089.0085b06.01རྣམས་དང་། གནོད་སྦྱིན་བརྒྱ་སྟོང་ཚད་མེད་གྲངས་མེད་པ་སྙེད་ཀྱིས་མདོ་སྡེ་འདི་ཡོངས་སུ་སྲུང་བར་བྱེད་ན་དེས་འདས་པ་དང་། མ་འོངས་པ་དང་། ད་ལྟར་བཞུགས་པའི་སངས་རྒྱས་རྣམས་ཀྱི་ཡང་དག་པའི་ཆོས་ཡོངས་སུ་བསྲུང་བར་འགྱུར་བས་ཁྱེད་ཅག་རྒྱལ་པོ་ཆེན་པོ་བཞི་
D555.089.0085b07.01