完整藏文原文 · 德格版页 当前仅加载第 89 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བར་འགྱུར་བ་མངོན་པར་སྤྲུལ་པར་གྱུར་ན་སེམས་ཅན་གང་དག་གླེན་ཞིང་གཏི་མུག་ཅན་དུ་གྱུར་པ། དཔྱོད་པར་མི་ནུས་པ། སྒྱུ་མའི་རྩ་བ་མི་ཤེས་པ་དག་གིས་མཐོང་ཞིང་ཐོས་པར་གྱུར་ན། འདི་སྙམ་དུ་བདག་གིས་མཐོང་ཞིང་ཐོས་པའི་གླང་པོ་ཆེ་དང་རྟ་ལ་
D555.089.0081a01.01སོགས་པའི་ཚོགས་གང་ཡིན་པ་དེ་དག་ནི་ཡང་དག་པར་ཡོད་པ་ཡིན་གྱི། གཞན་ནི་{བརྫུན་,རྫུན་}པ་ཡིན་ནོ་སྙམ་དུ་སེམས་པས་ཕྱིས་ལེགས་པར་སོ་སོར་རྟོག་ཅིང་སེམས་པ་ཡང་མེད་དོ། །གང་བློ་དང་ལྡན་པ་དག་ནི་དེ་ལྟ་མ་ཡིན་ཏེ། སྒྱུ་མའི་རྩ་བ་རབ་ཏུ་ཤེས་པས་གལ་ཏེ་མཐོང་
D555.089.0081a02.01ངམ་ཐོས་པར་གྱུར་ན་ཡང་འདི་སྙམ་དུ་བདག་གིས་ཇི་ལྟར་མཐོང་བའི་གླང་པོ་ཆེ་དང་། རྟ་ལ་སོགས་པའི་ཚོགས་གང་ཡིན་པ་དེ་དག་ནི་ཡོད་པ་མ་ཡིན་གྱི་སྒྱུ་མའི་དངོས་པོ་མིག་སླུ་བར་བྱེད་པ་ཙམ་ཞིག་ཡོད་པར་ཟད་དེ། མི་བདེན་པས་གླང་པོ་ཆེ་ལ་སོགས་པ་དང་བང་མཛོད་
D555.089.0081a03.01རྣམས་ཡོད་དོ་སྙམ་དུ་མི་སེམས་པས་མིང་ཙམ་ཞིག་ཡོད་པར་ཟད་ཀྱི་ཡང་དག་པར་ནི་ཅི་ཡང་མེད་དོ་སྙམ་དུ་སེམས་པས་བདག་ཉིད་ཀྱིས་ཇི་ལྟར་མཐོང་ཞིང་ཐོས་པ་དེ་དག་ལ་ཡང་ཡང་དག་པ་ཉིད་དུ་འཛིན་པར་ཡང་མི་བྱེད་ལ། ཕྱིས་དཔྱོད་ཅིང་སེམས་པའི་ཚེ་ཡང་ཡང་དག་
D555.089.0081a04.01པ་མ་ཡིན་པར་རབ་ཏུ་ཤེས་པར་འགྱུར་རོ། །དེ་བཞིན་དུ་བློ་དང་ལྡན་པ་དག་གིས་ཀྱང་ཆོས་ཐམས་ཅད་ལ་ཡང་དག་པའི་ངོ་བོ་ཉིད་མེད་པར་རྟོགས་པས་ཀུན་རྫོབ་ཀྱི་རྗེས་སུ་ཇི་ལྟར་མཐོང་བ་དང་། ཇི་ལྟར་ཐོས་པ་བཞིན་དུ་དངོས་པོ་སྟོན་ཅིང་རྗོད་པར་བྱེད་ཀྱི་བདེན་པའི་ཚུལ་
D555.089.0081a05.01ཡིད་ལ་བྱེད་པའི་ཚེ་ནི་དེ་ལྟ་མ་ཡིན་ཏེ། བཏགས་པ་ཙམ་དུ་ཡང་དག་པའི་དོན་རབ་ཏུ་སྟོན་པར་བྱེད་པའི་ཕྱིར་རོ། །ཚངས་པའི་རྒྱལ་པོ་བྱིས་པ་སོ་སོའི་སྐྱེ་བོ་འཇིག་རྟེན་ལས་འདས་པའི་འཕགས་པའི་ཤེས་རབ་ཀྱི་མིག་མ་ཐོབ་པ་དག་ནི་ཆོས་ཐམས་ཅད་ཀྱི་དེ་བཞིན་ཉིད་
D555.089.0081a06.01བརྗོད་དུ་མེད་པ་མི་ཤེས་པའི་ཕྱིར་བྱིས་པ་སོ་སོའི་སྐྱེ་བོ་དག་འདུ་བྱེད་དང་འདུ་བྱེད་མ་ཡིན་པའི་ཆོས་མཐོང་ངམ་ཐོས་པར་གྱུར་ན་འདི་ལྟར་ཡང་དག་པར་ཡོད་པ་ཡིན་ནོ་སྙམ་དུ་བསམས་ནས་མངོན་པར་ཞེན་པ་བསྐྱེད་ནས་དོན་དམ་པར་ཆོས་རྣམས་ཀྱི་དེ་བཞིན་ཉིད་བརྗོད་དུ་མེད་
D555.089.0081a07.01