完整藏文原文 · 德格版页 当前仅加载第 89 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་པའི་དགེ་བའི་རྩ་བའི་སྟོབས་ཀྱིས་བརྙེས་པ་ཡིན་པའི་ཕྱིར་འདི་ལྟ་བུའི་ཆོས་ཀྱི་སྐུ་ངས་དེང་བརྙེས་པ་ཡིན་ཏེ། དེ་ལྟ་བས་ན་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བར་འདོད་པས་ཆོས་ཀྱི་རྣམ་གྲངས་འདི་ལས་ཚིག་
D555.089.0055a01.01གཅིག་གམ། ཚིགས་སུ་བཅད་པ་གཅིག་ཙམ་གཞན་དག་ལ་སྟོན་པར་བྱེད་པའི་དགེ་བའི་རྩ་བ་གང་ཡིན་པ་དེ་ཡང་ཚད་མེད་པར་གྱུར་པ་ཡིན་ན། དེ་བཞིན་གཤེགས་པ་རྣམས་ལ་ཆོས་ཀྱི་འཁོར་ལོ་ཆེན་པོ་ཡོངས་སུ་བསྐོར་བར་བསྐུལ་ཞིང་འཇིག་རྟེན་ན་ཡུན་རིང་དུ་བཞུགས་
D555.089.0055a02.01ནས་ཡོངས་སུ་མྱ་ངན་ལས་མི་འདའ་བར་གསོལ་བ་འདེབས་པ་ལྟ་སྨོས་ཀྱང་ཅི་དགོས། དེ་ནས་བཅོམ་ལྡན་འདས་ལ་བརྒྱ་བྱིན་ལྷའི་དབང་པོས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་བླ་ན་མེད་པ་ཡང་དག་
D555.089.0055a03.01པར་རྫོགས་པའི་བྱང་ཆུབ་ཡོངས་སུ་གཉེར་ཞིང་ཐེག་པ་གསུམ་གྱི་ལམ་བསྒོམ་པར་འཚལ་བས་དགེ་བའི་རྩ་བ་ཅི་མཆིས་པ་ཇི་ལྟར་ཐམས་ཅད་མཁྱེན་པའི་ཡེ་ཤེས་སུ་ཡོངས་སུ་བསྔོ་བར་བགྱི་བ་ལགས། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་བཀའ་སྩལ་པ།
D555.089.0055a04.01རིགས་ཀྱི་བུ་སེམས་ཅན་གང་དག་བྱང་ཆུབ་ཡོངས་སུ་གཉེར་ཞིང་ཐེག་པ་གསུམ་གྱི་ལམ་བསྒོམ་པས་དགེ་བའི་རྩ་བ་ཅི་ཡོད་པ་ཡོངས་སུ་བསྔོ་བར་འདོད་པ་དེས་ཉིན་མཚན་དུས་དྲུག་ཏུ་གུས་པས་སེམས་རྩེ་གཅིག་ཏུ་འདི་སྐད་ཅེས། བདག་གིས་ཐོག་མ་མེད་པའི་འཁོར་བ་ནས་
D555.089.0055a05.01དཀོན་མཆོག་གསུམ་པོ་དག་གི་ཐད་དུ་རྣལ་འབྱོར་བསྒོམས་པས་ཡོངས་སུ་རྫོགས་པར་གྱུར་པ་ལས་བྱུང་བའི་དགེ་བའི་རྩ་བ་ཅི་ཡོད་པ་དང་། ཐ་ན་དུད་འགྲོའི་སྐྱེ་གནས་ཀྱི་སྲོག་ཆགས་དག་ལ་ཟན་ཆངས་གཅིག་ཙམ་བྱིན་པ་དང་། དགེ་བའི་ཚིག་གང་གིས་རྩོད་པ་དག་གི་བསྡུམས་
D555.089.0055a06.01བྱས་པ་དང་། དཀོན་མཆོག་གསུམ་ལ་སྐྱབས་སུ་སོང་ནས་བསླབ་པའི་གནས་རྣམས་ཡང་དག་པར་བླངས་པ་དང་། འགྱོད་ཚངས་བྱས་པ་དང་། བསྐུལ་ཞིང་གསོལ་བ་བཏབ་པ་དང་རྗེས་སུ་ཡི་རང་བའི་དགེ་བའི་རྩ་བ་ཇི་སྙེད་པ་དེ་དག་དེང་བདག་གིས་ཐམས་ཅད་གཅིག་ཏུ་
D555.089.0055a07.01