完整藏文原文 · 德格版页 当前仅加载第 89 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་གསུང་ཡང་རུང་སྟེ། རྟག་པར་སེམས་ཅན་གྱི་དོན་དུ་འགྱུར་བར་མཛད་པས་དོན་མ་མཆིས་པར་མི་གསུང་བ། ཤཱཀྱའི་རིགས་ཀྱི་ནང་ནས་སེང་གེ་ཆེན་པོར་གྱུར་པས་རབ་ཏུ་བརྟན་ཞིང་དཔའ་བ། རྣམ་པར་ཐར་པ་བརྒྱད་ཕུན་སུམ་ཚོགས་པར་གྱུར་
D555.089.0148b01.01པ་ལ་ཕྱག་འཚལ་ལོ། །དེང་བདག་གི་ཉམས་ཀྱིས་ཇི་ཙམ་ལྕོགས་པའི་རྗེས་སུ་དེ་བཞིན་ཤེགས་པའི་ཡོན་ཏན་གྱི་ཕྱོགས་ལས་ཅུང་ཟད་ཙམ་ཞིག་བསྔགས་པ་བརྗོད་པ་ནི་འདི་ལྟ་སྟེ། དཔེར་ན་སྦྲང་བུས་རྒྱ་མཚོ་ཆེན་པོའི་ཆབ་འཚལ་བ་དང་འདྲ་ཡང་བསོད་ནམས་དེའི་
D555.089.0148b02.01དབང་གིས་སེམས་ཅན་ཐམས་ཅད་འཁོར་བ་གཏན་དུ་སྤངས་ནས་བླ་ན་མ་མཆིས་པའི་ལམ་མངོན་པར་གྲུབ་པར་སྨོན་ཏོ། །དེ་ནས་བཅོམ་ལྡན་འདས་ཀྱིས་ལྷ་མོ་སྤོབས་པ་ཆེན་མོ་ལ་བཀའ་སྩལ་པ། ཁྱོད་ཀྱིས་ཡུན་རིང་པོ་ནས་བསྒོམས་པས་སྤོབས་པ་ཆེན་པོ་དང་ལྡན་
D555.089.0148b03.01པར་གྱུར་ནས། དེང་ངའི་ཡོན་ཏན་རྒྱ་ཆེར་བསྔགས་པ་བརྗོད་པ་ལེགས་སོ་ལེགས་སོ། །འདིའི་དབང་གིས་ཁྱོད་མྱུར་དུ་བླ་ན་མེད་པའི་ཆོས་ཀྱི་སྒོ་མོ་མངོན་པར་རྟོགས་ནས་མཚན་དང་དཔེ་བྱད་བཟང་པོ་ཕུན་སུམ་ཚོགས་པར་གྱུར་ཏེ། ཐམས་ཅད་ལ་རྒྱ་ཆེར་
D555.089.0148b04.01ཕན་འདོགས་པར་འགྱུར་རོ། །གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས་ལྷ་མོ་སྤོབས་པ་ཆེན་མོས་བསྔགས་པ་བརྗོད་པའི་ལེའུ་སྟེ་སུམ་ཅུ་པའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཚད་མེད་པ་
D555.089.0148b05.01སྙེད་རྣམས་དང་། ལྷ་དང་། མི་རྣམས་དང་། འཁོར་མང་པོ་ཐམས་ཅད་ལ་བཀའ་སྩལ་པ། ཁྱེད་ཀྱིས་འདི་ལྟར་རིག་པར་བྱ་སྟེ། ངས་བསྐལ་པ་ཆེན་པོ་ཚད་མེད་གྲངས་མེད་པ་ནས་ནན་ཏན་བརྩོན་འགྲུས་ཀྱིས་དཀའ་བ་སྤྱད་དེ་ཐོབ་པའི་ཆོས་ཤིན་
D555.089.0148b06.01ཏུ་ཟབ་པ་བྱང་ཆུབ་ཀྱི་རྒྱུ་ཡང་དག་པ་གང་ཡིན་པ་དེ་ནི་ཁྱེད་ལ་ཡང་དག་པར་བསྟན་ཟིན་ན། ཁྱེད་ཅག་ལས་སུ་ཞིག་རབ་ཏུ་བརྟུལ་བའི་སེམས་བསྐྱེད་ནས་ང་ཡོངས་སུ་མྱ་ངན་ལས་འདས་པའི་འོག་ཏུ་ཆོས་ཀྱི་རྣམ་གྲངས་འདི་གུས་པས་ཡོངས་སུ་བསྲུངས་ནས་
D555.089.0148b07.01