完整藏文原文 · 德格版页 当前仅加载第 89 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་འཁོར་མང་པོའི་ནང་དུ་སའི་ལྷ་མོ་བརྟན་མ་ལ་བཀའ་སྩལ་པ། ཁྱོད་ལེགས་པར་ཉོན་ཅིག །སྔོན་འདས་པའི་དུས་ཀྱི་ཚེ་རྒྱལ་པོ་སྟོབས་ཀྱི་གཙོ་བོའི་ཏོག་ཅེས་བྱ་བ་བྱུང་ངོ་། །རྒྱལ་པོ་དེའི་བུ་མཛེས་པའི་ཏོག་ཅེས་བྱ་བ་ཞིག་ཡོད་དེ། སྤྱི་བོ་ནས་དབང་
D555.089.0119b01.01བསྐུར་ནས་རིང་པོ་མ་ལོན་པར་དེ་ནས་རྒྱལ་པོ་ཡབ་ཀྱིས་མཛེས་པའི་ཏོག་ལ་འདི་སྐད་ཅེས་སྨྲས་སོ། །རྒྱལ་པོའི་ཆོས་ལུགས་ཡང་དག་པའི་བསྟན་བཅོས་ལྷའི་བདག་པོའི་མན་ངག་ཅེས་བྱ་བ་ཡོད་དེ། ང་སྔོན་སྤྱི་བོ་ནས་དབང་བསྐུར་ནས་ཡུལ་གྱི་བདག་པོ་བྱས་པའི་ཚེ་ངའི་ཡབ་
D555.089.0119b02.01ཤེས་པའི་སྟོབས་ཀྱི་གཙོ་བོའི་ཏོག་ཅེས་བྱ་བས་ང་ལ་རྒྱལ་པོའི་ཆོས་ལུགས་ཡང་དག་པའི་བསྟན་བཅོས་འདི་བསྟན་པས། ངས་བསྟན་བཅོས་འདི་ལ་བརྟེན་ནས་ལོ་ཉི་ཁྲིའི་བར་དུ་ཡུལ་ལེགས་པར་བསྐྱངས་ཏེ། ངས་སྐད་ཅིག་གཅིག་ཙམ་གྱི་བར་དུ་ཡང་ཆོས་མ་ཡིན་
D555.089.0119b03.01པ་སྤྱད་པར་བྱའོ་སྙམ་པའི་བསམ་པ་བྱུང་མ་མྱོང་ངོ་། །དེང་ཁྱོད་ཀྱང་དེ་བཞིན་དུ་ཆོས་མ་ཡིན་པས་ཡུལ་སྐྱོང་བར་མ་བྱེད་ཅིག །ཅིའི་ཕྱིར་རྒྱལ་པོའི་ཆོས་ལུགས་ཡང་དག་པའི་བསྟན་བཅོས་ཞེས་བྱ་ཞེ་ན། ཁྱོད་དེང་ལེགས་པར་ཉོན་ཅིག་དང་ཁྱོད་ལ་བསྟན་པར་བྱའོ། །
D555.089.0119b04.01དེ་ནས་དེའི་ཚེ་རྒྱལ་པོ་སྟོབས་ཀྱི་གཙོ་བོའི་ཏོག་གིས་རྒྱལ་བུ་དེ་ལ་ཚིགས་སུ་བཅད་པ་གྱ་ནོམ་པ་དག་གིས་ཡང་དག་པར་བསྟན་བཅོས་མངོན་པར་བསྟན་པ། ངས་ནི་སེམས་ཅན་བདེ་བྱ་དང་། །འཇིག་རྟེན་ཐེ་ཙོམ་བཅད་པ་དང་། །ཉེས་དམིགས་མང་པོ་བསལ་བའི་ཕྱིར། །
D555.089.0119b05.01རྒྱལ་ཁྲིམས་བསྟན་བཅོས་བཤད་པར་བྱ། །ལྷ་ཡི་བདག་པོ་ཐམས་ཅད་དང་། །མི་ཡི་རྒྱལ་པོ་གང་ཡིན་པ། །དགའ་བའི་སེམས་ནི་རབ་སྐྱེད་ལ། །ཐལ་མོ་སྦྱར་ནས་ངས་བཤད་ཉོན། །སྔོན་བྱུང་ལྷ་འཁོར་མང་པོ་རྣམས། །རྡོ་རྗེའི་རི་ལ་འདུས་པ་ན། །རྒྱལ་
D555.089.0119b06.01བཞི་སྟན་ལས་ལངས་ནས་ནི། །ཚངས་ཆེན་ལ་ནི་འདི་སྐད་ཞུས། །ཚངས་བདག་མཆོག་ཏུ་གཙོར་གྱུར་ཅིང་། །ལྷ་ཡི་ནང་ན་དབང་ཕྱུག་ཆེ། །བདག་ཅག་ལ་ནི་བརྩེར་དགོངས་ནས། །ཐེ་ཙོམ་རྣམས་ནི་གཅད་དུ་གསོལ། །ཇི་ལྟར་མི་ཡི་འཇིག་རྟེན་སྐྱེས། །རྒྱལ་
D555.089.0119b07.01