完整藏文原文 · 德格版页 当前仅加载第 89 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
གྱ་ནོམ་པ་ཚད་མེད་པ་དཔག་ཏུ་མེད་པ་རྣམ་པ་སྣ་ཚོགས་དང་ལྡན་པ་དང་། ཡོངས་སུ་དག་པའི་རིན་པོ་ཆེའི་རྒྱན་གྱི་རྣམ་པ་དག་བྱང་ཆུབ་སེམས་དཔའ་ཐམས་ཅད་རབ་ཏུ་མཐོང་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའི་ས་གསུམ་པ་ལ་སྔ་རྟགས་ཀྱི་མཚན་མ་སྣང་
D555.089.0065b01.01བ་འདི་ལྟ་སྟེ། བདག་ཉིད་ཀྱི་ལུས་ཤིན་ཏུ་དཔའ་ལ་གོ་ཆས་རབ་ཏུ་བརྒྱན་པས་ཕྱིར་རྒོལ་བ་ཐམས་ཅད་ཕམ་པར་བྱེད་པ་དག་བྱང་ཆུབ་སེམས་དཔའ་ཐམས་ཅད་རབ་ཏུ་མཐོང་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའི་ས་བཞི་པ་ལ་སྔ་རྟགས་ཀྱི་མཚན་མ་སྣང་བ་
D555.089.0065b02.01འདི་ལྟ་སྟེ། ཕྱོགས་བཞི་ནས་རླུང་གི་དཀྱིལ་འཁོར་གྱིས་མེ་ཏོག་དམ་པ་རྣམ་པ་སྣ་ཚོགས་མངོན་པར་གཏོར་བས་ས་གཞི་ཀུན་དུ་ཁྱབ་པར་བཀྲམ་པ་དག་བྱང་ཆུབ་སེམས་དཔའ་ཐམས་ཅད་རབ་ཏུ་མཐོང་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའི་ས་ལྔ་པ་ལ་སྔ་
D555.089.0065b03.01རྟགས་ཀྱི་མཚན་མ་སྣང་བ་འདི་ལྟ་སྟེ། རིན་པོ་ཆེའི་ཕྲེང་བ་སྣ་ཚོགས་ཀྱིས་ལུས་ཀུན་ཏུ་ཁྱབ་པར་བརྒྱན་པ་མགོ་མེ་ཏོག་གི་ཅོད་པན་གྱིས་བརྒྱན་པ་དག་བྱང་ཆུབ་སེམས་དཔའ་ཐམས་ཅད་རབ་ཏུ་མཐོང་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའི་ས་དྲུག་པ་ལ་སྔ་
D555.089.0065b04.01རྟགས་ཀྱི་མཚན་མ་སྣང་བ་འདི་ལྟ་སྟེ། རིན་པོ་ཆེ་སྣ་བདུན་གྱི་མེ་ཏོག་གི་རྫིང་བུ་ཐེམ་སྐས་ཀྱི་ལམ་བཞི་དང་ལྡན་པ། གསེར་གྱི་བྱེ་མ་ཀུན་ཏུ་བདལ་བ། ཡོངས་སུ་དང་ཞིང་དྲི་མ་མེད་པ། ཡོན་ཏན་བརྒྱད་དང་ལྡན་པའི་ཆུས་ཀུན་ཏུ་གང་བ། མེ་ཏོག་ཨུཏྤ་ལ་དང་། ཀུ་མུ་
D555.089.0065b05.01ད་དང་། པུཎྜ་རི་ཀས་ཀུན་ཏུ་བཀྲམ་པ། མེ་ཏོག་གི་རྫིང་བུའི་ནང་ན་རྣམ་པར་རྩེན་པ་དག་ཤིན་ཏུ་བདེ་སྐྱིད་པ་དང་། ཡོངས་སུ་དག་ཅིང་དཔེ་ཟླ་མེད་པ་དག་བྱང་ཆུབ་སེམས་དཔའ་ཐམས་ཅད་རབ་ཏུ་མཐོང་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའི་ས་བདུན་པ་ལ་
D555.089.0065b06.01སྔ་རྟགས་ཀྱི་མཚན་མ་སྣང་བ་འདི་ལྟ་སྟེ། བྱང་ཆུབ་སེམས་དཔའི་མདུན་དུ་སེམས་ཅན་རྣམས་སེམས་ཅན་དམྱལ་བར་ལྟུང་བར་འགྱུར་བའི་རིགས་པ་དག་འདི་ལྟར་བྱང་ཆུབ་སེམས་དཔའི་མཐུས་ལྟུང་བར་ཡང་མི་འགྱུར་ལ་སྨས་པ་ཡང་མེད། འཇིགས་ཤིང་སྐྲག་པ་ཡང་མེད་པར་
D555.089.0065b07.01