完整藏文原文 · 德格版页 当前仅加载第 89 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་ཆེར་ཡང་དག་པར་སྤེལ་ཏེ། ཡང་དག་པའི་ཆོས་འཇིག་རྟེན་ན་ཡུན་རིང་དུ་གནས་པར་བྱེད། དེ་ནས་འཁོར་མང་པོའི་ནང་ནས་བྱང་ཆུབ་སེམས་དཔའ་ཆེན་པོ་བྱེ་བ་ཕྲག་དྲུག་ཅུ་དང་། ལྷའི་འཁོར་ཕལ་མང་པོ་བྱེ་བ་ཕྲག་དྲུག་ཅུས་མགྲིན་
D555.089.0149a01.01གཅིག་ཏུ་འདི་སྐད་ཅེས། བཅོམ་ལྡན་འདས་བདག་ཅག་ཐམས་ཅད་ལ་ཡང་མོས་པའི་སེམས་མཆིས་པས་བཅོམ་ལྡན་འདས་ཀྱིས་བསྐལ་པ་ཆེན་པོ་ཚད་མ་མཆིས་པ་ནས་ནན་ཏན་བརྩོན་འགྲུས་ཀྱིས་དཀའ་བ་མཛད་དེ། བརྙེས་པའི་ཆོས་ཤིན་ཏུ་ཟབ་པ་བྱང་ཆུབ་ཀྱི་
D555.089.0149a02.01རྒྱུ་ཡང་དག་པ་གང་ལགས་པ་དེ་ལ་གུས་པས་ཡོངས་སུ་བསྲུངས་ནས། བཅོམ་ལྡན་འདས་ཡོངས་སུ་མྱ་ངན་ལས་འདས་པའི་སླད་ན་ཡང་ལུས་དང་སྲོག་ལ་ཕངས་པ་མ་མཆིས་པར་ཆོས་ཀྱི་རྣམ་གྲངས་འདི་རྒྱ་ཆེར་སྤེལ་ཏེ། ཡང་དག་པའི་ཆོས་འཇིག་རྟེན་
D555.089.0149a03.01ན་ཡུན་རིང་དུ་གནས་པར་བགྱིད་དོ་ཞེས་གསོལ་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་གསོལ་པ། བཅོམ་ལྡན་ཡང་དག་བདེན་ཚིག་གསུང་། །ཡང་དག་ཆོས་ལ་
D555.089.0149a04.01རབ་ཏུ་བཞུགས། །ཡང་དག་བདེན་པ་དེ་དབང་གིས། །མདོ་སྡེ་འདི་ནི་སྲུང་འཛིན་བགྱིད། །ཐུགས་རྗེ་ཆེན་པོའི་གོ་མནབས་ནས། །ཐུགས་རྗེ་ཆེ་ལ་རབ་ཏུ་བཞུགས། །བྱམས་དང་ཐུགས་རྗེ་དེ་སྟོབས་ཀྱིས། །མདོ་སྡེ་འདི་ནི་སྲུང་འཛིན་བགྱིད། །
D555.089.0149a05.01བསོད་ནམས་ཚོགས་ནི་ཡོངས་རྫོགས་ནས། །ཡེ་ཤེས་ཚོགས་ནི་རབ་ཏུ་བསྐྱེད། །ཚོགས་རྣམས་ཡོངས་སུ་རྫོགས་པའི་སླད། །མདོ་སྡེ་འདི་ནི་སྲུང་འཛིན་བགྱིད། །བདུད་རྣམས་ཐམས་ཅད་རབ་བརྟུལ་ཏེ། །ལོག་སྨྲ་ཐམས་ཅད་རྣམ་པར་བཤིག །
D555.089.0149a06.01ངན་ལྟ་ཐམས་ཅད་བསལ་བའི་སླད། །མདོ་སྡེ་འདི་ནི་སྲུང་འཛིན་བགྱིད། །འཇིག་རྟེན་སྐྱོང་དང་བརྒྱ་བྱིན་དང་། །ཚངས་པ་དང་ནི་ལྷ་མ་ཡིན། །ཀླུ་དང་གནོད་སྦྱིན་ལ་སོགས་པས། །མདོ་སྡེ་འདི་ནི་སྲུང་འཛིན་བགྱིད། །ས་ཡི་སྟེང་
D555.089.0149a07.01