完整藏文原文 · 德格版页 当前仅加载第 89 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་སྣང་མཛད་དང་། །རྐང་གཉིས་གཙོ་བོ་མཆོག་ལ་ནི། །བྱང་ཆུབ་སེམས་དཔའ་ཡང་དག་སྤྱོད། །ཞུ་ན་ཐུགས་རྗེས་གནང་བར་སྨོན། །བཅོམ་ལྡན་རིགས་ཀྱི་ལྷ་མོ་ལ། །གལ་ཏེ་ཐེ་ཙོམ་ཡོད་གྱུར་ན། །ཁྱོད་ཀྱིས་ཡིད་བཞིན་ཞུས་ཤིག་དང་། །རྣམ་ཕྱེ་བསྟན་པ་
D555.089.0078b01.01བྱ་ཞེས་གསུངས། །དེ་ནས་ལྷ་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་ཇི་ལྟ་བུར། །བྱང་ཆུབ་ཡང་དག་སྤྱད་སྤྱོད་ན། །བདག་དང་གཞན་ལ་སྨན་སླད་དུ། །འཁོར་བ་མྱ་ངན་འདས་སྤངས་འགྱུར། །བཅོམ་ལྡན་འདས་ཀྱིས་རིགས་
D555.089.0078b02.01ཀྱི་ལྷ་མོ་ལ་བཀའ་སྩལ་པ། ཆོས་ཀྱི་དབྱིངས་ལ་བརྟེན་ཏེ་བྱང་ཆུབ་ཀྱི་ཆོས་སྤྱད་ནས་མཉམ་པ་ཉིད་ཀྱི་ཆོས་སྤྱོད་པ་བསྒོམ་པར་བྱའོ། །ཇི་ལྟར་ཆོས་ཀྱི་དབྱིངས་ལ་བརྟེན་ཏེ་བྱང་ཆུབ་ཀྱི་ཆོས་ལ་སྤྱད་ནས་མཉམ་པ་ཉིད་ཀྱི་སྤྱོད་པ་བསྒོམ་པར་བྱ་ཞེ་ན། འདི་ལྟར་ཕུང་པོ་ལྔ་པོ་དག་གིས་
D555.089.0078b03.01ཆོས་ཀྱི་དབྱིངས་སྟོན་པར་བྱས་པས་ཆོས་ཀྱི་དབྱིངས་གང་ཡིན་པ་དེ་ཉིད་ཕུང་པོ་ལྔ་ཡིན་ཡང་ཕུང་པོ་ལྔ་ཡང་བརྗོད་དུ་མེད་ལ་ཕུང་པོ་ལྔ་མ་ཡིན་པ་ཡང་བརྗོད་དུ་མེད་དོ། །དེ་ཅིའི་ཕྱིར་ཞེ་ན། གལ་ཏེ་ཆོས་ཀྱི་དབྱིངས་ཕུང་པོ་ལྔ་ཡིན་པར་གྱུར་ན་ནི་ཆད་པའི་ལྟ་བར་འགྱུར་ལ། གལ་ཏེ་
D555.089.0078b04.01ཕུང་པོ་ལྔ་དང་ཐ་དད་པར་གྱུར་ན་ནི་རྟག་པའི་ལྟ་བར་འགྱུར་བས་མཚན་ཉིད་གཉིས་དང་བྲལ་བ། མཐའ་གཉིས་ལ་མངོན་པར་མ་ཆགས་པ། བལྟར་མེད་པ། བལྟ་བར་བྱ་བ་ལས་ཡང་དག་པར་འདས་པ། མིང་མེད་པ། མཚན་མ་མེད་པ་གང་ཡིན་པ་དེ་ནི་ཆོས་ཀྱི་དབྱིངས་བསྟན་
D555.089.0078b05.01པ་ཞེས་བྱའོ། །རིགས་ཀྱི་ལྷ་མོ་ཇི་ལྟར་ཕུང་པོ་ལྔ་པོ་དག་གིས་ཆོས་ཀྱི་དབྱིངས་སྟོན་པར་བྱེད་ཅེ་ན། འདི་ལྟར་ཕུང་པོ་ལྔ་དག་ནི་རྒྱུ་དང་རྐྱེན་ལས་སྐྱེ་བ་མ་ཡིན་ནོ། །དེ་ཅིའི་ཕྱིར་ཞེ་ན། གལ་ཏེ་རྒྱུ་དང་རྐྱེན་ལས་སྐྱེས་པ་ཞིག་ཡིན་པར་གྱུར་ན་སྐྱེས་ཟིན་པའི་ཕྱིར་སྐྱེ་འམ། མ་སྐྱེས་
D555.089.0078b06.01པའི་ཕྱིར་སྐྱེ། གལ་ཏེ་སྐྱེས་ཟིན་པ་ཞིག་ཡིན་ན་ནི་རྒྱུ་དང་རྐྱེན་དགོས་པ་ཅི་ཞིག་ཡོད། གལ་ཏེ་མ་སྐྱེས་པ་ཞིག་སྐྱེ་ན་ནི་ནམས་ཀྱང་སྐྱེ་བ་དམིགས་པར་མི་འགྱུར་རོ། །དེ་ཅིའི་ཕྱིར་ཞེ་ན། མ་སྐྱེས་པའི་ཆོས་གང་ཡིན་པ་དེ་ནི་ཡོད་པ་མ་ཡིན་པ་མིང་མེད་པ་མཚན་མ་མེད་པ་
D555.089.0078b07.01