完整藏文原文 · 德格版页 当前仅加载第 89 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་རྗེས་སུ་དྲན་ཞིང་ལེགས་པར་ཁོང་དུ་ཆུད་པར་བགྱིས་ནས་གཟུངས་ཀྱི་ཀུན་འཛིན་ཐོགས་པ་མ་མཆིས་པ་སྩལ་བར་བགྱིའོ། །གཞན་ཡང་གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་འདི་སེམས་ཅན་གང་དག་སངས་རྒྱས་བརྒྱ་སྟོང་དུ་མ་ལས་དགེ་བའི་རྩ་
D555.089.0103b01.01བ་བསྐྱེད་ནས་ཡོངས་སུ་འཛིན་པར་བགྱིད་པ་དེ་དག་གིས་འཛམ་བུའི་གླིང་འདིར་རྒྱ་ཆེར་སྤེལ་ནས་མྱུར་དུ་ནུབ་པར་མི་འགྱུར་ཞིང་སེམས་ཅན་ཚད་མ་མཆིས་པ་སྙེད་མདོ་སྡེ་འདི་ཐོས་པའི་དབང་གིས་ཐམས་ཅད་ཤིན་ཏུ་མྱུར་བའི་སྤོབས་པ་དང་། བསམ་པ་མ་མཆིས་པའི་ཤེས་
D555.089.0103b02.01རབ་ཆེན་པོ་བསམ་གྱིས་མི་ཁྱབ་པ་ཐོས་ནས་བསྟན་བཅོས་སྣ་ཚོགས་དང་། སྒྱུ་རྩལ་རྣམས་ལ་རབ་ཏུ་མཁས་པ་དང་། འཁོར་བ་ལས་མྱུར་དུ་ངེས་པར་བྱུང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བགྱིད་དོ། །ཚེ་འདི་ཉིད་ལ་ཡང་
D555.089.0103b03.01ཚེ་འཕེལ་ཞིང་འཚོ་བའི་ཡོ་བྱད་རྣམས་ཕུན་སུམ་ཚོགས་པར་བགྱིད་དོ། །བཅོམ་ལྡན་འདས་བདག་གིས་མདོ་སྡེ་འཛིན་པའི་ཆོས་ཀྱི་མཁན་པོ་དེ་དག་དང་སེམས་ཅན་གཞན་གང་མདོ་སྡེ་འདི་མཉན་པར་མོས་པ་དེ་དག་གི་ཆེད་དུ་སྨན་ལ་སྔགས་ཀྱིས་བཏབ་ནས་ཁྲུས་བགྱི་བའི་ཆོ་ག་བཤད་
D555.089.0103b04.01པར་འཚལ་ཏེ། དེས་དེ་དག་ལ་གཟའ་མ་རུངས་པ་ལྟས་ངན་སྟོན་པ་ཅི་མཆིས་པ་དང་། དང་པོ་བཙས་པའི་གཟའ་སྐར་དང་། ཕན་ཚུན་མི་མཐུན་པར་གྱུར་པ་དང་། ནད་ཀྱི་སྡུག་བསྔལ་དང་། འཐབ་པ་དང་། རྩོད་པ་དང་། གཡུལ་འགྱེད་པ་དང་། རྨི་ལམ་ངན་པ་
D555.089.0103b05.01དང་། གདོན་བགེགས་དང་། བྱད་སྟེམས་དང་། དུག་དང་། ངན་དུ་བགྱིས་པ་དང་། སྔགས་དང་། རོ་ལངས་དང་། འདི་ལྟ་བུ་ལ་སོགས་པའི་སྡིག་པ་རྣམས་ཀྱི་སྒྲིབ་པ་དང་བགེགས་བགྱིད་པ་ཐམས་ཅད་ཡོངས་སུ་བསལ་ནས་རབ་ཏུ་ཞི་བར་བགྱིད་པས་བློ་དང་ལྡན་པ་
D555.089.0103b06.01རྣམས་ཀྱིས་ཁྲུས་ཀྱི་ཆོ་ག་འདི་ལྟར་བགྱིས་ཏེ། དེས་སྨན་སྤོས་ཀྱི་རོ་དང་ལྡན་པ་སུམ་ཅུ་རྩ་གཉིས་པོ་འདི་ལྟ་སྟེ། ཤུ་དག་གིའུ་ཝང་དང་ནི་སྤྲི་ཀ་སྤོས། །གླ་རྩི་བ་བླ་དག་དང་ཤི་རི་ཤ། །ཨིན་དྲ་ཧསྟ་ཤ་མ་ཀ་ཤ་མི། །ཐང་ཆུ་དང་ནི་ཤིང་ཚ་གླ་སྒང་དང་། ཨ་ག་རུ་དང་
D555.089.0103b07.01