完整藏文原文 · 德格版页 当前仅加载第 89 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་བདུན་ལས་མངོན་པར་གྲུབ་པ་ཞིག་མཆིས་ཏེ། བཅོམ་ལྡན་འདས་བདག་ནི་རྟག་པར་དེ་ན་གནས་ལགས་པས་གང་ལ་ལ་ཞིག་འབྲུ་རྣམ་པ་ལྔ་གདུགས་གཅིག་བཞིན་དུ་འཕེལ་བ་དང་། བང་མཛོད་རྣམས་རྒྱས་ཤིང་གང་བར་འཚལ་བས་གུས་པས་དང་བའི་སེམས་བསྐྱེད་
D555.089.0112b01.01དེ་ཁང་པ་གཅིག་གཙང་མར་བྱས་ནས་བ་ལང་གི་ལྕི་བས་དོག་ས་ལ་ཞལ་ཞལ་བགྱིས་ཏེ། བདག་གི་གཟུགས་རྒྱན་རྣམ་པ་སྣ་ཚོགས་ཀྱིས་རབ་ཏུ་བརྒྱན་པ་རི་མོར་བྲིས་ནས་ལུས་ལེགས་པར་བཀྲུས་ཏེ། གོས་གཙང་མ་བགོས་ནས་བྱུག་པ་དམ་པས་བྱུགས་ཏེ་ཁང་པ་གཙང་མའི་ནང་དུ་
D555.089.0112b02.01ཞུགས་ཏེ། བདག་གི་ཆེད་དུ་གདུགས་རེ་ཞིང་དུས་གསུམ་དུ་སངས་རྒྱས་དེའི་མཚན་དང་། མདོ་སྡེ་འདིའི་མཚན་ནས་བརྗོད་པར་སེམས་བསྐྱེད་དེ་དེ་བཞིན་གཤེགས་པ་བཻ་ཌཱུརྱ་དང་གསེར་གྱི་རི་བོ་རིན་པོ་ཆེའི་མེ་ཏོག་སྣང་བ་དཔལ་གྱི་ཡོན་ཏན་རྒྱ་མཚོ་ལ་ཕྱག་འཚལ་ལོ། །ཞེས་བརྗོད་
D555.089.0112b03.01ནས་མེ་ཏོག་དང་སྤོས་རྣམས་ཐོགས་ཏེ། ཞལ་ཟས་བདའ་བ་སྣ་ཚོགས་སེམས་རྩེ་གཅིག་ཏུ་དབུལ་བར་བགྱིའོ། །གཞན་ཡང་སྤོས་དང་མེ་ཏོག་དང་བཟའ་བ་དང་བཏུང་བ་རྣམས་ཀྱིས་བདག་གི་གཟུགས་བརྙན་ལ་མཆོད་པར་བགྱིའོ། །གཞན་ཡང་བཟའ་བ་དང་བཏུང་བ་དག་
D555.089.0112b04.01ཐོགས་ཏེ། ཕྱོགས་གཞན་དུ་གཏོར་ནས་འདྲེ་སྲིན་རྣམས་ལ་སྩལ་བར་བགྱིའོ། །ཡང་དག་པའི་བདེན་ཚིག་གིས་དཔལ་གྱི་ལྷ་མོ་ཆེན་མོ་ལ་གསོལ་བ་བཏབ་ནས་ཅི་དང་ཅི་གཉེར་བའི་སྨོན་ལམ་གདབ་པར་བགྱིའོ། །གལ་ཏེ་ཇི་སྐད་སྨྲས་པ་བཞིན་དུ་{བརྫུན་,རྫུན་}པ་མ་ལགས་ན་གསོལ་
D555.089.0112b05.01བ་བཏབ་པ་དོན་དང་ལྡན་པར་མཛད་དུ་གསོལ་ཞེས་བརྗོད་པར་བགྱིའོ། །དེའི་ཚེ་དཔལ་གྱི་ལྷ་མོས་དངོས་པོ་དེ་རིག་ནས་བརྩེ་བའི་སེམས་སྐྱེ་བར་འགྱུར་བས་དེའི་ཁྱིམ་དུ་ནོར་དང་འབྲུ་རྣམས་རབ་ཏུ་འཕེལ་བར་བགྱིད་དོ། །དེ་ནས་སྔགས་བཟླས་ནས་བདག་གཡར་དྲང་བར་བགྱིས་ཏེ།
D555.089.0112b06.01སྔར་སངས་རྒྱས་ཀྱི་མཚན་དང་བྱང་ཆུབ་སེམས་དཔའི་མིང་ནས་བརྗོད་དེ་སེམས་རྩེ་གཅིག་ཏུ་གུས་པས་ཕྱག་བགྱིའོ། །ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ལ་ཕྱག་འཚལ་ལོ། །སངས་རྒྱས་རིན་ཆེན་གཙུག་ཕུད་ལ་ཕྱག་འཚལ་ལོ། །སངས་རྒྱས་དྲི་མ་
D555.089.0112b07.01