完整藏文原文 · 德格版页 当前仅加载第 89 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་འགྱུར་ཏེ། ཆོས་ཐོས་པའི་དབང་གིས་འབྲས་བུ་རྣམ་པར་སྨིན་པ་ཡང་ཟད་པར་མི་འགྱུར་རོ། །དེ་བཞིན་གཤེགས་པ་རྣམས་ལ་ལུང་དུ་མི་བསྟན་པའི་དངོས་པོ་ཡང་མི་མངའ། སྤྱོད་ཡུལ་ཐམས་ཅད་ལ་མཁྱེན་པར་བྱའོ་སྙམ་པའི་དགོངས་པ་ཡང་མི་མངའ། འཁོར་
D555.089.0041b01.01བ་དང་མྱ་ངན་ལས་འདས་པ་ལ་ཐ་དད་པའི་འདུ་ཤེས་ཀྱང་མི་མངའོ། །དེ་བཞིན་གཤེགས་པ་ནི་གང་ཅི་ཡང་རུང་སྟེ་མ་ངེས་པ་མི་མངའོ། །དེ་བཞིན་གཤེགས་པ་རྣམས་ནི་སྤྱོད་ལམ་བཞི་པོ་ཐམས་ཅད་དུ་ཡེ་ཤེས་ཀྱིས་ཡོངས་སུ་མ་བཟུང་བ་མི་མངའོ། །ཆོས་ཐམས་
D555.089.0041b02.01ཅད་ལ་བྱམས་པ་དང་ཐུགས་རྗེས་ཡོངས་སུ་མ་ཟིན་པ་མི་མངའ་བས། སེམས་ཅན་ཐམས་ཅད་ལ་ཕན་པ་དང་བདེ་བའི་ཕན་མི་འདོགས་པ་གང་ཡང་མེད་དོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གསེར་འོད་དམ་པའི་མདོ་སྡེ་འདི་ཐོས་ནས་མངོན་པར་ཡིད་
D555.089.0041b03.01ཆེས་པ་གང་ཡིན་པ་དེ་དག་ནི་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་སྐྱེ་གནས་དང་། ལྷ་མ་ཡིན་གྱི་འགྲོ་བ་དག་ཏུ་ལྟུང་བར་མི་འགྱུར་ཞིང་རྟག་པར་ལྷ་དང་མིའི་ནང་དུ་སྐྱེ་བར་འགྱུར་བས་མ་རབས་དག་ཏུ་སྐྱེ་བར་མི་འགྱུར་ལ། རྟག་པར་དེ་བཞིན་གཤེགས་
D555.089.0041b04.01པ་རྣམས་ལ་བསྙེན་བཀུར་དང་རིམ་གྲོ་བྱས་ནས་ཡང་དག་པའི་ཆོས་མཉན་ཅིང་ལེན་པར་འགྱུར། རྟག་པར་སངས་རྒྱས་ཀྱི་ཞིང་ཡོངས་སུ་དག་པ་རྣམས་སུ་སྐྱེ་བར་འགྱུར་རོ། །དེ་ཅིའི་ཕྱིར་ཞེ་ན། ཆོས་ཟབ་མོ་འདི་ཐོས་པར་གྱུར་པའི་ཕྱིར་རོ། །རིགས་ཀྱི་བུ་དང་། རིགས་ཀྱི་བུ་མོ་
D555.089.0041b05.01དེ་དག་ནི་དེ་བཞིན་གཤེགས་པས་མཁྱེན་ཅིང་ལུང་བསྟན་པར་འགྱུར་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་མི་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཤིན་ཏུ་ཟབ་པའི་ཆོས་གྱ་ནོམ་པ་འདི་ལན་ཅིག་རྣ་བས་ཐོས་པར་གྱུར་
D555.089.0041b06.01ན་གང་ཟག་དེ་ནི་དེ་བཞིན་གཤེགས་པ་ལ་སྐུར་པ་མི་འདེབས་པ་དང་། ཡང་དག་པའི་ཆོས་ལ་མི་སྨོད་པ་དང་། འཕགས་པའི་ཚོགས་ལ་མི་བརྙས་པ་དང་། སེམས་ཅན་རྣམས་དགེ་བའི་རྩ་བ་མ་བསྐྱེད་པ་ནི་སྐྱེད་པར་བྱེད་ལ། དགེ་བའི་རྩ་བ་བསྐྱེད་པ་ནི་འཕེལ་ཞིང་ཡངས་པ་
D555.089.0041b07.01