完整藏文原文 · 德格版页 当前仅加载第 89 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡང་དག་པའི་སྤྱོད་ཡུལ་ཡོངས་སུ་ཚོལ་བས་ཀྱང་ཁོང་དུ་མི་ཆུད་ཅིང་མཐོང་བར་མི་ནུས་པས་སོ། །དེ་ལྟ་བུའི་འཕགས་པའི་གང་ཟག་དག་གིས་ཀྱང་མི་རིག་ཅིང་མི་མཐོང་བས་སོ་སོའི་སྐྱེ་བོ་ཐམས་ཅད་ཐེ་ཙོམ་དང་སོམ་ཉི་བསྐྱེད་ནས་ཕྱིན་ཅི་ལོག་ཏུ་
D555.089.0041a01.01རྣམ་པར་རྟོག་པར་བྱེད་པས་ཡོངས་སུ་འདའ་བར་མི་འགྱུར་རོ། །འདི་ལྟ་སྟེ་དཔེར་ན་རི་བོང་རྒྱ་མཚོ་ལ་རྐྱལ་བར་བྱེད་ཀྱང་གདོན་མི་ཟ་བར་ཕ་རོལ་དུ་ཕྱིན་པར་མི་འགྱུར་རོ། །དེ་ཅིའི་ཕྱིར་ཞེ་ན། ཉམ་སྟོབས་ཤིན་དུ་ཆུང་བའི་ཕྱིར་རོ། །བྱིས་པ་སོ་སོའི་སྐྱེ་བོ་རྣམས་ཀྱང་
D555.089.0041a02.01དེ་བཞིན་དུ་ཆོས་ཀྱི་དེ་བཞིན་ཉིད་མངོན་པར་མི་རྟོགས་སོ། །དེ་བཞིན་གཤེགས་པ་རྣམས་ནི་རྣམ་པར་རྟོག་པའི་དགོངས་པ་མི་མངའ་བར་ཡང་ཆོས་ཐམས་ཅད་ལ་མངའ་ཆེན་པོ་བརྙེས་ཤིང་ཤེས་རབ་ཤིན་ཏུ་ཟབ་ཅིང་རྣམ་པར་དག་པ་ཕུན་སུམ་ཚོགས་པར་གྱུར་པའི་ཕྱིར་དང་།
D555.089.0041a03.01རང་གི་སྤྱོད་ཡུལ་དུ་གྱུར་ཅིང་གཞན་དང་ཡང་ཐུན་མོང་དུ་མ་གྱུར་པའི་ཕྱིར་དེ་ལྟ་བས་ན་དེ་བཞིན་གཤེགས་པ་རྣམས་བསྐལ་པ་གྲངས་མེད་ཚད་མེད་དཔག་ཏུ་མེད་པ་ནས་ཉིད་ཀྱི་སྐུ་སྲོག་ལ་ཕངས་པ་མི་མངའ་བར་དཀའ་བ་སྤྱོད་པས་དཔེ་ཟླ་མེད་པ་བསམ་གྱིས་མི་ཁྱབ་པ། ཚིག་གི་སྤྱོད་
D555.089.0041a04.01ཡུལ་ལས་ཡང་དག་པར་འདས་པ། རབ་ཏུ་དབེན་པ། འཇིགས་པ་རྣམས་དང་བྲལ་བའི་སྐུ་མཆོག་དམ་པ་འདི་བརྙེས་པ་ཡིན་ནོ། །རིགས་ཀྱི་བུ་དེ་ལྟར་ཆོས་ཀྱི་དེ་བཞིན་ཉིད་རིག་ཅིང་མཐོང་བ་གང་ཡིན་པ་དེ་ནི་སྐྱེ་བ་དང་། རྒ་བ་དང་། འཆི་བ་མེད་པ། ཚེའི་ཚད་ཀྱང་དཔག་ཏུ་
D555.089.0041a05.01མེད། གཉིད་ཀྱང་མེད། བཀྲེས་པ་དང་། སྐོམ་པ་ཡང་མེད་དེ། རྟག་པར་ཏིང་ངེ་འཛིན་ལ་གནས་པའི་སེམས་རྣམ་པར་གཡེང་ཞིང་གཡོ་བ་ཡང་མེད་དོ། །གང་གིས་དེ་བཞིན་གཤེགས་པ་ལ་རྩོད་པའི་བསམ་པ་སྐྱེད་པ་དེས་དེ་བཞིན་གཤེགས་པ་མཐོང་བར་མི་འགྱུར་རོ། །
D555.089.0041a06.01དེ་བཞིན་གཤེགས་པ་རྣམས་ནི་གང་ཅི་གསུང་ཡང་རུང་སྟེ་ཐམས་ཅད་ལ་ཕན་འདོགས་པར་འགྱུར་བས་གང་གིས་མཉན་ཅིང་ཐོས་པ་དེ་དག་རྣམ་པར་མི་གྲོལ་བ་གང་ཡང་མེད་དོ། །གཅན་གཟན་མ་རུངས་པ་དང་། མི་མ་རུངས་པ་དང་། འདྲེ་སྲིན་མ་རུངས་པ་དག་དང་ཡང་ཕྲད་
D555.089.0041a07.01