完整藏文原文 · 德格版页 当前仅加载第 89 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་པ་དང་། བྲེ་སྲང་གིས་བསླུས་པ་དང་། ཡང་དག་པ་མ་ལགས་པ་ལ་ཡང་དག་པར་བཟུང་བ་དང་། མི་གཙང་བའི་བཟའ་བ་དང་བཏུང་བ་གཞན་དག་ལ་སྩལ་བ་དང་། འགྲོ་བ་དྲུག་པོ་དེ་དག་ཏུ་མཆིས་པའི་ཕ་མ་ཇི་སྙེད་པ་དག་ལ་ཕན་ཚུན་གནོད་པ་བགྱིས་པ་དང་།
D555.089.0049b01.01མཆོད་རྟེན་གྱི་དཀོར་བརྐུས་པ་དང་། ཕྱོགས་བཞིའི་དགེ་འདུན་གྱི་དཀོར་དང་། མངོན་སུམ་གྱི་དགེ་འདུན་གྱི་དཀོར་རང་དབང་བགྱིས་ཏེ་ཡོངས་སུ་སྤྱད་པ་དང་། བཅོམ་ལྡན་འདས་ཀྱིས་གསུངས་པའི་ཆོས་དང་འདུལ་བ་ལ་བསླབ་པར་མ་མོས་པ་དང་། མཁན་པོ་དང་།
D555.089.0049b02.01བླ་མའི་གདམས་ངག་གི་རྗེས་སུ་མི་འབྲང་བ་དང་། ཉན་ཐོས་དང་། རང་སངས་རྒྱས་དང་། ཐེག་པ་ཆེན་པོའི་སྤྱོད་པ་མངོན་པར་བསྒྲུབས་པ་དག་ལ་སྨད་པར་དགའ་བས་རྣལ་འབྱོར་སྒོམ་པའི་གང་ཟག་རྣམས་སེམས་ལ་འགྱོད་པ་བསྐྱེད་པ་དང་། བདག་པས་ཁྱད་
D555.089.0049b03.01པར་དུ་འཕགས་པ་ཞིག་མཐོང་ན་ཕྲག་དོག་བསྐྱེད་པ་དང་། ཆོས་ཀྱི་སྦྱིན་པ་དང་། ཟང་ཟིང་གི་སྦྱིན་པ་དག་ལ་རྟག་པར་སེར་སྣ་དང་། ཕངས་པའི་སེམས་བསྐྱེད་པ་དང་། མ་རིག་པས་བསྒྲིབས་ཤིང་ལོག་པར་ལྟ་བས་སེམས་རྨོངས་པར་གྱུར་པ་དང་། དགེ་བའི་
D555.089.0049b04.01རྒྱུ་མ་བསྐྱེད་པས་སྡིག་པ་འཕེལ་བར་གྱུར་པ་དང་། དེ་བཞིན་གཤེགས་པ་རྣམས་ལ་སྨོད་པའི་བསམ་པ་བསྐྱེད་པ་དང་། ཆོས་ལ་ཆོས་མ་ལགས་པར་བཤད་པ་དང་། ཆོས་མ་ལགས་པ་ལ་ཆོས་སུ་བཤད་པ་ལ་སོགས་པ་འདི་ལྟ་བུའི་སྡིག་པ་མང་པོ་རྣམས་
D555.089.0049b05.01བཅོམ་ལྡན་འདས་ཡང་དག་པའི་ཤེས་རབ་དང་། ཡང་དག་པའི་སྤྱན་དང་། ཡང་དག་པའི་མཁྱེན་པ་དང་། ཡང་དག་པའི་མཉམ་པས་ཐམས་ཅད་མཁྱེན་ཅིང་ཐམས་ཅད་གཟིགས་པ་དག་ལ་དེང་བདག་སྲོག་ཕྱོགས་ནས་བཅོམ་ལྡན་འདས་རྣམས་ཀྱི་སྤྱན་སྔར་
D555.089.0049b06.01ཐམས་ཅད་མཐོལ་ཞིང་བཤགས་སོ། །ཐམས་ཅད་མངོན་དུ་ཕྱུང་ནས་འཆབ་ཅིང་སྦེད་པར་མི་བགྱིད་དོ། །སྔར་མ་བགྱིས་པའི་ཁ་ན་མ་ཐོ་བ་རྣམས་སླན་ཆད་མི་བགྱིད་དོ། །སྔར་བགྱིས་པའི་ཁ་ན་མ་ཐོ་བ་རྣམས་དེང་ཐམས་ཅད་མཐོལ་ཞིང་བཤགས་སོ། །ངན་
D555.089.0049b07.01