完整藏文原文 · 德格版页 当前仅加载第 89 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རྒྱུ་དང་རྐྱེན་དེས་ན་འཛམ་བུའི་གླིང་རྣམས་སུ་རབ་ཏུ་བདེ་ཞིང་ལོ་ལེགས་པ་དང་། མི་རྣམས་དར་ཞིང་རྒྱས་པ་དང་། གནོད་པ་རྣམས་མ་མཆིས་པས་སེམས་ཅན་ཇི་སྙེད་མཆིས་པ་དེ་དག་ཐམས་ཅད་བདེ་བ་མྱོང་བར་འགྱུར་ལགས་སོ། །དེ་ལྟར་ལུས་དང་
D555.089.0115a01.01སེམས་ཀྱིས་བདེ་བ་མྱོང་བར་གྱུར་ནས་ཀྱང་མདོ་སྡེའི་རྒྱལ་པོ་འདི་ལ་ཤིན་ཏུ་གུས་པ་བསྐྱེད་ནས་གང་དུ་གནས་ཀྱང་རུང་སྟེ། ཐམས་ཅད་ཀྱིས་ཡོངས་སུ་བཟུང་བ་དང་། མཆོད་པ་དང་། བཀུར་སྟི་དང་། བླ་མར་བགྱིས་ཤིང་བསྔགས་པ་བརྗོད་པར་སྨོན་པར་བགྱིའོ། །གཞན་ཡང་
D555.089.0115a02.01ཆོས་འཆད་པའི་མཁན་པོ་ཆེན་པོ་དེ་དག་གང་དུ་ཆོས་འཆད་པའི་གནས་དེར་ཡང་མཆིས་ཏེ། སེམས་ཅན་རྣམས་ཀྱི་ཆེད་དུ་མདོ་སྡེའི་རྒྱལ་པོ་དམ་པ་འདི་འཆད་པར་གསོལ་བ་གདབ་པར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་མདོ་སྡེ་འདི་བཤད་པའི་དབང་གིས་བདག་
D555.089.0115a03.01ཅག་འཁོར་དང་བཅས་པ་ཐམས་ཅད་ལ་སྨན་པར་འགྱུར་ཞིང་འོད་དང་། ཁ་དོག་དང་། མཐུ་སྟོབས་དང་། དཔའ་ཞིང་གཟི་བྱིན་དང་ལྡན་པ་དང་། བྱད་བཞིན་ཤིན་ཏུ་སྡུག་ཅིང་སྔོན་བས་ཆེས་ཁྱད་པར་དུ་འཕགས་པར་འགྱུར་བས་སོ། །བཅོམ་ལྡན་འདས་བདག་སའི་ལྷ་མོ་བརྟན་
D555.089.0115a04.01མ་ཡང་ཆོས་ཀྱི་རོས་ཚིམ་པར་གྱུར་པའི་དབང་གིས་འཛམ་བུའི་གླིང་དཔག་ཚད་བདུན་སྟོང་ཚུན་ཆད་ས་ཐམས་ཅད་བཅུད་དང་ལྡན་པ་དང་། སྔ་མ་བཞིན་དུ་སེམས་ཅན་ཇི་སྙེད་པ་ཐམས་ཅད་ཀྱང་བདེ་བ་མྱོང་བར་བགྱིད་ལགས་སོ། །དེ་ལྟ་བས་ན་བཅོམ་ལྡན་འདས་དེའི་ཚེ་སེམས་ཅན་དེ་
D555.089.0115a05.01དག་གིས་ཀྱང་བདག་གི་དྲིན་བསབ་པའི་སླད་དུ་བདག་ཅག་གདོན་མི་འཚལ་བར་མདོ་སྡེ་འདི་མཉན་ནས་བཀུར་སྟི་དང་། རིམ་གྲོ་དང་། མཆོད་པ་དང་། བླ་མར་བགྱིས་ནས་བསྔགས་པ་བརྗོད་པར་བགྱིའོ་སྙམ་དུ་བསམ་པར་བགྱིའོ། །དེ་ལྟར་བསམས་ནས་ཀྱང་གནས་ནས་བྱུང་སྟེ་
D555.089.0115a06.01གྲོང་དང་། གྲོང་ཁྱེར་དང་། གྲོང་རྡལ་དང་། ཁང་ཁྱིམ་དང་། དགོན་པའི་གནས་གང་དུ་ཆོས་བཤད་པའི་འདུས་པ་དེར་མཆིས་ནས་ཆོས་བཤད་པའི་མཁན་པོ་ལ་སྤྱི་བོས་བཏུད་དེ་ཕྱག་བགྱིས་ནས་མདོ་སྡེ་འདི་མཉན་པར་བགྱིའོ། །མདོ་སྡེ་འདི་མཉན་ནས་ཀྱང་སོ་སོ་ནས་རང་གི་
D555.089.0115a07.01