完整藏文原文 · 德格版页 当前仅加载第 89 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། གདུ་བུ་ལ་སོགས་པ་རྒྱན་གྱི་རྣམ་པ་སྣ་ཚོགས་སུ་བྱས་ནས་སྤྱོད་པ་མང་པོ་དང་ལྡན་པར་གྱུར་ཀྱང་གསེར་གྱི་རང་བཞིན་ལ་ནི་འགྱུར་བ་ཅི་ཡང་མེད་དོ། །གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་རྣམ་པར་གྲོལ་བའི་མཆོག་ཡོངས་སུ་
D555.089.0039a01.01གཉེར་བའམ། འཇིག་རྟེན་པའི་དགེ་བ་མངོན་པར་བསྒྲུབས་པས་དེ་བཞིན་གཤེགས་པའམ་དེའི་སློབ་མའི་འཁོར་མཐོང་ན་ཉེ་བར་བསྙེན་ཏེ། བཅོམ་ལྡན་འདས་ལ་འདི་སྐད་དུ་བཅོམ་ལྡན་འདས་དགེ་བ་ནི་གང་ལགས། མི་དགེ་བ་ནི་གང་ལགས། ཡང་དག་པའི་རྣལ་འབྱོར་
D555.089.0039a02.01བསྒོམས་པས་རྣམ་པར་དག་པའི་སྤྱོད་པ་འཐོབ་པར་འགྱུར་བ་ནི་གང་ལགས། ཞེས་གསོལ་པ་དང་། དེ་བཞིན་གཤེགས་པ་དང་སློབ་མའི་འཁོར་རྣམས་དེས་དེ་སྐད་དུ་ཞུ་བ་གསོལ་བ་གཟིགས་པར་གྱུར་ན་དེའི་ཚེ་འདི་སྙམ་དུ་རིགས་ཀྱི་བུའམ་རིགས་ཀྱི་བུ་མོ་འདི་ནི་རྣམ་པར་དག་པ་
D555.089.0039a03.01ཡོངས་སུ་གཉེར་བའི་ཕྱིར་ཡང་དག་པའི་ཆོས་ཡོངས་སུ་མཉན་པར་འདོད་པ་ཡིན་ནོ། །སྙམ་དུ་དགོངས་ནས་དེ་ལ་རྣམ་པར་ཕྱེ་སྟེ་བསྟན་པ་ཉིད་ཀྱིས་གོ་བར་མཛད་པར་འགྱུར་བས་དེས་ཐོས་ནས་ཀྱང་ཡང་དག་པའི་དྲན་པས་མི་བརྗེད་པར་བཟུང་སྟེ། རྣལ་འབྱོར་བསྒོམ་པར་
D555.089.0039a04.01སེམས་བསྐྱེད་པས་བརྩོན་འགྲུས་ཀྱི་སྟོབས་ཐོབ་ནས་ལེ་ལོའི་སྒྲིབ་པ་ཡོངས་སུ་བསལ་ཏེ་སྒྲིབ་པ་ཐམས་ཅད་ཡོངས་སུ་སྦྱོང་བར་བྱེད་པས་བསླབ་པའི་གནས་རྣམས་ལ་མ་གུས་པ་སྤངས་ནས་རྒོད་པ་དང་འགྱོད་པའི་སེམས་ཉེ་བར་ཞི་བར་བྱས་ཏེ་ས་དང་པོ་ལ་འཇུག་པར་འགྱུར་བས་ས་
D555.089.0039a05.01དང་པོའི་སེམས་ལ་བརྟེན་ནས་སེམས་ཅན་ལ་ཕན་འདོགས་པའི་སྒྲིབ་པ་ཡོངས་སུ་བསལ་ནས་ས་གཉིས་པར་འཇུག་པ་འཐོབ་པར་འགྱུར་རོ། །ས་དེར་ཡང་རྣམ་པར་མི་འཚེ་བའི་སྒྲིབ་པ་ཡོངས་སུ་བསལ་ནས་ས་གསུམ་པར་འཇུག་པར་འགྱུར་རོ། །ས་དེར་ཡང་སེམས་མཉེན་ཞིང་རྣམ་
D555.089.0039a06.01པར་བྱང་བའི་སྒྲིབ་པ་ཡོངས་སུ་བསལ་ནས་ས་བཞི་པར་འཇུག་པར་འགྱུར་རོ། །ས་དེར་ཡང་ཐབས་མཁས་པའི་སྒྲིབ་པ་ཡོངས་སུ་བསལ་ནས་ས་ལྔ་པར་འཇུག་པར་འགྱུར་རོ། །ས་དེར་ཡང་དོན་དམ་པ་དང་། ཀུན་རྫོབ་ཏུ་མཐོང་བའི་སྒྲིབ་པ་ཡོངས་སུ་བསལ་ནས་ས་དྲུག་
D555.089.0039a07.01