完整藏文原文 · 德格版页 当前仅加载第 89 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་རྒྱལ་པོ་ནད་མེད་ཅིང་བགེགས་རྣམས་དང་བྲལ་བ་དང་། ཚེ་རིང་ཞིང་ཐོགས་པ་མེད་པར་འགྱུར་བ་དང་། ཕས་ཀྱི་རྒོལ་བའི་དགྲ་མེད་ཅིང་དམག་ཚོགས་དཔའ་བར་འགྱུར་བ་དང་། བདེ་བའི་ལོངས་སྤྱོད་རྒྱས་ཤིང་ཡང་དག་པའི་ཆོས་འཕེལ་བར་འགྱུར་བ་གང་ཡིན་པའོ། །
D555.089.0059b01.01དེ་ཅིའི་ཕྱིར་ཞེ་ན། འདི་ལྟར་མིའི་རྒྱལ་པོ་དེ་ལ་བརྒྱ་བྱིན་དང་། ཚངས་པ་དང་། རྒྱལ་པོ་ཆེན་པོ་བཞི་དང་། གནོད་སྦྱིན་གྱི་འཁོར་རྣམས་ཀྱིས་རྟག་པར་ལྷན་ཅིག་སྲུང་བར་བྱེད་པའི་ཕྱིར་རོ། །དེ་ནས་བཅོམ་ལྡན་འདས་ཀྱིས་ལྷའི་འཁོར་རྣམས་ལ་བཀའ་སྩལ་
D555.089.0059b02.01པ། རིགས་ཀྱི་བུ་དག་དངོས་པོ་འདི་དག་བདེན་ནམ། དེ་ནས་བརྒྱ་བྱིན་དང་། ཚངས་པ་དང་། རྒྱལ་པོ་ཆེན་པོ་བཞི་དང་། གནོད་སྦྱིན་གྱི་འཁོར་རྣམས་ཀྱིས་སྐད་མཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་དེ་བཞིན་ནོ། །དེ་དེ་བཞིན་
D555.089.0059b03.01ཏེ། ཡུལ་གང་དག་ན་མདོ་སྡེའི་རྒྱལ་པོ་དམ་པ་འདི་ཡང་དག་པར་བཤད་པ་དང་། ཀློག་པ་དང་། ཁ་ཏོན་དུ་འདོན་པར་བགྱིད་ན་ཡུལ་གྱི་བདག་པོ་དེ་དག་ལ་བདག་ཅག་རྒྱལ་པོ་ཆེན་པོ་བཞི་ལ་སོགས་པས་རྟག་པར་མཆིས་ནས་ཡོངས་སུ་སྲུང་བར་བགྱིད་པར་མཆི་
D555.089.0059b04.01བ་དང་། གནས་པ་ན་ཡང་ལྷན་ཅིག་གནས་པར་བགྱིད་དོ། །རྒྱལ་པོ་དེ་ལ་གདོན་བགེགས་དང་རྒོལ་བའི་དགྲ་ཞིག་མཆིས་ན་ཡང་དེ་དག་ཐམས་ཅད་བདག་ཅག་རྒྱལ་པོ་ཆེན་པོ་བཞི་ལ་སོགས་པས་རབ་ཏུ་ཞི་བར་བགྱིད་དོ། །མྱ་ངན་དང་རིམས་ནད་ལ་སོགས་པ་ཡང་བསལ་ཞིང་
D555.089.0059b05.01སོས་པར་བགྱིད་པ་ནས་ཚེ་འཕེལ་བ་དང་། དགེ་བའི་རྟགས་འབྱུང་བ་དང་། སྨོན་པ་རྣམས་བསམས་པ་བཞིན་འགྲུབ་པ་དང་། རྟག་ཏུ་དགའ་བ་བསྐྱེད་པར་བགྱིད་དོ། །བདག་ཅག་གིས་ཡུལ་དེ་ན་དམག་ཚོགས་ཇི་སྙེད་མཆིས་པ་དེ་དག་ཐམས་ཅད་དཔའ་ཞིང་
D555.089.0059b06.01བརྩོན་པར་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་ལེགས་སོ་ལེགས་སོ། །ཁྱེད་ཀྱིས་ཇི་སྐད་སྨྲས་པ་དེ་བཞིན་དུ་ཁྱེད་ཀྱིས་མངོན་པར་བསྒྲུབ་པར་བྱའོ། །དེ་ཅིའི་ཕྱིར་ཞེ་ན། ཡུལ་གྱི་བདག་པོ་དེ་དག་ཆོས་བཞིན་དུ་སྤྱོད་པའི་དུས་
D555.089.0059b07.01