完整藏文原文 · 德格版页 当前仅加载第 89 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་མིག་གཙང་མ་ཐོབ་བོ། །དཔག་ཏུ་མེད་པའི་སྐྱེ་བོ་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་གསུངས་སོ། །རྒྱལ་པོའི་ཆོས་ཀྱིས་འཁོར་ཀུན་བཟློག །ཟབ་ཅིང་ཡངས་མཆོག་མཐོང་བར་
D555.089.0072a01.01དཀའ། །སྐྱེ་བོ་དམུས་ལོང་འདོད་པས་ཁེབས། །མི་མཐོང་ཕྱིར་ནི་སྡུག་བསྔལ་ལེན། །དེ་ནས་ཕལ་མང་པོ་ལྷན་ཅིག་ཏུ་འདུག་པ་ལངས་ཏེ་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གནས་གང་
D555.089.0072a02.01ན་གསེར་འོད་དམ་པ་མདོ་སྡེའི་རྒྱལ་པོ་འདི་འཆང་བ་དང་། ཀློག་ཅིང་ཁ་ཏོན་དུ་བགྱིད་པ་དེར་བདག་ཅག་ལ་སོགས་པ་ཕལ་མང་པོ་རྣམས་ཐམས་ཅད་དེར་མཆིས་ཏེ་ཉན་པའི་འཁོར་བགྱིའོ། །ཆོས་འཆད་པའི་མཁན་པོ་དེ་ལ་ཕན་པ་དང་། བདེ་ཞིང་སྐྱིད་པ་དང་། བསྒྲིབས་
D555.089.0072a03.01པ་མེད་པ་དང་། ལུས་དང་ཡིད་བག་ཡངས་སུ་བགྱིའོ། །བདག་ཅག་ལ་སོགས་པས་སེམས་ཐག་པ་ནས་མཆོད་ཅིང་ཡང་ཕལ་མང་པོ་ཉན་པ་དེ་དག་བདེ་ཞིང་སྐྱིད་པར་བགྱིའོ། །ག་ལ་གནས་པའི་ཡུལ་དེ་ན་དགྲ་དང་། འཇིགས་ཤིང་སྐྲག་པ་དང་། གནོད་པ་དང་།
D555.089.0072a04.01མུ་གེ་དང་། ཉོན་མོངས་པ་མ་མཆིས་པར་བགྱིའོ། །ཡུལ་གྱི་མི་དར་ཞིང་རྒྱས་པར་བགྱིའོ། །ཆོས་འདི་བཤད་པའི་གནས་ཀྱི་དཀྱིལ་འཁོར་གྱིས་དེར་ལྷ་དང་། མི་མ་ཡིན་པ་དང་། སྐྱེ་བོ་རྣམས་ཀྱིས་མི་རྫི། མི་འཆག །མི་གཙང་བ་ལ་སོགས་
D555.089.0072a05.01པས་མི་བསྒོའོ། །དེ་ཅིའི་སླད་དུ་ཞེ་ན། ཆོས་འཆད་པའི་གནས་དེ་མཆོད་རྟེན་ཉིད་ལགས་པས་ན་བདུག་པ་དང་། མེ་ཏོག་དང་བ་དན་དང་། གདུགས་ཀྱིས་མཆོད་པར་བགྱིའོ། །བདག་ཅག་ལ་སོགས་པས་རྟག་པར་བསྲུངས་ནས་རྒུད་ཅིང་དམས་པ་ལས་
D555.089.0072a06.01བྲལ་བར་བགྱིའོ། །སངས་རྒྱས་ཀྱིས་ཕལ་མང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱེད་ལ་སོགས་པས་མདོ་སྡེ་མཆོག་འདི་ལ་བརྩོན་པར་བསྒོམས་ན་དེ་ནི་དམ་པའི་ཆོས་འཇིག་རྟེན་ན་ཡུན་དུ་བཞུགས་པ་ཞེས་བྱའོ། །གསེར་འོད་དམ་པ་མཆོག་
D555.089.0072a07.01