完整藏文原文 · 德格版页 当前仅加载第 89 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
དང་རྐྱེན་དེས་བདག་ཅག་ལྷའི་གནས་འདིར་སྐྱེས་པ་ཡིན་པས། དེའི་ཕྱིར་བདག་ཅག་ཐམས་ཅད་ཚོང་དཔོན་གྱི་བུ་དེའི་ཐད་དུ་དོང་ལ་དྲིན་བསབ་པའི་ཕྱིར་མཆོད་པ་བྱ་བའི་རིགས་སོ་ཞེས་སྨྲས་སོ། །དེ་ནས་ལྷའི་བུ་སྟོང་ཕྲག་བཅུ་པོ་དེ་དག་ལྷའི་གནས་དེ་ནས་མི་སྣང་བར་
D555.089.0136a01.01གྱུར་ཏེ་འཛམ་བུའི་གླིང་དུ་སྨན་པའི་རྒྱལ་པོ་ཆེན་པོའི་ཐད་དུ་ལྷགས་སོ། །དེའི་ཚེ་ཚོང་དཔོན་གྱི་བུ་དེ་ཡང་ཐོག་མཐོན་པོའི་སྟེང་དུ་བདེ་བར་གཉིད་ལོག་པ་ལས་ལྷའི་བུ་སྟོང་ཕྲག་བཅུ་པོ་དེ་དག་གིས་མུ་ཏིག་གི་ཕྲེང་བ་སྟོང་ཕྲག་བཅུ་ནི་མགོ་དྲུང་དུ་བཞག །ཡང་སྟོང་ཕྲག་བཅུ་ནི་རྐང་པའི་དྲུང་དུ་
D555.089.0136a02.01བཞག །ཡང་སྟོང་ཕྲག་བཅུ་ནི་གཡས་ཕྱོགས་སུ་བཞག །ཡང་སྟོང་ཕྲག་བཅུ་ནི་གཡོན་ཕྱོགས་སུ་བཞག་སྟེ། མེ་ཏོག་མནྡཱ་ར་བ་དང་། མནྡཱ་ར་བ་ཆེན་པོའི་ཆར་པུས་ནུབ་ཙམ་དུ་ཕབ་ནས་འོད་ཀྱིས་ཀུན་དུ་སྣང་བར་བྱས་ཏེ། ལྷའི་རོལ་མོ་རྣམ་པ་སྣ་ཚོགས་ལས་སྒྲ་དབྱངས་སྙན་པ་དག་
D555.089.0136a03.01བྱུང་བས་འཛམ་བུའི་གླིང་དུ་གཉིད་ལོག་པ་ཐམས་ཅད་སད་པར་བྱས་སོ། །ཚོང་དཔོན་གྱི་བུ་ཆུ་འབེབས་ཀྱང་གཉིད་ལོག་པ་ལས་སད་པར་གྱུར་པ་དང་། དེ་ནས་ལྷའི་བུ་སྟོང་ཕྲག་བཅུ་པོ་དེ་དག་གིས་མཆོད་པ་བྱས་ནས་ནམ་མཁའ་ལ་འཕུར་ཏེ་དོང་ངོ་། །རྒྱལ་པོ་ལྷའི་དབང་ཕྱུག་གི་འོད་ཀྱི་ཡུལ་
D555.089.0136a04.01ཁམས་སུ་ཡང་གནས་དེ་དང་དེ་དག་ཐམས་ཅད་དུ་ལྷའི་མེ་ཏོག་པདྨ་དམ་པའི་ཆར་མངོན་པར་ཕབ་བོ། །ལྷའི་བུ་མང་པོ་དེ་དག་སྔོན་གྱི་གནས་དགོན་པའི་རྫིང་དྲུང་དུ་དོང་ནས་ལྷའི་མེ་ཏོག་སྣ་ཚོགས་ཀྱི་ཆར་མངོན་པར་ཕབ་སྟེ། དེ་ནས་མི་སྣང་བར་གྱུར་ནས་སླར་ལྷའི་གནས་སུ་དོང་སྟེ། ཡིད་བཞིན་དུ་ཅི་
D555.089.0136a05.01དགའ་བར་འདོད་པ་ལྔའི་བདེ་བ་དག་ལ་ལོངས་སྤྱོད་པར་གྱུར་ཏོ། །རྒྱལ་པོ་ལྷའི་དབང་ཕྱུག་གི་འོད་ཀྱང་ནམ་ལངས་པ་དང་བློན་པོ་ཆེན་པོ་དེ་དག་ལ་མདང་སུམ་རྒྱུ་དང་རྐྱེན་གང་གི་ཕྱིར་ཡ་མཚན་གྱི་མཚན་མ་དེ་ལྟ་བུ་དག་སྣང་ཞིང་འོད་ཟེར་ཆེན་པོ་དག་ཀྱང་བཀྱེ་བར་གྱུར་ཅེས་སྨྲས་སོ། །བློན་པོ་ཆེན་
D555.089.0136a06.01པོས་གསོལ་བ། རྒྱལ་པོ་ཆེན་པོ་མཁྱེན་པར་མཛོད་ཅིག །ལྷའི་ཚོགས་མང་པོ་རྣམས་ཀྱིས་ཚོང་དཔོན་གྱི་བུ་ཆུ་འབེབས་ཀྱི་སྡུམ་པར་མུ་ཏིག་གི་ཕྲེང་བ་སྟོང་ཕྲག་བཞི་བཅུ་དང་། མེ་ཏོག་མནྡཱ་ར་བའི་ཆར་མངོན་པར་ཕབ་པ་པུས་ནུབ་ཙམ་དུ་བགྱིས་ལགས་སོ། །རྒྱལ་པོས་བློན་པོ་ལ་
D555.089.0136a07.01