完整藏文原文 · 德格版页 当前仅加载第 89 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ་དཔེར་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་སྨོན་ལམ་ལ་མངའ་བརྙེས་པའི་ཕྱིར་མཛད་པའི་དངོས་པོ་རྣམ་པ་སྣ་ཚོགས་པ་ཕུན་སུམ་ཚོགས་པར་འགྱུར་བ་དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་མཛད་པའི་དངོས་པོ་དེ་དག་ཡོངས་
D555.089.0035b01.01སུ་གྲུབ་པ་ལ་མངའ་བརྙེས་པ་ཡང་དེ་བཞིན་ནོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སེམས་མེད་པའི་ཏིང་ངེ་འཛིན་ལ་སྙོམས་པར་འཇུག་ཀྱང་སྔོན་གྱི་སྨོན་ལམ་ལ་བརྟེན་ནས་ཏིང་ངེ་འཛིན་ལས་ལངས་ཏེ་བྱ་བ་མང་པོ་རྣམས་ལ་མངོན་པར་འདུ་བྱེད་དོ། །
D555.089.0035b02.01དེ་བཞིན་དུ་ཆོས་གཉིས་པོ་དག་ལ་རྣམ་པར་རྟོག་པ་མི་མངའ་བར་ཡང་རང་གི་ངང་གིས་མཛད་པ་དག་ཡོངས་སུ་རྫོགས་པར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་ཉི་མ་དང་ཟླ་བ་ལ་ཡང་རྣམ་པར་རྟོག་པ་མེད། ཆུ་དང་མེ་ལོང་ལ་ཡང་རྣམ་པར་རྟོག་པ་མེད། འོད་སྣང་བ་ལ་ཡང་
D555.089.0035b03.01རྣམ་པར་རྟོག་པ་མེད་མོད་ཀྱི། འོན་ཀྱང་གསུམ་འདུས་པ་ལས་གཟུགས་བརྙན་འབྱུང་བར་འགྱུར་རོ། །དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་ཡང་རྣམ་པར་རྟོག་པ་མི་མངའ་མོད་ཀྱི། འོན་ཀྱང་སྨོན་ལམ་ལ་མངའ་བརྙེས་པའི་ཕྱིར་སེམས་ཅན་
D555.089.0035b04.01སྐལ་བ་དང་ལྡན་པ་དག་ལ་ལོངས་སྤྱོད་རྫོགས་པ་དང་། སྤྲུལ་པའི་སྐུ་ཉི་ཟླའི་གཟུགས་བརྙན་འདུས་པ་ལས་སྣང་བ་བཞིན་དུ་སྟོན་པར་མཛད་དོ། །གཞན་ཡང་རིགས་ཀྱི་བུ་འདི་ལྟ་སྟེ་དཔེར་ན་ཚད་མེད་དཔག་ཏུ་མེད་པའི་ཆུ་དང་མེ་ལོང་དག་འོད་སྣང་བ་ལ་བརྟེན་པའི་ཕྱིར་ནམ་
D555.089.0035b05.01མཁའ་ལ་གཟུགས་བརྙན་མཚན་མ་ཐ་དད་པ་རྣམ་པ་སྣ་ཚོགས་སྟོན་པར་བྱེད་ཀྱང་ནམ་མཁའ་ནི་མཚན་མ་མེད་པ་ཉིད་དོ། །རིགས་ཀྱི་བུ་དེ་བཞིན་དུ་སློབ་མ་རྣམས་འདུལ་བ་གང་ཡིན་པ་དེ་ནི་ཆོས་ཀྱི་སྐུའི་གཟུགས་བརྙན་ཡིན་ཏེ། སྨོན་ལམ་གྱི་མཐུས་སྐུ་རྣམ་པ་གཉིས་ལས་
D555.089.0035b06.01མཚན་མ་རྣམ་པ་སྣ་ཚོགས་སྣང་ཡང་ཆོས་ཀྱི་སྐུའི་ས་ལ་ནི་ཐ་དད་པའི་མཚན་མ་མི་མངའོ། །རིགས་ཀྱི་བུ་སྐུ་གཉིས་པོ་དེ་དག་ལ་བརྟེན་ནས་ནི་སངས་རྒྱས་ཐམས་ཅད་ཀྱིས་ལྷག་མ་དང་བཅས་པའི་མྱ་ངན་ལས་འདས་པ་བསྟན་ཏོ། །ཆོས་ཀྱི་སྐུ་དེ་ལ་བརྟེན་ནས་ནི་ལྷག་མ་
D555.089.0035b07.01