完整藏文原文 · 德格版页 当前仅加载第 89 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
ན་འབངས་ཐམས་ཅད་ཀྱང་རྒྱལ་པོའི་རྗེས་སུ་མངོན་པར་སྒྲུབ་ཅིང་ཆོས་བཞིན་དུ་སྤྱོད་པར་བྱེད་པས་ཁྱེད་ལ་སོགས་པ་ཡང་གཟུགས་དང་སྟོབས་དང་ཕན་ཡོན་མཆོག་ཐོབ་པར་འགྱུར་ཞིང་གཞལ་མེད་ཁང་འོད་དང་ལྡན་པ་དང་འཁོར་རྣམས་ཀྱང་བརྩོན་ཞིང་རྒྱས་པར་
D555.089.0060a01.01འགྱུར་བས་སོ། །དེ་ནས་བཅོམ་ལྡན་འདས་ལ་བརྒྱ་བྱིན་དང་། ཚངས་པ་ལ་སོགས་པས་བཅོམ་ལྡན་འདས་དེ་དེ་བཞིན་ནོ་ཞེས་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གནས་གང་དུ་མདོ་སྡེ་དམ་པ་འདི་ཡང་དག་པར་སྟོན་ཅིང་ཀློག་པ་དང་། སྤེལ་བའི་
D555.089.0060a02.01ཡུལ་དེའི་བློན་པོ་ཆེན་པོ་དང་། ནང་བློན་རྣམས་ཕན་ཡོན་རྣམ་པ་བཞི་ཐོབ་པར་འགྱུར་ཏེ། བཞི་གང་ཞེ་ན། དང་པོ་ནི་ཕན་ཚུན་འདུམ་ཞིང་ཉེ་བར་སེམས་པ་དང་། བླ་མར་བྱེད་ཅིང་སྡུག་པར་སེམས་པའོ། །གཉིས་པ་ནི་རྟག་པར་མིའི་རྒྱལ་པོའི་སྙིང་དུ་སྡུག་ཅིང་
D555.089.0060a03.01བཀུར་བ་དང་། དགེ་སྦྱོང་དང་། བྲམ་ཟེ་དང་། ཡུལ་ཆེན་པོ་དང་། ཡུལ་ཆུང་ངུའི་མི་རྣམས་ཀྱིས་བཙུན་པར་བྱེད་པའོ། །གསུམ་པ་ནི་ནོར་ལ་ཡང་དམ་པར་འཛིན་ཅིང་ཆོས་ལ་བཙུན་པར་བྱེད་པ་དང་། འཇིག་རྟེན་པའི་ཁེ་མི་ཚོལ་བས་སྙན་པའི་སྒྲ་ཀུན་དུ་
D555.089.0060a04.01གྲགས་ནས་མང་པོ་ཀུན་གྱིས་བཀུར་བར་འགྱུར་བའོ། །བཞི་པ་ནི་ཚེ་རིང་ཞིང་བདེ་སྐྱིད་པར་འགྱུར་བ་སྟེ་འདི་དག་ནི་ཕན་ཡོན་རྣམ་པ་བཞི་ཞེས་བྱའོ། །གལ་ཏེ་ཡུལ་གྱི་བདག་པོ་གང་ལ་ལ་ཞིག་གིས་མདོ་སྡེ་འདི་ཡང་དག་པར་སྟོན་པར་བྱེད་ན་དགེ་སྦྱོང་དང་། བྲམ་ཟེ་རྣམས་
D555.089.0060a05.01ཕན་ཡོན་ཁྱད་པར་དུ་འཕགས་པ་རྣམ་པ་བཞི་ཐོབ་པར་འགྱུར་རོ། །བཞི་གང་ཞེ་ན། དང་པོ་ནི་གོས་དང་། བཟའ་བ་དང་། བཏུང་བ་དང་། མལ་ཆ་དང་། ན་བའི་གསོས་སྨན་རྣམས་ཀྱིས་ཕོངས་པ་མེད་པ་གང་ཡིན་པའོ། །གཉིས་པ་ནི་ཐམས་ཅད་སེམས་བདེ་བར་ཡིད་
D555.089.0060a06.01ལ་སེམས་ཤིང་ཀློག་པ་དང་ཁ་ཏོན་འདོན་པར་འགྱུར་བའོ། །གསུམ་པ་ནི་རི་དང་ནགས་ཚལ་དག་ལ་གནས་པ་ན་བདེ་བར་གནས་པ་ཐོབ་པར་འགྱུར་བའོ། །བཞི་པ་ནི་སེམས་ཀྱིས་ཇི་ལྟར་སྨོན་པ་བཞིན་ཐམས་ཅད་ཡོངས་སུ་རྫོགས་པར་འགྱུར་བ་སྟེ། འདི་དག་ནི་ཁྱད་པར་དུ་འཕགས་
D555.089.0060a07.01