完整藏文原文 · 德格版页 当前仅加载第 89 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་དང་། ལྷོ་ཕྱོགས་ན་གློག་འོད་སྣང་བའི་རྒྱལ་པོ་ཤ་ཏེ་རུ་ཞེས་བྱ་བ་དང་། ནུབ་ཕྱོགས་ན་གློག་འོད་སྣང་བའི་རྒྱལ་པོ་ཙུ་ཏེ་ཀྭང་ཞེས་བྱ་བ་དང་། བྱང་ཕྱོགས་ན་གློག་འོད་སྣང་བའི་རྒྱལ་པོ་སུ་ཏ་མ་ནི་ཞེས་བྱ་བ་སོ་སོ་ན་ཡོད་དེ། རིགས་ཀྱི་
D555.089.0101a01.01བུའམ་རིགས་ཀྱི་བུ་མོ་གང་ལ་ལ་ཞིག་གིས་གློག་གི་རྒྱལ་པོ་འདི་དག་གི་མིང་ཐོས་ཤིང་ཕྱོགས་ཤེས་པར་གྱུར་ན། གང་ཟག་དེ་འཇིགས་ཤིང་སྐྲག་པའི་དངོས་པོ་ཐམས་ཅད་དང་བྲལ་བར་འགྱུར་ཞིང་གློ་བུར་གྱི་གནོད་པ་ཐམས་ཅད་རབ་ཏུ་ཞི་བར་འགྱུར་རོ། །གལ་ཏེ་གང་དུ་གནས་
D555.089.0101a02.01པའི་གནས་དེར་ཕྱོགས་བཞིའི་གློག་གི་རྒྱལ་པོ་འདི་དག་གི་མིང་ཡི་གེར་བྲིས་པར་གྱུར་ན་གང་དུ་གནས་པའི་གནས་དེ་དག་ཏུ་འབྲུག་དང་གློག་གིས་འཇིགས་པ་མེད་ཅིང་གདོན་བགེགས་དང་གནོད་པའི་སྒྲིབ་པ་མེད་པར་འགྱུར། དུས་མ་ཡིན་པར་གློ་བུར་དུ་འཆི་བ་ཐམས་ཅད་
D555.089.0101a03.01ཐག་རིང་དུ་སྤོང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་གཟུངས་སྔགས་བཀའ་སྩལ་པ། ཏདྱ་ཐཱ། ནི་མི་ནི་མི་ནི་མིནྡྷ་རི་ཨིན་དྲེ་སྟྲཻ་ལོ་ཀ །ལོ་ཀ་ནི། ཤི་རི་ཤོ་ལ་བ་ཏི། ཧ་རཀྵ་ཧ་རཀྵ། བདག་མིང་འདི་ཞེས་བྱ་བའི་གནས་འདིར་འཇིགས་ཤིང་སྐྲག་པ་ཐམས་
D555.089.0101a04.01ཅད་དང་། སྡུག་བསྔལ་ཐམས་ཅད་ཀྱིས་འཚེ་བ་དང་། འབྲུག་དང་། གློག་དང་། ཐོག་འབབ་པ་དང་། གློ་བུར་དུ་འཆི་བར་འགྱུར་བ་ཇི་སྙེད་པ་ཐམས་ཅད་དང་བྲལ་བར་གྱུར་ཅིག་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་
D555.089.0101a05.01ཀྱི་དབང་ཕྱུག་འཁོར་མང་པོའི་ནང་དུ་འདུག་པའི་སྟན་ལས་ལངས་ཏེ། བླ་གོས་ཕྲག་པ་གཅིག་ལ་གཟར་ནས་གུས་པས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཀྱང་དེང་ལྷ་དང་མི་རྣམས་ལ་སྨན་པར་བགྱི་བ་དང་།
D555.089.0101a06.01འཇིག་རྟེན་ལ་བརྩེ་བ་དང་། ཐམས་ཅད་ཡོངས་སུ་བསྲུངས་ནས་བདེ་བ་འཐོབ་པར་བགྱི་བ་དང་། མཐུ་ཆེན་པོའི་སྟོབས་དང་ལྡན་ཞིང་སྨོན་པ་རྣམས་ཡིད་བཞིན་དུ་འགྲུབ་པར་བགྱི་བའི་སླད་དུ་བཅོམ་ལྡན་འདས་ཀྱི་སྤྱན་སྔར་ཡིད་བཞིན་གྱི་ནོར་བུ་རིན་པོ་ཆེའི་གཟུངས་གང་
D555.089.0101a07.01