完整藏文原文 · 德格版页 当前仅加载第 89 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ཕ་མ་ཆུང་མ་བུ་རྣམས་དང་། །ཕུ་ནུ་དང་ནི་སྲིང་མོ་རྣམས། །ཅིག་ཅར་སྡུག་དང་བྲལ་འགྱུར་ཞིང་། །ཐ་མར་བདག་ཀྱང་འཆི་བར་འགྱུར། །ལྟས་ངན་སྐར་མདའ་དག་ཀྱང་ལྟུང་། །ཉི་མ་གཉིས་ནི་ཅིག་ཅར་འཆར། །ཕ་རོལ་དགྲ་
D555.089.0121a01.01ནི་ཉེར་འོངས་པས། །ཡུལ་མི་འཆི་བར་འཁྲུག་ཕྲད་འགྱུར། །ཡུལ་བཀུར་བློན་པོ་ཆེན་པོ་རྣམས། །ཉེས་མེད་གློ་བུར་འཆི་བར་འགྱུར། །གླང་པོ་རྟ་སོགས་གཅེས་པ་རྣམས། །ཐམས་ཅད་འཐོར་ཞིང་སྟོངས་པར་འགྱུར། །ཡུལ་ཡུལ་ཀུན་དུ་དགྲ་ཡོད་
D555.089.0121a02.01པས། །མི་ནི་ཕལ་ཆེར་དུས་མིན་འཆི། །འདྲེ་སྲིན་མང་པོ་ཡུལ་ཞུགས་པས། །རིམས་ནད་ཀུན་དུ་འཕེལ་བར་འགྱུར། །ཡུལ་མི་བློན་པོ་ཆེན་པོ་དང་། །ཉེ་ཕན་མང་པོ་ཐམས་ཅད་ཀྱང་། །སེམས་ནི་གཡོ་སྒྱུ་བཅས་པས་ན། །ཐམས་ཅད་ཆོས་མིན་སྤྱོད་པར་འགྱུར། །
D555.089.0121a03.01ཆོས་མིན་སྤྱོད་པ་མཐོང་གྱུར་ན། །སྙིང་དུ་སྡུག་ཅིང་བཀུར་བར་བྱེད། །དགེ་ཆོས་སྤྱོད་པའི་མི་དག་ལ། །སྡུག་བསྔལ་ཉོན་མོངས་ཆད་པས་གཅོད། །མ་རུངས་བྱམས་ཤིང་བཀུར་བ་དང་། །དགེ་བ་ཆད་པས་བཅད་པའི་ཕྱིར། །གཟའ་སྐར་རླུང་དང་ཆར་པ་རྣམས། །
D555.089.0121a04.01ཐམས་ཅད་དུས་སུ་རྒྱུ་མི་འགྱུར། །ཉེས་དམིགས་རྣམ་གསུམ་སྐྱེ་བར་འགྱུར། །ཡང་དག་ཆོས་ནི་ནུབ་འགྱུར་ཞིང་། །སེམས་ཅན་ཁ་དོག་འོད་མི་ལྡན། །ས་ཡི་བཅུད་ནི་ཐུར་དུ་འབབ། །སྡིག་བཀུར་དགེ་ལ་བརྙས་པས་ན། །གཞན་ཡང་ཉེས་དམིགས་རྣམ་གསུམ་
D555.089.0121a05.01འབྱུང་། །དུས་མིན་སད་དང་སེར་བ་འབབ། །མུ་གེའི་སྡུག་བསྔལ་ཀུན་དུ་ཁྱབ། །ལོ་ཏོག་(འདྲས་,འབྲས་)བུ་མང་པོ་རྣམས། །ཐམས་ཅད་རོ་ཞིམ་ཉམས་པར་འགྱུར། །དེ་དག་གི་ནི་ཡུལ་ཁམས་ན། །སེམས་ཅན་ཕལ་ཆེར་ན་བར་འགྱུར། །དེ་ཡི་ཡུལ་ན་ལྗོན་ཤིང་
D555.089.0121a06.01རྣམས། །སྔོན་ཆད་འབྲས་བུ་ཞིམ་ཆགས་པ། །དེ་ཡི་དབང་གིས་ཉམས་འགྱུར་བས། །ཁ་རྩུབ་རོ་མཆོག་མེད་པར་འགྱུར། །སྔོན་གྱི་ཀུན་དགའ་ནགས་ཚལ་མཆོག །སྙིང་དུ་སྡུག་ཅིང་རྩེ་བའི་གནས། །ཐམས་ཅད་སྐམས་ཤིང་རྙིངས་འགྱུར་བས། །མཐོང་
D555.089.0121a07.01