完整藏文原文 · 德格版页 当前仅加载第 89 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གྱུར་ནས་ནམ་མཁའ་ལ་མཆི་བར་འཚལ་ལམ། ལྷའི་མིག་གི་མངོན་པར་ཤེས་པ་དང་། གཞན་གྱི་སེམས་འཚལ་བ་དང་། སེམས་ཅན་ཐམས་ཅད་ལ་ཡིད་བཞིན་དུ་རང་དབང་ཐོབ་ནས་ཉོན་མོངས་པ་བཅད་དེ་མྱུར་དུ་རྣམ་པར་གྲོལ་བ་ཐོབ་པ་ལ་དགོད་
D555.089.0119a01.01པར་འཚལ་ན་ཡང་ཐམས་ཅད་ཕུན་སུམ་ཚོགས་པར་བགྱིད་དོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ལ་བཀའ་སྩལ་པ། ཁྱོད་ཀྱིས་འདི་ལྟར་སེམས་ཅན་ཐམས་ཅད་ལ་ཕན་གདགས་པའི་ཕྱིར་རིག་སྔགས་འདི་བཤད་དེ། ཡང་
D555.089.0119a02.01དག་པའི་ཆོས་ཡོངས་སུ་བསྲུངས་ནས་བསོད་ནམས་ཀྱིས་མཐའ་ཡས་པ་རྣམས་ལ་ཕན་བཏགས་པ་ལེགས་སོ་ལེགས་སོ། །གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས། གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ཀྱི་ལེའུ་སྟེ་བཅུ་
D555.089.0119a03.01དགུ་པའོ།། །།དེ་ནས་སའི་ལྷ་མོ་ཆེན་མོ་བརྟན་མ་ཞེས་བྱ་བ་འཁོར་མང་པོའི་ནང་ནས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ནས་གུས་པས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D555.089.0119a04.01འདས་ཡུལ་རྣམས་སུ་མིའི་རྒྱལ་པོ་བགྱིད་པ་ལ་གལ་ཏེ་ཡང་དག་པའི་ཆོས་མ་མཆིས་པར་གྱུར་ན། ཡུལ་སྐྱོང་ཞིང་སྐྱེ་བོ་མང་པོ་རྣམས་ཀྱང་གསོ་བའི་རྔོ་མི་ཐོགས་ལ་བདག་ཉིད་ཀྱང་ཡུན་རིང་དུ་ཁྱད་པར་དུ་འཕགས་པའི་རྒྱལ་ཐབས་ལ་གནས་པར་མི་འགྱུར་ན། བཅོམ་
D555.089.0119a05.01ལྡན་འདས་བྱམས་པ་དང་། ཐུགས་རྗེས་ཐུགས་བརྩེ་བར་དགོངས་ཏེ། བདག་ལ་རྒྱལ་པོའི་ཆོས་ལུགས་ཡང་དག་པའི་བསྟན་བཅོས་ཡུལ་སྐྱོང་བར་བགྱིད་པའི་དོན་གང་ལགས་པ་བཀས་བཤད་དུ་གསོལ། །དེས་ན་མིའི་རྒྱལ་པོ་རྣམས་ཆོས་འདི་ཐོས་པའི་
D555.089.0119a06.01དབང་གིས་ཇི་སྐད་བསྟན་པ་བཞིན་དུ་མངོན་པར་སྒྲུབ་ཅིང་ཡང་དག་པར་འཇིག་རྟེན་འདུལ་བ་དང་། ཁྱད་པར་དུ་འཕགས་པའི་རྒྱལ་ཐབས་གཏན་དུ་བདེ་ཞིང་ཞི་བ་དང་། ཡུལ་ན་གནས་པའི་སྐྱེ་བོ་ཐམས་ཅད་ལ་ཡང་སྨན་པར་འགྱུར་ལགས་སོ། །དེ་ནས་བཅོམ་ལྡན་
D555.089.0119a07.01