完整藏文原文 · 德格版页 当前仅加载第 89 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱི་ཞལ་དུ་བལྟས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་གཡར་ལམ་ན་བྲམ་ཟེ་ཞིག་གིས་གསེར་གྱི་རྔ་ཤིན་ཏུ་གྱ་ནོམ་པ་བརྡུངས་པ་ལས་སྒྲ་ཆེན་པོ་བྱུང་སྟེ། སྒྲ་དེ་ལས་སྡིག་པ་བཤགས་
D555.089.0043a01.01པའི་ཆོས་ཀྱི་ཚིགས་སུ་བཅད་པ་ཤིན་ཏུ་གྱ་ནོམ་པ་དག་བསྟན་པ་བདག་གིས་ཐམས་ཅད་ཡོངས་སུ་བཟུང་སྟེ་དྲན་ལགས་ན། བཅོམ་ལྡན་འདས་ཐུགས་རྗེ་ཆེན་པོས་བདག་གིས་བཤད་པར་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱི་སྤྱན་སྔར་ཚིགས་སུ་
D555.089.0043a02.01བཅད་དེ་གསོལ་པ། །བདག་གིས་མདང་སུམ་གཡར་ལམ་ན། །གསེར་གྱི་རྔ་ནི་ཆེན་པོ་ཞིག །དབྱིབས་ནི་ཤིན་ཏུ་ཁྱད་པར་འཕགས། །ཀུན་ནས་འོད་ཟེར་ཁྱབ་པར་ལྡན། །ཉི་མའི་དཀྱིལ་འཁོར་མཚུངས་པས་ན། །སྣང་བས་ཀུན་ཏུ་ཁྱབ་པར་བགྱིས། །ཕྱོགས་
D555.089.0043a03.01བཅུའི་འཇིག་རྟེན་གང་བར་མཐོང་། །སངས་རྒྱས་མང་པོ་ཐམས་ཅད་ཀུན། །རིན་ཆེན་ལྗོན་ཤིང་དྲུང་དག་ཏུ། །བཻ་ཌཱུརྱ་ཡི་གདན་བཞུགས་ཏེ། །འཁོར་ནི་བརྒྱ་སྟོང་ཚད་མེད་སྙེད། །གུས་པས་ཡོངས་སུ་བསྐོར་བར་མཐོང་། །དེ་ནས་བྲམ་ཟེ་ཞིག་གིས་ནི། །གསེར་གྱི་རྔ་
D555.089.0043a04.01ཆེན་བརྡུངས་པས་ན། །རྔ་ཆེན་དེ་ཡི་སྒྲ་ལས་ནི། །ཚིགས་བཅད་གྱ་ནོམ་འདི་སྐད་སྨྲས། །གསེར་འོད་རྔ་ལས་གྱ་ནོམ་སྒྲ་བྱུང་བས། །སྟོང་གསུམ་ཆེན་པོའི་འཇིག་རྟེན་ཀུན་ཁྱབ་ནས། །ངན་སོང་གསུམ་གྱི་སྡུག་བསྔལ་མི་བཟད་དང་། །མི་ཡི་སྡུག་བསྔལ་མང་པོ་གང་
D555.089.0043a05.01ཡིན་པ། །གསེར་གྱི་རྔ་སྒྲ་མཐུ་སྟོབས་དབང་གིས་ནི། །ཉོན་མོངས་སྒྲིབ་པ་ཐམས་ཅད་གཏན་ཞི་ནས། །དཔེར་ན་ཐུབ་དབང་བཅོམ་ལྡན་ཇི་བཞིན་དུ། །འཇིགས་པ་བསལ་ནས་བདེ་བ་ཉིད་དུ་ཤོག །བཅོམ་ལྡན་འཁོར་བའི་རྒྱ་མཚོ་ཆེན་པོར་ནི། །སྤྱོད་བསགས་
D555.089.0043a06.01ཐམས་ཅད་མཁྱེན་ནི་བསྒྲུབས་པས་ན། །སེམས་ཅན་བྱང་ཆུབ་ཡན་ལག་ལྡན་མཛད་ནས། །མཐར་ནི་ཡོན་ཏན་རྒྱ་མཚོ་ཕྱོགས་པར་མཛད། །གསེར་འོད་དམ་པའི་རྔ་ཆེན་སྒྲ་འདི་ནི། །ཐོས་པ་ཀུན་ནི་ཚངས་དབྱངས་ཐོབ་པར་ཤོག །བླ་མེད་བྱང་ཆུབ་འབྲས་བུ་
D555.089.0043a07.01