完整藏文原文 · 德格版页 当前仅加载第 89 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་ནས་སངས་རྒྱས་ཀྱིས་རྣམ་པར་དག་པ་བརྙེས་པར་འགྱུར་བས། དེའི་ཕྱིར་ཆོས་ཀྱི་དེ་བཞིན་ཉིད་དང་དེ་བཞིན་ཉིད་ཀྱི་ཡེ་ཤེས་ཀྱིས་ནི་སངས་རྒྱས་ཀྱི་ཆོས་ཐམས་ཅད་ཡོངས་སུ་སྡུད་པར་འགྱུར་རོ། །གཞན་ཡང་རིགས་ཀྱི་བུ་སངས་རྒྱས་ཐམས་ཅད་ནི་
D555.089.0035a01.01བདག་དང་གཞན་ལ་ཕན་འདོགས་པའི་མཐར་བྱོན་པ་ཡིན་པས། བདག་ལ་ཕན་འདོགས་པ་ནི་ཆོས་ཀྱི་དེ་བཞིན་ཉིད་དོ། །གཞན་ལ་ཕན་འདོགས་པ་ནི་དེ་བཞིན་ཉིད་ཀྱི་ཡེ་ཤེས་སོ། །བདག་དང་གཞན་ལ་ཕན་འདོགས་པར་མཛད་པ་ལ་མངའ་བརྙེས་ནས་མཛད་པ་མཐའ་ཡས་
D555.089.0035a02.01པ་རྣམ་པ་སྣ་ཚོགས་ཡོངས་སུ་རྫོགས་པར་གྱུར་པའི་ཕྱིར་དེ་ལྟ་བས་ན་སངས་རྒྱས་ཀྱི་ཆོས་ཐམས་ཅད་བྱེ་བྲག་ཐ་དད་པ་རྣམ་པ་སྣ་ཚོགས་ཚད་མེད་ཅིང་མཐའ་མེད་པ་སྙེད་ཡོད་པར་རྣམ་པར་ཕྱེ་བ་ཡིན་ནོ། །རིགས་ཀྱི་བུ་འདི་ལྟ་སྟེ་དཔེར་ན་ཡང་དག་པ་མ་ཡིན་པའི་རྣམ་པར་རྟོག་པ་ལ་
D555.089.0035a03.01བརྟེན་ནས་ཉོན་མོངས་པ་རྣམ་པ་སྣ་ཚོགས་དང་། ལས་ཀྱི་རྒྱུ་རྣམ་པ་སྣ་ཚོགས་དང་། འབྲས་བུ་རྣམ་པར་སྨིན་པ་རྣམ་པ་སྣ་ཚོགས་བསྟན་པ་དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་བརྟེན་ནས་ཀྱང་སངས་རྒྱས་ཀྱི་ཆོས་རྣམ་པ་སྣ་ཚོགས་དང་།
D555.089.0035a04.01རང་སངས་རྒྱས་ཀྱི་ཆོས་རྣམ་པ་སྣ་ཚོགས་དང་། ཉན་ཐོས་ཀྱི་ཆོས་རྣམ་པ་སྣ་ཚོགས་སྟོན་པར་མཛད་དོ། །ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་བརྟེན་ནས་སངས་རྒྱས་ཀྱི་ཆོས་ཐམས་ཅད་ལ་རང་དབང་ཐོབ་ནས་ཕུན་སུམ་ཚོགས་པར་འགྱུར་བས་
D555.089.0035a05.01འདི་ནི་མཆོག་ཏུ་བསམ་གྱིས་མི་ཁྱབ་པ་ཞེས་བྱའོ། །འདི་ལྟ་སྟེ་དཔེར་ན་ནམ་མཁའ་ལ་རི་མོ་བྲིས་ཏེ་རྒྱན་དུ་བྱེད་པ་གང་ཡིན་པ་དེ་ནི་བསམ་གྱིས་མི་ཁྱབ་པ་ཡིན་ནོ། །དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་བརྟེན་ནས་སངས་རྒྱས་ཀྱི་ཆོས་ཡོངས་སུ་
D555.089.0035a06.01རྫོགས་པར་བྱེད་པ་ཡང་བསམ་གྱིས་མི་ཁྱབ་པ་ཡིན་ནོ། །རིགས་ཀྱི་བུ་ཇི་ལྟར་ན་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་གཉིས་ལ་རྣམ་པར་རྟོག་པ་མི་མངའ་བར་ཡང་རང་གི་ངང་གིས་མཛད་པའི་དངོས་པོ་དག་ཕུན་སུམ་ཚོགས་པར་འགྱུར་ཞེ་ན། རིགས་ཀྱི་བུ་
D555.089.0035a07.01